وصوت الطنايا ليا زاعي= أيصحي الي ضميره ميت

:gfdcvh ::gfdcvh ::gfdcvh :

[size="5"]

بهلول قلب العنا زاعي= مع اول الصوت لاغنيت
مسكين ياقليب طلاعي= يكفخ ويرج بوصت البيت
وصوت الطنايا ليا زاعي= أيصحي الي ضميره ميت
وقل لشواعير له داعي= عندي ومن جاوباً حييت

طلاع الزميلي

ياخال وان شفت مصراعي=مثلك غدى فكرنا تشتيت
ارقب من البعد واراعي=ولولا الحيا بالخلا ونيت
همي وهمك وانا ساعي=ارد وتارد حيامك هيت
وانت الذي بالخطر واعي=يشرب عدوّك من الحلتيت

سعيد العمودي

هلاهلا مادعا الداعي= بالناخي سعيد عمود البيت
عمودياً طايل الباعي= له بالمعالي مكان وصيت
شبل الوفاليث بتاعي= لاقام يركع له العفريت
وسلام ماشع لماعي=لسعيد قاف الشهد زفيت

طلاع الزميلي

الحر والذيب ياجاعي = مايقبلك لوبها هليت
طلاع طلاع ياداعي= جاني نداكم وانا لبيت
ايمر وانا رهن الأصباعي = تحت اللوازم يامنك جيت
مانقبل الظيم بالقاعي = تقوم اعضامي لواني ميت
نمشي على النيم والواعي = والضيف مايشبعه حييت

بهلول الشمري

بهلول يمناي وذراعي= مركاي أسنادي الياحديت
اليانتخا رفف الشراعي= سيفاً بكفي اليا هديت
تاجاً علي راس طلاعي=شدفان لياولع الكبريت
عساك لي دوم فزاعي= ويحميك حامي ركون البيت

طلاع الزميلي

يامرحبا عد ماراعي = وعدد حجيج تطوف البيت
وعداد ماهب ذعذاعي= وعداد ماب النظر راعيت
باللي لفوا حسن الأطباعي= من لابة باللقاء له صيت
بعمومكم واشكر الداعي= والمعذره كان ماوفيت

بهلول الشمري

ياشوق الي صيتها ذاعي= ماشاقه الثور والخرتيت
بنت الشرف بنت من طاعي =مياخضع الا رب البيت
مثل النداوي اليزاعي= يشبه البهلول ياحليت
ومن مر موضوع طلاعي= الفين مليون به هليت

طلاع الزميلي

طلاع ..تر مالها داعي = بالليل تمشي بليا ليت
كله حنافيش وآفاعي = وش جاك وإلا قليبك ميت
فزعت شمر ياطلاعي = وترا البلا والجلا ياجيت

بن بليهد

بليهيد طلاع لك فاعي= وأنا شـمر بكم حييت
ومن فرحتي قمت ماراعي =وبغيت اقع يوم لكم فزيت
يالخالدي زين ألأطباعي=نورت هالمنتوى من جيت

طلاع الزميلي

طلاع همه باالاضلاعي = وانا معه يافهد غنيت
لوكان مال الحزن داعي = سميت بسم الطنا سميت
سفينتي جتك بشراعي = من دون طلاع ماذليت
يخسى العدو يلوي اذراعي = يومي وغد عنه ماصديت
ازمل على الفعل وراعي = هذاك طلاع راع الصيت
جهلان نجهل باالاجماعي = القاز ينخى يبي كبريت
ابشر بعزك دعى الداعي = لبيه لو تحترق تكريت

عيااده الجهيلي

لفاني القاف شلاعي= من فكر راس الطنا العنتيت
جهيلي له الصعب ينصاعي= شعارشمر لياعديت
يوفون راع المدبصاعي= جهلان عزي لياناديت
للمعتدي سم فعفاعي= لصاحب بيت وذرا ياجيت
وشكراً لكم ماسعا الساعي= كفيت ياعزوتي وفيت

طلاع الزميلي



صح لساان كل واحد منكم

شعّار الوزن الثقيل

لاهنتوا

والله امتعتوناا لاخليناا منكم جميع

واخوناا الشااعر / بن بليهد وافق هذه المناوشات الطلعاويه وزاد حلاته حلا

الله يحييه والجميع

الف شكر لك عل التنسيق يالعزوة