10-04-2017 | #1 |
|
فهد يمناي واحزامي
فهــد يمنــاي واحــزامي ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,
سـلامي للذي عـلـمه ينـومسـني خـفـا واجهار = فـلــذة كـبـدي وقـطعه مـن الخـفـاق وآمــالـي محـمد بـن ســــوعـان الـربيّـعفهـد يمناي واحـزامي عضيدي حزةالاخـطار = فهـد يا مســندي لاجــات صدفـاتً بالاحـوالي وصاتي يا فهـد هــذي هـديـه وافـيه مـن بــار = ابـوك اللـي تمنالك نجــاح بمســتـوى عــالي نصيحـة والــدً لـبـنـه وابدمـجها مـع الاشـعـار = لعــل الله يهــديـنــا الـى مصــلوح الاعـمـالـي انا بوصيك في في طاعة الهـك والي الاقـدار = الـهً تسـجـد لـوجهـه نســا وارجـــال واطفالـي وانا بوصيك في طاعة محبينك ومهـمـا صـار = غـلاتـك يافـهـد تبـقى عـظـيمه مثـل الاجـبالي وانا اعني والدك وامك ولا اعني زيدً وعـمار = رضـاهـم من رضى ربً خضعنــالـه بـاذلالي ولا تنسى اركان الديـن ترا في حفـظها معبـار = الى بــر الامان اللي تجـيـبه خـيــر الاعمــالي ولـزوم اتأدي افروض الصـلاة وترجي الجبار = عظيـمً نبـتغـي فـضـلـه وغـفـرانـه والامهــالي ولزوم اتواصل ارحامك ولا تلجي الى الاعـذار= ولا تســمـع عــواذيــل القـطاعـه والتخبـالـي وابيك تكـون حـزات الشـدايـد يالجـمل صبّــار = لــزوم اتكـون مثتل اهـديب يوم يشيل الاثقـالي ولا يجـزع اهديب الشام لو زادت احمـوله ثـار = صـبورً والصبـر حكمــه تــداول فيـه الامثـالي ولاتـزعـل مـن المقسـوم ايـلا قـدّر ولا تحتــار = لـزوم اتـواجـه اظروف الحياه بعـزم الاشبالي وانا احـذر عـن بعض الاوادم يا فـهـد اشـــرار = تنــزح وابتعــد عنهــم وعــز النـفـس للتـــالــي ابي تبحث عن الطيب .عـن اللي وافي الاشـبار = صـديـقً عـلـمه ينـومس ماهـو خايـن وخـتـالي شـريفً خـلفـة اقــرومً لـهـم بالمـرجـلـه مشـوار = اهـل شــيمه واهل مبـدا واهـل ديـوان ودلالــي صديـقً واحـدً يغـني يا خـو نـوفً عـن الملـيـار = ويلا مـنـك نخـيتـه جـاك للصـعـبـات حـــلالــي لبـيـبً يفـهـم المعــنى أميــنً يحفـظ الاســــرار = شجيـعً يـرخص الغالـي ومجهـــوده والامــوالي وفـيً مـوقـفــه واضح ولا يـبغــالـه اســـتفـســار = يجيبك حاضر ابحـاضر ايلا مـن جـاه مرسـالي ويلا اختلـفـت بـك الاريا تنحر صايب الاشـوار = تـرا ما يـبخـل ويـبحـل عـريـب الجــد يحتــالـي ماهو مثـل الـذي يبلش ايلا شـاف الخـلل ينهــار = يضخــم لك صغـايـرها رعـاع يصيبه اجـفـالي هــذاك الله لايســمـح يصيـر ويســتوي لي جــار = عسـى يبعــده عـنــا زمــن فــرقـــاه يـصــفـالي مهـو مقــدم ولا منـصى عســى نهــايـتـه للـنــار = يقــول اللـي تعنـالــه يالــو مــاجـيـتـه اشـــوالـي وانا بوصيك في صون الامانه والصدق بـصرار = امــورً يـا فــهـد هــذي يجـيـده طــيّـب الفـــالــي ولا تغفـل حقــوق الجــار لـو قصــر ويـومً جــار = لك النـومـاس فـي صـبـرً عـلى هـــذا يـــورالـي ولا تنظـر الى زول القصيـره واردع الابـصـار = تــراهي في مقــام اختــك وبنـت الاخ والخــالـي وتــرا للظيــف مـاجـوبً كـبير كان هـو لـك زار = لـزوم اتجــود مـن جــود الالـه الــواحــد العـالي وتـرا رزق الفـتى يـاتي ولو دونه جبل وابحــار = يـجيـبـه والـي القــدره عـلى خـلـقـه بهــطـــالـي يســـوق المــزنـه الـغـرا ومنهـا ينـزل الامـطـار = وتحيـا بـه صحـاريهـا عـقـب شــينات الامحـالي ولا تجـعـــل ابـد للـشـح مدخــالً ولــه مـصــدار = لــزوم اتصـك مـن دونــه بطيـبـك كـل مـدخـالي وتـذكـر يافهــد دايــم عـوايــد ربعــك الاحـــرار = تـقـالـيـدً لنــا تـبـقـــا حــفتظـهــا جـــدك الغـــالي ورثنـاهـا عــن ارجـالً اقـــرومً يــوقــدون النـار = ومجـالس نفتخـر فيـهــا واهـي للظيـف مـدهـالي وانا بـوصيـك بالمنسـب لـزومً يالـفـهــد تخـتـار = حـلـيـله مـن نـما قــومً لـهــم بالطــيـب منـوالــي تخيـر مـن بنـات اللتي لهتم عبتر الســنيـن ادوار = اهــل ســيفً واهــل منسـف وريـف لكل هشالي ولا يخفـاك ماقـالـوا هــل العـادات واهـل الكـار = وســبقهــم راعــي الســـنه نـبي الحـق باقــوالي وانا لـي عبـره بما قيــل والحــكـمـه تبي تكــرار = نـصيحـه كالـمثل يصـدح صــداه لكـل الاجـيـالي ولا يفتنـك في وســط الحـدايـق منظـر الازهــار = صـناعه عمـرهـا قـاصر عقـب سـاعـات ينزالي ابي تبحـث عـن الجـوهـر وتتـرك زيفهـا البـوار = اطعـني وافــهــم المغــزا وجـنـب كُـل طــبـالـي تـذكــر شــجـرة العـوســـج تذكرها من الاشجار = ولـو عمرت تبتقى شــحـيحه ما بتهــا اظــلالـي تـريــث وانـتبـه واصبـر قـبـل لايجــرك التـيــار = وتــرا التيــار مـا تصــلح امــوره نـوب يالغـالي ولــزوم المــرء يحـتـاط لـــزمـانً كالهـــوا دوّار = هبــوب الوقـت واظروفـه فلا تطري على البالي وتــرا الايـام وغـيـوب الليـالي ما تبـيح اســـرار = ولا يعــلــم بخـافـيهـــا ســوى عـــلام الاجـــالي وابخـتمها بصــلاة الله عـلى الهادي على المختار = عــدد ماسـار فـوق الخــد مـن رجـلي وخـيـالـي عــدد ماحــج بـيـت الله عــدد مـالـبــوا الـــزوار = عــلى شــفـيعــنـا الهـادي فيــومً فـيـه الاهـوالي |
|
10-04-2017 | #3 |
شيخ شمل وفاارس يوم مغازي الأولين
|
رد: فهد يمناي واحزامي
الشاعر العلم محمد سوعان الربيع
معلقة من ذهب لله درك صح السانك الف تقديري لحضرة جنابك |
|
11-04-2017 | #5 |
|
رد: فهد يمناي واحزامي
الاخ العزيز / محمد بن سوعان
الله يخليه لك ويطول عمرك وعمره فهد شبل منك يا اسد صح لسانك على الابيات الاجمل والاكمل تحياتي لك |
|
11-04-2017 | #6 |
|
رد: فهد يمناي واحزامي
سراب الكحيله
هلا والله ومسهلا نورتي بمرورك ربي يحفظكم ويصلح ابنائكم وذرياتكم تقبلي خالص مودتي وتقديري هلابك .... |
|
11-04-2017 | #7 |
|
رد: فهد يمناي واحزامي
حســـــــــــــيكان
هلابك والله نورت يالغالي اشكرك على على عبارات الاطراء والاعجاب ما عليك زود . تقبل خالص مودتي وتقديري . |
|
11-04-2017 | #9 |
|
رد: فهد يمناي واحزامي
منصـــور البخيــتان
هلا والله ومسهلا بالاخ والصديق الطيب منصور نورت يالغالي واسعدني مرورك ومتابعتك اللطيفه تقبل خالص الموده والتقدير هلابك لاهنت .... |
|
11-04-2017 | #10 |
الإدارة
|
رد: فهد يمناي واحزامي
شاعرنا القدير محمد بن سوعان الربيع كفؤ هذاالشبلُ من ذاك الأسدُ ابو فهد صح السانك مدد بلا عدد .. .. . . خالص التحايا لسمو شخصك النبيل ??¯?ـ?ابو غازي?ـ?¯?? |
لن يضرك ان ترد على زميلين او ثلاثه في كل مره تزور المنتدى
رحم الله من أهدى لي قبسا يضيء لي عتمة المكان من حولي |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام