مرثية ابن غيث الاسلمي لاخيه عام 1257 للهجره

صاحب هذه القصة هو عبدالله بن غيث بن دباس بن مجيلد بن محمد بن صالح بن محمد بن رخيم

الجحيشي الاسلمي الشمري وهو من الأسرة التي تسكن منطقة القصيم وتحديدا بريده وكان عبدالله واخوه ناصر

الاصغر يعيشان في حاله فيها شي من الضعف مثل اكثر اهل ذلك الوقت وهو مايقارب 1257 للهجره0

فذهب ناصر للعراق واخذ يعمل ويرسل المال لاخيه الكبير عبدالله حتى تحسنت حالهما بعد الحاجه واصبح

عبدالله من اغنياء بريده 0 وكان ناصر بالرغم من ذلك صاحب مجلس وعلوم رجال وعندما تحسنت الحال

وضع عمالا بالمجلس لتكون القهوه دائما والمه للزائر والضيف0

وبعد مرور اكثر من عشر سنوات وبينما كان ناصر يفكر بالعوده مرض مرضا شديدا فتوقع انه الموت

وارسل كتابا لاخيه عبدالله يقول فيه ابي اشوفك قبل اموت00

وبالحال ركب عبدالله ورحل لبغداد وعندما وصل كان الناس يحملون جنازة ناصر فلم يتمكن من رؤيته

قبل مماته فهاج الحزن في قلبه وصدح بمرثيته الشهيره فقال:

قال بن غـيـث حاربت عـيـنه النوم =عبدالله الصابر على حكم والي
لفا الكـتـاب وصار بالقـلب معـلوم =يذكـر لنا اللي من بعيد يسالي
يامال عين شافت الخط مرشوم =تبشربطـوي اليـاس وفراق غالي
دنـيـت مايطوي الفيافي من الكوم =ثـنـتـيـن لـمـا تــركن الجــفـالي
متـعـلٌي باكوارهن كل شغموم =ضاري على قـطع الفجـوج الخوالي
في فرجتن مابه صديق ولاحوم =محذى الوحوش ومهرف الذيب خالي
تضالعن عقب الزعانيف والزوم =وقلت اصبرن يانوق هــذي فعالي
كم ماردن مع طلعه الشمس مدهوم =يتـلـن مـواردهن غــديرن زلالي
اسري بليلن خرمسن مابه نجوم =واصبح على دو(ن)سرابه يلالي
مضامي(ن)مابه صديق ولاقـوم =نسقي ونوردهــن قراح زلالي
يوم استقل الدرب عن كل زيزوم =وافـقـن مع جـسرالمـسيب عجالي
طبيب بغداد الـمسـمى تخـت روم =انشد ولاأدري ويـن ربـي نـوالي
كني غـشــيمن تايه الدرب منجوم =غريب دار ويعــلم الله بحـــالي
لفيت بيت العز والحبل مبروم =وفكرت باركــانه والى البيــت خالي
واللي يناطحــني دخيلن وسلٌوم =وعلي يفــجــع يوم شافــن شكالي
قلت الخبر عن ناصر قال مرحوم =جبرك على الله واعتصم لاتسالي
وسجمت اعالج زفرة البين بهموم =وصفقت باصباع اليمين الشـمالي
وعلى وزيـن الـروح ماناب مليوم =حـيــدن يدنى للحــمول الثــقـالي
قلت آه من وجــدي وقول آه مذموم =وجد الجــمـيـلي حين قفا وشالي
لو يـنشـرى أشريه واغليه بالسوم =وافـديه بـعـيـالي وحـالي ومـالي
كبــدي وجـيــعة ماتبي كل مطعوم =والشرب لو هو من حليب الـمـتالي
وقعدت انا مااحبي ولاامشي ولااقوم =وصبرت صبرمحجُرات الجمالي
وغديت مثل اللي عن الدرب منجوم =وتغـطـلـست صارالجنوب الشمالي
انحـب نحـيب الورق والعي كما البوم =واقـنـب كـما ذيـبن لقا الجو خالي
والا علـيــلــن مســتـه سقــوة الروم =تـداركــن بـه مـعـسرات اللــيالي
على وزين الروح مانيــب ملــيـوم =والله مايجــلي عــن الكــبد جــالــي
كيــف ابانام وساقــف البــيـت مهدوم =عـضيــدي اللــي بالمـودة صفالي
مايـوم كــدر خاطري دايم الدوم =ولاعــمــر يومــن قــال ذلك وذالي
صــغــير ســن مــات والموت مقسوم =ولاينـفــع النواح كــثرالعوالي
اخـوي خادمــني وانا كـنت مخدوم =وحــاش الــمراجل دقــها والجلالي
له سفــرتـن تلــقا بها الزاد وشحوم =والعبــد عــند مراكـيـات الدلالي
مــن ضــلــع سنجارن لياخشم لملوم =والـضــيف يقرى والعطايا جزالي
كــثر البـكا يـرث عمى العين وهزوم =وكــثرالــبكا يالعــين ماهو بجالي
مالك عن المكتـــوب يالــعــبد ملزوم =باللــوح مــالك حــيــلةٍ واحـتيالي
عــساه بالجـــنة عن النار محــروم =مــتــبــهـجن مــع صالحـين العمالي

ابن غسلان

يشرفني ان اكون اول من يعانق هذه المرثيه

واللتي تندر في مثل هذا الزمان

دايم وافي والله يعطيك العافيه

سح لسانك ولسان الشاعر عبدالله ورحم الله الجميع

تقبل تحياتي

أخي ابن غسلان الفاضل ،،،

مرثيه رائعه وابيات اجمل شاكر لك على جلبك لهذه القصه ونتظر المزيد منك .

لك اجمل تحيه ،،،

تسلم اياديك يابو فهد

لك كل الود

بورك فيك اخي فواز


على هذه القصة الجميلة

يالله قصه محزنه

توجع القلب..


ابوفهد

مشكور ولاهنت ..

اطلعت على تعليقاتكم وسعدت بحروفها المضيئه المشجعه0

فلكم الشكر الجزيل الغالي يالعزوه جميعا00

تحياتي العطره لكم الراوي00

رحمهم الله قصة مؤثره
تسلم يمينك يالراوي ابن غسلان
والله لايهينك على هالايرادات الحلوه

اشكرك

تسلم يمينك يابوفهد
قصة مؤلمه

أشكرك أخوي ابوفهد على إيراد قصة وقصيدة أجدادي وهذه القصة

لشمر عامة ليست لعائلة الغيث فقط .. بما أن هذه

القصة فيها من الوفاء الشيء الكثير فهذه طبائع قبيلة شمر عامة

ولا تهون باقي القبايل ..