للشاعر رشيد العمودي الشمري

قـالـوا تـــدور قـلــت (للشاعر رشيدالعمودي الشمري)

--------------------------------------------------------------------------------

قالوا تـدور قلـت يالربـع ماديـر
مالي على بعـض المشاريـف جيـه
أنحى ركابـي بالنحـاف البواكيـر
أخاف مـن عشـرة متيـح وسميـه
اللـي يشـب النـار ويصدويغـيـر
هـذاك يامشكـاي شــر البـريـه
والعشرة اللي به على الراس تقصير
ابتركـه واعـف نـفـس بـريـه
أجنبـه وأعـد لـه نيـة الخـيـر
وأكتب على راس المذبـب وصيـه
وصيـة تعطـي دلايـل وتحـذيـر
اخاف انـا البنـدق تثـور بصبيـه
واخذت لي مده وانا اقيـف واسيـر
وامس حبل الرشـد والنفـس عيـه
وانا بعـد عنـدي عيـال مقاصيـر
واخاف من بعـض العلـوم الرديـه
اخاف تشعى بيـن جـر وجواريـر
وأنـزل الثنتيـن وأشـيـل مـيـه
وأنا حذر ما آطى على شفـة البيـر
أخاف تزلق بي على الجنـب طيـه
وأنا خـلا والجـو عـج ومعاصيـر
حافي ولا عنـدي زهـاب ومطيـه
والأرض به ضفعه وجنبه وشرشيـر
ومن السلوم السـود ماهـي صريـه
قالـوا تحـب المترفـات الغناديـر
أدخـل علـى الله مابهـا منكـريـه
قلـت الحقيقـه ماتجـوز المناكيـر
يامـن ســأل بالله الـشـي نـيـه
أحبهـم حـب الخـلا للصقاقـيـر
ان شرفـوا بالعصـر كـل محميـه
شاف الحباري تجتلـد حـده الطيـر
كنـه زعيـم قـاد ركـن السريـه
اقفى عليها حر اشجـع مـن الزيـر
مثـل الجنـازه فـوق بنـت العبيـه
أشقر مسرول راس خشمه تقل كيـر
اقطم ليا خـزك تقـل عيـن حيـه
عوق الحباري ينثر الريـش تنثيـر
ان هز متنـه تقـل صفـق برديـه
صكيمـه تالـي حـرار فواعـيـر
لـه بالشنـوف النايـفـه مدهلـيـه
لـه ماكـر بمشمرخـات ال****يـر
هيلـع جبـال مالفـى نجـد زيــه
كـن المخالـب مبهمـات الشناكيـر
والا حــدود مـذبـب النافعـيـه
والا من الفـولاذ شلـف الشناظيـر
والا محانـي تـرثـة العرفجـيـه
زيـن المناكـب مقلحـز البواديـر
مثولـث هولـن مهيـلـن دهـيـه
ليا التفت واصغـى بـدق وتباصيـر
كنـه عديـم يستمـع لـه وصـيـه
زين الملامح مستجـب المخاصيـر
عين الشجاع اللـي خذتـه الحميـه
كنه حدى الاثنيـن عـرار وعميـر
والا صعـب والا الصكيمـه بنـيـه
والا زعيم القـوم راعـي المسابيـر
اللي زهـد مـن صيحـة المشلحيـه
والا الزعيم اللـي لفـوه المساييـر
وشد الركـاب وقـال للجـوف نيـه
والا الشجاع اللـي تلـوه المناعيـر
بالقيـض نطحهـم فجـوج خلـيـه
اللي تحيزم مـن ثميـد وأبـا القيـر
يامالعـب بـوريـك راع الحمـيـه
دورت وصفه رحت مع حرب ومطير
وشمـر صعـول الخيـل بالجاهليـه
وعناز وعتيبـه ونجـع المناصيـر
وجيـت الظفيـر ولا لقينـا حلـيـه
وسألت راع الطير يا راعي الطيـر
منيـن جـاك الطيـر قالـوا هديـه
من شوشلي مـا يهـاب المخاسيـر
ليا حصـل بالعلـم روحـه وجيـه

يا سلام صح لسان الشاعر

لاهنتي يا العنودي الشمري

على النقل تقبل مروري

صح الله لسان الشاعر

ويسلم هالذوق يالعنود

تسلم اياديك اختنا القديرة / العنود


وصح السان الشاعر / رشيد العمودي


ااااااااااااااااااااالف

العنود الشمري

قصيده تستاهل النقل

صح لسانك ولسان الشاعر ..

أحبهـم حـب الخـلا للصقاقـيـر
ان شرفـوا بالعصـر كـل محميـه

شاف الحباري تجتلـد حـده الطيـر
كنـه زعيـم قـاد ركـن السريـه

اقفى عليها حر اشجـع مـن الزيـر
مثـل الجنـازه فـوق بنـت العبيـه

أشقر مسرول راس خشمه تقل كيـر
اقطم ليا خـزك تقـل عيـن حيـه


هههههههههه



الله الله


شااااااااااااااااعر كبيــــــــــــــر


صـــــــــح بـــــــوحـــــــــه ومنطــــــوقـــــــــــه


لاهنـــــــــتِ عنووووووووووووووده..

العنود الشمري

نقلتي الرائع

صح لسان شاعرها

وسلم ذوقك اختي

مشكوورين على المرور

كلكم الف شكر..