تكفى

تكفا ترى تكفا تهزّ الرجاجيـل

لولا صروف الوقت ماقلت تكفا!!

بيت مشهور من أكثر القصائد التي كثر اللغط حولها وتداولها بعض الشعراء في بعض قصائدهم ونسبوها لهم والحقيقة تقال إنها للشاعر العذب : محمد الدحيمي الشهري اليك القصيدة بمحتوى البيت السابق.



اما لطمنا العيل والا الطم العيل
مادام شب النار مندوب الاطفا

من ذاق حر القايله يعشق الليل
ومن شب ضوه ليلة البرد يدفـا

امسيت في جيلٍ ولاهوب ذالجيل
واصبحت والا ديرتي شبه منفـا

واللي حما بيته بطيـرن ابابيـل
ماجيت ادور كل من صد وقفا

ولاجيت ابشحذ يانما دلّه وهيل
جيتك وجرح الظلم غاديه يشفا

جيتك بكلمه كنها صعقة الويل
ان قلت تكفا لاتهـاون بتكفـا

تكفا تراها كلمةٍ تقطم الحيـل
لابالله الا تنسف الحيـل نسفـا

تكفا ترا تكفا لها هدرة السيـل
في صدر حرٍ ينتف الطيب نتفـا

تكفا ترا تكفا لها تسّرج الخيـل
ان كان لك في مجمع الخيل عسفا

تكفا تراني من قرومٍ مشاكيـل
حماية الساقه بسيـفٍ وشلفـا

تكفا وتكفا ماتسـاق لمهابيـل
تكفا تخلّي القرم لاشٍ وهطفـا

تكفا ترى تكفا تهزّ الرجاجيـل
لولا ضروف الوقت ماقلت تكفا

نقل رائع اخوي فيصل الجبرين

تشكر عليه

صح السانك والسان الشاعر الدحيمي

اخوي فيصل


توضيح بمكانه لأن كثير من الناس مايدري من له بيت الشعر هذا


مع احترامي

اخي الكريم فيصل الجبرين
لك منا جزيل الشكر على هالنقل
الأكثر من رائع

ودمت بخير.

....اخوي فيصل الجبرين.....

مبدع دائماً سواء بمشاركاتك الخاصه. او بما تأتي به من منقول

لله درك اخوي

وانا بقول لكـــ

تكـــفى لاتخلينا من مشاركاتك . تأكد اننا نترقب لها بشوق

تقبل مروري

صح لسان الشاعر

وتسلم يمينك يافيصل

اختيار روعه ..

ألا يابعد حيي يافيصل
صح ألسان الشاعر
وسلمت يالغالي على هالنقل الجميل
الفريد المبين رائع بكل مكان
عسى الله لا يحرمنا من هالوجود\
لك من الشكر أجزله
ومن التقدير أوفره
ودمت بتألق

بارك الله فيكم

نورتوا الصفحه

وعساكم على القوه

تقديري للجميع