31-01-2012 | #1 |
|
الجمس ومنيرة
ارجو ان تنال هذه القصيدة اعجابكم وتسعد بتعليقاتكم
راكب اللي لا مشاء يعجبك سيره = بنسيابة يشبه لنهر الفراتي
وإن دعست البنص يطربك بصفيره = وإن ركبت الخط تاصل ما تباتي وإن نزل راعيه كنه في سريره = مرجهنٍ مستريحن في ثباتي ما تعرف أنه لفى من غير ديرة = تحسب أنه في البلاد وتو ياتي صنع اللي بالعلم متجاوز نظيره = نال بالدنيا علوم طايلاتي جمس بين الناس فاز بكل سيرة = يمدحونه بالبلاد وبالفلاتي ويش أوصف تعجز أوصوفه كثيرة = للمسافات الطوال مجهزاتي المنافس مسبقاً يعرف مصيره = حيث وقت منافسه للجمس فاتي يذكر الله من سمع نغمة هديره = ويستعيذ من العيون الحاسداتي جيت يم الجيب قلت اب استشيره = نسوي مزاين لكل الماركاتي قال عفواً يابعد حيي كبيرة = كان فية الجمس قلي شالسواتي مركزة محجوز ما حدٍ فيه غيره =هو الأول مركزه شي ثباتي قلت خلك منه صاير فيك ذيرة = وجيت أدور من يحب الطايلاتي ورحت يم الفرت توه بتغبيره = تو لوحاته عليه مركباتي قلت ياشيخ المواتر وانت أميره = قال عفواً ولد عمي الجمس ماتي وأنحنى راسة وقال الله يجيره = من صواديف الليالي المايلاتي ولد عمي شيخنا يعجز نظيره = جمس فايز بالسنين الماضياتي مار دور يا كثير الهرج غيره = يمكن أنه ينطبق بمواصفاتي ما يئست ولا خليت من الذخيرة = رحت يم الرنج روفر يا غناتي قال تبغى ننفضح وش ذي بريرة = يمكن أنك ياضنى شمر تهاتي يالشريفي مار تبغاها كسيرة = ما تخاف الله رب الكايناتي قصدك تشهر بنا في كل ديرة = تجمعن بالجمس وتبغى منافساتي يالمطوع فتنتك هذي خطيرة = مار عبرها على غيري هذاتي وقمت أفكر بالعبارات الكثيرة = تمدح جموس قديم مجرباتي وانجلت في خاطري صورة منيرة = يوم قارنته معا بعض البناتي مع دلال وزينب ومي وسميرة = ومع كثير من اللوائي واللواتي وظهرت من بينهن شمعة منيرة = تقل ذاب بخدها سكر نباتي عنق ريم وعين ريم وكبر اميرة= عود موز خدود روز مفتحاتي سود ليل وذيل خيل من حريره = شعرها كاسي لها مثل العباتي وخشمها سيف معرى من جفيره = والعيون الفاتنات الناعساتي حجته جنحان طير في مطيره = سود ليل وناصلات مرهفاتي ولا أوصف جسمها لانه مثيرة = وفطرتي تبغض علوم ٍ ناقصاتي وأحترم نفسي عن علومن صغيرة = والمراجل ما عليها مساوماتي |
|
31-01-2012 | #3 |
|
رد: الجمس ومنيرة
الله الله الله
هذا الشهد المصفى يابن عسل سلاسه وانسيابيه في نص فاخر كالسلسبيل الرقراق الجمس الأول ومنيره الأولى وقصيدتك الأولى على الأوآآآئل سلمت وصح لسانك |
تفاعلك مع الآخرين يجبرهم على التفاعل معك والعكس بالعكس |
31-01-2012 | #4 |
|
رد: الجمس ومنيرة
رائع جدا
صح قلبك ولا هنت |
0
ول يا عمر ٍ توارا ما جنيت ارباحه راااااح ! من قبل اتبيّن عتمته ووضوحه ! -------------------- تويتر https://twitter.com/#!/al_sshh --- |
31-01-2012 | #6 |
|
رد: الجمس ومنيرة
ياسلام عليك
ابداع يابعدي. صح لسااااانك |
لو ...((الأمل)) وقّف على شفتي .... ((أمس)) !! ماكان ((يأس )).. اليوم .. !! ماجاني ((اليوم)) !! اتشرف بزيارتكم على هذا الرابط >>>> هنــــــــــــــــا <<<< واتشرف بتواصلكم على تويتر هنــــــــــــــــا
|
31-01-2012 | #9 |
|
رد: الجمس ومنيرة
الله الله الله
يالغالي مزجت بين العذوبه والجزاله كما قال البليهد انت عسل ونستخرج منك الشهد الصافي لله درك يابعدي شاعر جزل وعذب لقد ابدعت وامتعت وكفيت وفيت لاهنت على بوحك الراقي طبعاً الجمس امير ومركوب الامراء لك كل الحب والتقدير حفظك الله بحفظه |
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام