[ سـيـرة بـطـل ]

السلام عليكم ورحمة الله ,,

أنقل لكم اليوم قصيدة الشاعر تركي بن عطالله المطيري ,, والتي شارك بها في شاعر المليون ,,

وهي قصيدة سيرة بطل ,, والتي لاقت استحسان وقبول كبير من الشارع السعودي بكل قبائله وطوائفه وعلى أعلى مستوياته ,,


فقد كانت قصيدة راقية في المعنى والمضمون ,, ولعل اتصال سمو الأمير سلمان بن عبدالعزيز ,, بشاعرها تركي المطيري ( أو تركي 2000 ) وإطلاق لقب شاعر الوطن عليه ,, لهو أكبر فخر للشاعر تركي 2000 وأكبر دليل على جزالة القصيدة أيضاَ ,,

أترككم مع قصيدة سيرة بطل للشاعر تركي 2000 ,,

يافالق الصبـح يامولـج نهـارك بليـل=ياجامع الناس في يوم البعـث و النشـور
عليك كـل إتكالـي وأنـت نعـم الوكيـل=يا عالـم بالمصيـر و ماتكـن الصـدور
يالله يالله تهديـنـي ســواء السبـيـل=و تعصم لساني عن الزله وعن كـل زور
الشعر موقف وحده مثـل حـد الصقيـل=لو كان كتله من احساس البشر والشعور
يامـا رقابـي ورقيتـه بـراس الطويـل=وياما سبح بي بحور وغصت به في بحور
وانا ليا حـان ميقافـي قبسـت الفتيـل=و اوقدت من نار فكري للمسافـات نـور
واليوم لاهنت ياشعـري مايخـدم بخيـل=مادام سلحتـك الافكـار مانـت معـذور
قدمك من العز مايروي ظمـا كـل جيـل=سوالفه تزرع الامجـاد فـي كـل بـور
وقدمك لميع الهنـادي والقنـا والصقيـل=وقدمك من المجد ماترويه كـل العصـور
مسافتـه عـز ماتنقـاس كيلـو وميـل=بركانهـا ماخمـد وامجادهـا ماتـبـور
ياموكب الشعر وقف واستمع لـي قليـل=حتى اني اعطيك للتاريخ رخصـة عبـور
سيـرة بطـل ماتغيبهـا حكايـة رحيـل=تبقى بوجه الزمن كالنحت فوق الصخـور
ماكانت ارض الجزيرة قبل ذاك الاصيـل=إلاتفكـك عقيـدة وانـحـدار ودبــور
نهارهـا كـم قتيـل وليلهـا كـم قتيـل=جنايـزٍ مالهافـوق البسيـطـة قـبـور
قويهم سلطتـه تسلـب حقـوق الذليـل=وشيطانهم ساد والظلم انتشـر والفجـور
وكلٍ لخصمه من اصناف العـداوة يكيـل=وصدورهم من جهلهم فالمعاصـي تفـور
ما للأمـن شجـرةٍ فيهـا مقـر ومقيـل=ولابينهم للمودة فـي الجزيـرة جسـور
هذا قبل هيـت تخطيهـا عيـون الدليـل=وهذا قبل سطوة القـرم العـزوم الصبـور
النادر اللي على العارض يهيـم ويخيـل=من يوم عمره عشر شوره غلب كل شور
من قو باسه صنع ممكن مـن المستحيـل=ومن طيب راسه يحل معقـدات الامـور
زهابه الصدق والاخلاص حمـل الصميـل=وسلاحه الدين والتقوى سـلاح الغيـور
جمَع شتات القبايل ليـن صـارو فصيـل=واخوان عقب التناحر والجفـا والشـرور
وحكم بشرع الكتاب اللي ماغيـره بديـل=وعم الفرح فالبلاد وسـاد كـل السـرور
لامـال ميـزان غيـره مايحيـد ويميـل=في سطوته ينكسر راس الجهل والغـرور
شخصيته مالهـا فـي كـل جيلـه مثيـل=تجف الاقلام وبمدحـه تضيـق السطـور
والله ليبطن ماجابـن ناقضـات الجديـل=مثله ولااقول في كـل النشامـى قصـور
ويالله يامستجيـب للـدعـاء ياجلـيـل=من عبدك اللي لك مطيع وذليل وشكـور
ترسل على قبر ابو تركي صدوق المخيل=وسمٍ يساقيه من غـر السحـاب البكـور
وتهـل فوقـه بسيـل مايلاديـه سـيـل=وترحم عظامـه وتغفـر زلتـه ياغفـور
وتجمع به المصطفى في جنتـك والخليـل=وتحفظ عياله مواكير الحـرار الصقـور
وإنك تجمـل وتهدينـي سـواء السبيـل=وتعصم لساني عن الزله وعن كـل زور

تحيــــــــاتي

تسلم اخي سطام

قصيده رائعه للشاعر تركي

ونقل اروع لك

صح لسانك ولسان الشاعر

تقبل تحياتي

اقتباس المشاركة الأصلية كتبت بواسطة القناص تسلم اخي سطام قصيده رائعه للشاعر تركي ونقل اروع لك صح لسانك ولسان الشاعر تقبل تحياتي

يسلمك ربي يالطرررررررررربه


تشرفت بمرورك وتواصلك

قصيده رائعه للشاعر / تركي المطيري


سطام الشمّري

يعطيك العافيه ..

ترسل على قبر ابو تركي صدوق المخيـل
وسمٍ يساقيه من غـر السحـاب البكـور

وتهـل فوقـه بسيـل مايلاديـه سـيـل
وترحم عظامـه وتغفـر زلتـه ياغفـور

وتجمع به المصطفى في جنتك والخليـل
وتحفظ عياله مواكيـر الحـرار الصقـور

وإنك تجمـل وتهدينـي سـواء السبيـل
وتعصم لساني عن الزله وعن كـل زور


الله الله


نقلـــــــــــــه رآئعــــــــــــــــــــــه



دمـــــــــــت بخيــــــــــــــــــر..

اقتباس المشاركة الأصلية كتبت بواسطة أجــا قصيده رائعه للشاعر / تركي المطيري سطام الشمّري يعطيك العافيه ..

حضورك الأروع


لاعدمت تواصلك

اقتباس المشاركة الأصلية كتبت بواسطة قايــدة الخيــل ترسل على قبر ابو تركي صدوق المخيـل وسمٍ يساقيه من غـر السحـاب البكـور وتهـل فوقـه بسيـل مايلاديـه سـيـل وترحم عظامـه وتغفـر زلتـه ياغفـور وتجمع به المصطفى في جنتك والخليـل وتحفظ عياله مواكيـر الحـرار الصقـور وإنك تجمـل وتهدينـي سـواء السبيـل وتعصم لساني عن الزله وعن كـل زور الله الله نقلـــــــــــــه رآئعــــــــــــــــــــــه دمـــــــــــت بخيــــــــــــــــــر..

تواجدك الأروع


لاحرمت مرورك العذب

صح الله لسان ابو عطالله وقصيده جزله

وشاكر لك أخي سطام الشمري على نقلك لها

ونتظر القادم منك .

لك أجمل تحيه ،،،

اقتباس المشاركة الأصلية كتبت بواسطة اخوشرهه صح الله لسان ابو عطالله وقصيده جزله وشاكر لك أخي سطام الشمري على نقلك لها ونتظر القادم منك . لك أجمل تحيه ،،،

تركي المطيري ..

والله لو أنظم فيه قصايد ماوفيه حقه ..

شاااااااااااااعر بكل ماتعنيه الكلمه

ويستاهل لقب شاعر الوطن ..

صح الله لسان الشاعر

ويسلم ذوقك ياسطام

لاهنت ,,