18-06-2009 | #1 |
|
ياطول مسراك يافواز عن نوره
يـاطـول مـسـراك يـافــواز عـن نـوره=الله يعـيـنـك علـى الـفرقى وطـاريها
ياجرح قلبك من اللي سار مظهوره=دنـيــاك يـاعــزوتــي بـانـت عـواريها قبلك شيوخ القبايل ضاقت صدوره=ومن جرح رمش المها هلت عباريها ولا الوم قلبٍ طلع ياناس عن طوره=لاشاف مزن الهوى جـفـت مجاريها ياطير عقب الهـدد بالروض وطيوره=هذي فياض الخـلا غابت حـبـاريها عقب السعاده وضحك الليل وسروره=لو دست للجيب ماياصل محاريـها ياما سرى القلب لاجل الريم وعطوره=والـيـوم دار الغلا طـالـت مساريها دونــه سـهالٍ مـن الـبـدوان مـقـفــوره=وعواصــف الـصيف ماتركد ذواريها عـامـين ماهـي من الـبـراق مـمـطـوره=ولاشافت الـناس بالوسمي خـباريها انا اشـهـد ان الضـمـاير فيـه مقـهــوره=لاشك الارواح تحت اقـدار باريها هذي عـوايــد طـبـوع الـريـم وغـروره=ياكـثـر بـيــعـه لـقـلـب كـان شـاريـها كـنت ارتجـيـها لـيـال الـعـمـر وشـهـوره=واصبر على ظـلمـها الجـايـر واداريها لاشك روحي بـرمـش الريـم مسحوره=لو تـرمي الروح في لاهـب صحاريها |
جرح العرب للي من الجرح داواه=واللي من جروح الليالي يشيله
ان ماوصل للي وصل له وساواه=حط الافاعي بالخفى في شليله |
18-06-2009 | #3 |
الإدارة
|
يامرحبا بشاعرنا ورأوينا القدير / ابو فهد لاهنت على هالباذخة الغزليه الرائعة بروعة كاتبها وشاعرها ابن غسلان صح السانك 1000 تقبل خالص التحايا
|
لن يضرك ان ترد على زميلين او ثلاثه في كل مره تزور المنتدى
رحم الله من أهدى لي قبسا يضيء لي عتمة المكان من حولي |
23-06-2009 | #9 |
|
هلا وغلا أبو فهد
صح ألسانك وسلم راسك على هالجزله لا هنت يالغالي ولا تحرمنا جديدك اللي يثلج الصدر والله ويشبعنا شعر لك كل التقدير |
كتاب لم ينتهي ..
|
23-06-2009 | #10 | |||||||||||||||||||||||
|
هلا وغلا المهندس ومشكور كل الشكر يالغالي
تحياتي لك |
|||||||||||||||||||||||
جرح العرب للي من الجرح داواه=واللي من جروح الليالي يشيله
ان ماوصل للي وصل له وساواه=حط الافاعي بالخفى في شليله |
مواقع النشر (المفضلة) |
الكلمات الدلالية (Tags) |
مسراك, يافواز, ياطول, نوره |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام