سراب المهمهيه

السلام عليكم ورحمة الله وبركاته ..

من الارشيف واتمنى تصل لذائقتكم ..

تسأليني كيف حالي مابقـى بالحـال حيـل=مابقالي غيـر حزنـي بالليالـي السرمديـه
جيتك بصدق المشاعر وجيّتك عابر سبيـل=أشربك حزن(ن) ضماني في سراب المهمهيه
كنت احسب الحب جنه كنت احسبه سلسبيل=احسب انه عنفـوان وكبريـاء وشاعريـه
أحسب انه في شموخه مثل هامـات النخيـل=أحسبه يفوووح طيبه مثل فوووح الشاذليـه
أحسبه صدق ومشاعر أحسبه شي(ن) جميل=أحسب اني لو وصفتـه ماتكفـي الابجديـه
لين شفت الحب طايح بآخـر ايامـه ذليـل=فاقد (ن) صدق المشاعر والأحاسيس النديه
قلت له وش فيك طايح وانت شامخ ماتميـل=قال من جيل التصنع والغـدر و النرجسيـه
قلت ... لا الحب سامي باقي(ن) في كل جيل=ماتهزه ريـح غـدر ولا هبـوب العنجهيـه
مستحيل الحب يفنـى اي وربـي مستحيـل=مايموت الحب دامه تنبضـه شريـان حيـه

جيتك بصدق المشاعر وجيّتك عابر سبيـل=أشربك حزن(ن) ضماني في سراب المهمهيه
كنت احسب الحب جنه كنت احسبه سلسبيل=احسب انه عنفـوان وكبريـاء وشاعريـه

الله الله الله شاعرنا القدير رفيع الذوووق
صح السانك الف
خالص التحايا لسمو شخصك النبيل

النشمي رفيع الذوق0000 صح قلبك 0000 وصح كلك 0000 يابعد حيي

الرويلي يابعدي رسمت اجمل لوحة شعر ومشاعر لله درك

ابدعت ابدعت بحق

سلمت وسلم بوحك الراقي

صح لسانك وعتلاشانك تسلم

مستـحـيـل الـحــب يـفـنـى اي وربـــي مسـتـحـيـل
مايـمـوت الـحـب دامـــه تنـبـضـه شـريــان حـيــه

رفيع الذوووق

تذهب وتعود بالابداع المتواصل

قصيده في غاية الروعه

تناغم .. صور .. ابداع .. اكاليل من الورد تنتثر عندما ادخل اجواء القصيده

احييك يا مبدع

تقبل مروري وخالص احترامي

صح لسانك وسلم بنانك

الجزل رفيع الذوووق

صح لسانك وطاب فالك يارفيع الشعر والابداع

نص فاخر وعذب ومثقل بالشعر الحقيقي الاصيل

سلمت وسلم فكرك الخصب ايه الشاعر الجزل

تقبل مني كل التحايايا

رفيع الذوق
صح السانك يالعزوة
تحياتي لك

	كنت أحسب الحب .. جنه كنت أحسبه سلسبيل أحسب إنه عنفوآن وكبرياء ... وشآعريه رفيع الذوق ... لافض فوك ... أبيآآت في الصميم لامست دوآخلي ... وأرهقت عوآطفي .. يسلم قلبك اقف لروحك ولأبيآتك .. مصفقه .. لجمآلها ... المآآسه ... أُعجبت بها ...