الزواج من الخارج

كثير من الناس اذا سافر مثلا وراح وخلا عياله وبعضهم يسافر بعياله ويوديهم مكه وجده والا يوديهم للدول العربيه هذا زين لكن يصير معهم هو وبعضهم يروحهم مع احد ويروح الى مكان ثاني إلا راح للمكان الثاني تبدي عليه امور ثانيه إما يطالع احد والا يشوف والا تطري عليه يتزوج لكن احيانا مايحسب لامور مستقبليه ومن قديم كان الناس العقلاء يحرصون على تهذيب النسل وان يطلعون اعيالهم رجاجيل يقول (الولد ان طاب طيبه من خواله) لازم يعرب عياله ويشوف المناسب ( انشد عن المنسب ترى الخال جذاب ) واحيانا بعض الناس مايحسب يجيه من يجيه اويشوف غيره متزوج ويقول انا ابي اسوي اسواته انا حرمتي كبيره وزوجتي عجزت ولا فيها شده خلها للعيال مايخالف انت خذ من اسنانك البنت الصغيره ماهو معقول تعيش معك في هالكبر يبي يصير لها نظرات او احد يقابلها ويشوفها في حفل اوفي فندق وينجرف معها كل هذه الاشياء محذر منها الشاعر في القصيده ومع الاسف بعضهم يروح ماينتبه لعياله عياله الكبار لحالهم رايحين وطايشين وتبقى هالعائله الصغيره اما عندهم سواق والاموكل عليهم عامل وهذا الشي ماهو طيب وهذه القصيده للشاعر سليمان العبدالكريم العويس :

الحمد للخلاق حمد تام = اكمل علينا نعمة الاسلام
اللي معه عقل وبصر يبلعها = والاالخبل يزداد منها اجرام
تاجد لبيب العقل حول المسجد = قلبه عليه عن السفر صمام
حمرالمباسم بالبهاء مااغرنه = من همهن ما شال وزن جرام
وتاجد جواز الخبل في مخباته = يوم في اوروبا وعشره بالشام
على العيال موكل له كوري = اوهندي هندوسي هدام
يقضي اللزوم بحضرته وغيابه = يحط من فوق الصحون ايدام
ترى وكالة مثل هذا دياثه = بعض اللحا ماتستحق اكرام
تدخل على نياقك بعير هايج = اودامعهاقلوب انعام
في حجة انه سايق مستخدم = حتى الخدم حطت لها خدام!
هذي مره لوهي بعفه مريم = الحبل ياكل بالحجر صرام
الله يقبح وجه كل مهستر= ماهو على بيض النسا قوام
اليوم ياهل الجهل مابه جاهل = ابوسنه يدري عن الاحكام
كل دري عن هالسفر وشوله= ماهوبحج له لبست احرام
الاوبعد في كل حول زياره= ستين الالف يروحن اشمام
هذا لبوي وذا لزوم لامي = دخل الضعيف راح وصل ارحام
والله فلا آخذ غير بنت ابلادي = اللي عليها بالعفاف وسام
لوكان سودا تلبس الطاقيه= ماللشعر في جمجمتها ارسام
مااقول هالخارج جميعه فاسد= بس الشريفه دونها ضرغام
لويدفع المليارماياخذها= لها ابن خال وابنيا عمام

في البيتين الاخرين واضح وصف الشاعر وبما معناه ان لايتهمهم انهم فاسدين بس الطيبه والشريفه مهما دفع مايفرطون فيها اهلها لكن بعض الناس اللي يرحون يتزوجون من الخارج ماهم يطالعون ويسألون ويشوفون انقول لا يغركم الجمال ولاتغركم النظره روحوا وتبحثوا حتى العوائل الشريفه والعوائل الطيبه يجوزون بنتهم لابن عمها ولوكان فقير ولايخليها اتغرب عنه وتروح بعيد مثلا امكن تتوفقون في واح مثلا ويلقا له واحد اجودي ويستاهل مايخالف لكن بنت شابه تتوقع اهلها يفرطون فيها حتى لو انه غني امكن بكره يهملها والا انهم مجوزينه طمع في ماله هذا ماعندي وآسف على الاطاله وتقبلوا تحياتي .