قصيدتي.الجرح ينزف..ومجاراة الاخ الشاعرالقدير محمد ابن ناجي السبيعي

ياقوجرحٍ لاجيٍ بالحشى منك=جرحٍ لجابي منك صعبٍ علاجه
الجرح يوم اقفيت عيني تعاينك=ذاك الصباح اضلم علي امبلاجه
الجرح ينزف ميرنزفه يدوّنك=بضلوع من له فيك حاجه وحاجه
اقفيت عن مغليك واقفت ضعاينك= والقلب عقبك زادفيه انزعاجه
خليتني عايش قسى حالة الضنك=وضاق الفضأ عقبك وعتّم اسراجه
اسأل عليك الليل والله يامنك=من شيٍ بصدري من البعد داجه
ياليل وين اللي وجوده يزينك=اللي ليامن جيت يضحك حجاجه
حتى الهوى لامرني انشده عنك=يمك عسير الدرب سهل انتهاجه
اتغيب مهما تغيب طيفك يبيّنك=ولاشفت طيفك قلت ياقلب ناجه
ويعود قلبي محملٍ من غباينك=ذكراك تخفي راحته وابتهاجه
ياقلب ياللي بعد غاليك طاعنك=خلك على ذكراه وأنس.المواجه

وهذي مجاراة الشاعر محمد ابن ناجي ..ابوزيد

الشوق غرّب وانت تشعب مزاينك= مابين سفح ( رويد ) واشهب ( عماجه)
يابو جواهر والوفاء ساس معدنك=ولك هالقلم بالود ينساق زاجــــــــه
يالصاحب اللي كل طيّب يثمنك = وسوقك مع الذربين كاسب رواجه
في راس عيطا الجود دارك ومسكنك= من لابتن لبسو من المجد تاجه
والغالي اللي بالهوى غاب واشحنك=خله على كيفه يــــرّوق مزاجــــــه
والجرح في قلبك ولوطال واثخنك=حبن بليا جرح حب السمـــــــاجه
وأنا فتنى واحدن مثل فاتنــــك=حبه سكن بالقلب وأحكم سيا جـــــه
الأتلع اللي يتقن الحب والفنـــك=واكثر نواحي القلب جزية خراجــه
من طب (ربات الهوى ) جاه مااحزنك=وعنده قراح المــــاي يشبه همــاجه
جاريت قافك يارفيقي على أنك=واعجبنى المضمون في قاف اجــــــه
وأبيك تذخر فعلنـــا في خزاينك=لاجا النهـــار اللي يروّع عجــــــــــاجه

شاعرنا القدير تركي العماني الغيداني
صوت وصدى ولا أروع فاضالي
صح السانك والسان الشاعر محمد ابن ناجي ..ابوزيد
الف
خالص التحايا لسمو شخصك النبيل

صحت السنتكم
كل الشكر

ابيات جزلة
صح بوحك
وصح لسان الشاعر الجزل ابو زيد

ننتظر جديدك

صوت وصدى من أجمل مايكون

لله دركم

لكما أجمل ألحأيا

تركي صح لسانك مدد ..

قصيده جزله بكل معاني الجزاله ولاهي غريبه عليك .

لاهنت على هالشامخه ..

تقبل مروري ..

دمت بود ..

الشاعر تركي
مبدع يالنشمي صح السانكم انت وابو زيد
تقبل مروري

صح لسان الشعراء المبدعين
بيض الله وجيهكم ورفع الله قدركم
جواهر ثنتين تضيع بينهن من جمالهن
سجلوني معجب ينتظر جديدكم

الله الله

صوت وصدى قمة الشعر والابداع

صحت السنكم وطابت ارواحكم ايه الشعراء الكبار

الجزل تركي العماني صح فكرك وشعرك يالجزل ولاهنت

وصح لسان محمد ابن ناجي وبيض الله وجهه ولاهان

كل التحايا لك وله مني

ابداع
حروفك مترفه
دام نبضك