ديوان / الشاعر محمد سوعان الربيع

جــرح الأيام

جرح الايام

	ياجـرح الايـام يـاطــعــنـات الارمـاحــي = اغـدر الازمـان وانــت الـهـم واسـيـوفـه عطني طلبتـك مجـال اضـمـد اجـراحي = اللـي بقلـبي قـديمـه تـضـرب ادفـوفــه ماعـاد ينفـع نـديـم الجـرح الانـصـاحـي = لــو النصايـح تجـي كل يــوم مصفــوفـه رافـقني الهـم في ممساي واصبـاحي = ومـن دم جـرحَ بجــوفي خظـب اكفوفـه واصبحـت اعـاني واجــاوب كل نـوّاحـي = نــوح الحمـام الـذي قـد فاخـت اولـوفـه ياشــين الاحلام لاقفـت مثل الاريـاحي = تـسـل الارواح معـهــا لاقـفـت اطـيـوفـه تـفـتــر الايــام, بـيــن افـــراح واتــراحي = مـاهـي خـفيّـه لشوف العـين مكشوفـه واليــوم ابـصبـر وصبري دايــم سـلاحي = وعـسى الخسايـر مـع الايــام مخـلوفـه

محمد بن سوعان الربيع .

هـذا هـوى نفـسي ,,,,,,,,,,,,,,

هذا هوى نفسي

	يافهـيـد جهــز موترك قبل الإصباح = مـن قـبـل يـبـدى للخـلايٰــق نـهــاره خـابـرك.ذيـبً للصـعـيـبـات. نــطــاح = والحــرً مثــلـك مـاايـغــيّـر مســٰاره نبـغـي فـيـاضً هــوّلــت كـل. مـداح =بارض الشـمال اللي.عـزيـزه ديـاره هـاك البــلاد اللي بها القـلب يرتـاااح = ويا جيت عـرعـر خل دربك يساره دوني سكاكـا يـذكـر الـريـف ياصــاح = متخـالــطً لــون الــزراق وحــمـاره نبـي نسـج الرجل في هـاك الاسياح = هـذا هوى نفـسي وهـذا. قـراره يا مـحـلا ريــح الـخــزامـا لـيـا فــاح = بهـاك التــلاع ,,اللـي لفـتـنا اخـباره من دونهـا . لايطــري النـوم وامـراح = وشروك عنـده للـمسـاري جـساره واحـذر. تــفكـر بالخسايـر والاربـاح = الـشــح مـابـه ,,,للـبـنــادم نـمــــاره والعمـر كالـمشــوار مسـرا ومـرواح = كالضيـف يـرحل. لــو تطـول الــزياره سـجه مع الريضان ممسا ومصـبـاح =واحسن مـن المـرقاد وسط العماره ابـرك لنـا من شــوف ناسً بـلا ارواح = جنب عن اللي مابـوجهــه حــراره اللـي مــع الاجــواد مــا جــا ولا راح = وعزي لـ من يرجي وراه استشـاره وترى ردي الحيل ما حاش الامداااح = لامـكـرم ً ظــيـفـه ,ولا شـب نـــاره مـا غـيـر دايــم ينطـح صياح بصـيـاح = ضايــع ولـه بالـكــذب فــن ومـهـاره البخل اخذبــه يافتى الجود مشواح = حفــاظ مــال ولا يحــب الخســاره خـلـه يــولــي مـالـنــا فـيـه مصـلاح = مثــل الضبع ما غيـر حول المغــاره هـــذا وانــا يابــوك مانـيـب مـــزااح = والحـر مثـلك ,,,يفـتـهـم بـالاشـاره

محمد بن سوعان الربيّع

(( لولا المواقف ما تكون القصيده ))

لولا المواقف ما تكون القصيده

	قـلبي على هــاك الـديــار البعـيـده = مثـل الخلـوج اللـي تـلـوج وتحنّي حنـينـهــا مـن قـلـب ينـزف وريــــده = واللي محنـها فـي ولدها محنـّي واليــوم انـا جرحي تـزايـد صـديــده = مثل الصويب اصبحت وامسيت كني في ديــرةً مــالي بهــا من بــديده = الا بـعـض نـاسً بـهـم خـاب ظنـّي وجـيـهً كفــانـا الشر قشرا بليـــده = وعنهـم اسـلوم الغانميـن ادبـرنّي ولو شفت من دنياي ظيم ومكيده = ماحدً نشد واستفسر اليوم عنـّي ما شفت انا منهــم علــومً مفيده = وليـت الــركـايــب دونهــم نوخنـي جعـل الردي ماله وريث وشـريــده = بجـاه الـذي لـه روسنا يسجدني نفسي على مـن لا تبيـه وتـريـــده = يـحــدها وقـــتً بـغـــدره غـبنــّي عايشت لـوعـات الزمـان العنيــده = صبح ومسا وان جيت انام اهجدنّي من غرب ساقتها الرياح الشديده = ومن شرق حدتـها الحظوظ ولفنـّي النـوم والله مــا حظيـت ابـوديــده = وهواجسـي مـع كـل هبـه سرنـّي مثل السجين اللي برجله حديده = حكــم الـزمـن سـلاسله قيــدنـي حظـي اســتنفذ قـوته مع رصيـده = والظاهـر ان سـود الليالي بـلـنــّي ويـن الشجاع الصيرمـي والوليـده = ليـا قلــت تكفـا يـرفــع الهـم عنـي يتعب على صون العهد والوعيـده = ومـن راســه الشـيمات مـا ينزلني ورثً عن الاجـداد ماهـي جديــده = خـذها طبيـعه لاانتـخى مــا يكنّي قرمً اسنافي والمساعي حميده = وليـا ســـعـى للغانمـه مـا يـمنـّـي من واقعً قد عشت به واسـتعـده = احــداث انــا عايشـتهـا واشــغلنّي ولـولا المواقف مـا تكون القصيـده = فـي بدعهــا القيفـان مـا طـاوعنّـي

محمد بن سوعان الربيّع

والد الشـعب ســـلمـان

والد الشــــعب ســـلمان

	ألفً هـلا في والـد الشـعب سـلمـان = القـايــد اللـي يسـتـحق ,الاشـاده يابو فهـــد شـعبــك يـهلـي وفـرحان = حــييت يـاتـــاج الفخــر والســــياده ســيفً مجـرب يـوم روغـــات الاذهـان = حكـمـه وحنـكـه واقـتــدار ,و اراده نسـل الحــرار النـــادره طــير حـوران = ولـيـا كـفـخ دايـم يـنومـس هـداده وعلـى يمـيـنـه حاضـرً ذرب الايـمـان = محـمـد ولي العـهـد يـبـقى اسناده اخوان نـوره مفخـرة خـيـر الاوطـان = خلـفـة مـعــزي والنـشامـا احـــفـاده الله يـقــوّيـهــم عـلى جـور الازمان = وكلً عسى الله يـحـفظـه فـي بـلاده حــنـا جـنـودك يا ســلايـل كحـيلان = ســـور الـوطـن حـنـا وحــنـا اعـتـاده حـنـا عـقـوبـة كـل مفـتـن وخـــوّان =ويــوم الــوغـا نـقـدم بــعـزم وجــلاده ذا طـبعـنا ما يختلـف طـول الازمـان = ورثً عـن الاجـداد ,,,,,,كــــلً أجــاده ما هـمـنـا ايــران واذنــاب ايـــران = ومـا نسمـعـه كـل يــوم كـذبـه مُعــاده قـولـوا معي اميـن يالـربع ياااخـوان = عـسى وطـنــا بالــرخــا والـسـعـاده

محمد بن سوعان الربيّع

قلت اعقلي ياتافهه يابليده

الابيات أثـر حديث دار بيني وبين احد الاخوات وهي مداعبه ليس الا
اليكم ما دار بيننا من حديث ,,,,,,,,,

قلت اعقلي ياتافهه يابليده

	قـالـت لـي اكـتـب يامـحـمـد قـصـيـده = يــا شـاعـرَ تبــدع جزيــلات الاشــعار قـلت الـهـدف قـولـي وخـليـك سـيده = ابي السـبب ابغــي للاشـعـار معـبـار قـالت حـبيـبـي فــي ديـــارً بـعـيــده = من دون حده حال خمس من الاقطـار كويت العرب وابلاد صـنعا السـعـيده = والمملكـة ديــرة هــل المجــد والـكـار والاردن الـلـي لـلـمـعـادي عـــنـيــده = وارض الكنانـه مـصـر مسكان الاحــرار قلـت اخبريـني واذكري لي بــريـــده = تـقــول ســيـنا ديـرتــه ـ هـاك الاديــار تقــول ســـطـرلـي ابــيــوتً فــريــده = وابـغى اترجـمـلـه شـعـوري والاسرار ابـغـــــا كــلام يـهــز نـابــض وريـــده = ابـغــاه يــاتيـنـي ,,,ولا يـهـاب الاخـطار تكـفـى يـابن سـوعـان قلـبي يـريـده = قبـل ان يــاتـي يــوم قـصـاف الاعـمار قـلـت اسـمـعـي يا تـافـهـه يا بـلـيـده = ويـاعل مثـلـك يحـرقـه لاهــب الـنــار وش وصــلك هــاك الديـــار البعـيـــده = وشـلـون دارت بـينـكـم هــاك الاخـبـار قـالت عـلى ذا الفيس جـانـي بـريـده = تـمـت مـحــبتـنـا وصـــارالـــذي صــار قـالــت ســحـرني بـالـكــلام ومــزيـده = مثل العسل واجمل من ألوان الازهـار نـشـدتـهـا مــن أي قــوم,,, وبــديــده = حبـيـبـك اللـي تفـتـديـنـه بـالاعـمــار تـقـول مــادري مـيــر روحــي ابـأيــده = احـلـم بشـوفـه واحتـفــظ لــه ابتـذكـار ماهـمـنـي اصــلً وفـصــل ,,ورصـيــده = وادري فـلا يملـك مــن الـمــال ديـنــار قـلــت اعـقـلـي يـاتـافـهــه يـامـريــده = يـاعـل ربــي يـاخـــذك اخــذ الاشـــرار قـالـت تـمـون وبــس اكـتـب قــصـيـده = قـلــه تـحـبـك مــوت يـانــور الابـصــار قـلـت اذلـفـي جعـلك بـيـومً , فـقـيـده = وعـسى اتعجـلـبــك صواديــف الاقـدار قـالـت تــرا يـافــلان مــانــي وحــيــده = اللـي كـواه الحـب فـي لاهـب النـــار وانهيـت مــعـهـا الهــرج وادري عـنيـده = هـاك الغشيمةً مـا نفع معـهـا الاشوار

محمد بن سوعان الربيّع

مجرد راي حول مايدور هذه الايام وخلافً للواقع وتزييف للحقائق
ابديت رايي ووافقني الراي جاراني الاخ تركي بن محمد العنزي


المشـيّخـه تاريـخ معـروف للناس
,,,,,,,,,,,,,,,,,,,,,,,,,,,,,,,,,,,,,,,,,

المشـيّخه تاريـخ معروف للناس

	الشيخه اللي ما اتأسس على ساس = عـارً عـلى اللي يـدعـيه وفـضـيحـه قـلــة عقـل واهبـال واخـبـال وافـلاس = وضعـف وبـلاده للـنفـوس القـبـيحـه شـيخـة مسلسل ومن يسويه هلّاس= قـصـة وهـم منهـا الفوايـد شحـيحه المشــيّخـه تاريـخ معـروف للـنــاس = ماهي دعـاوي كذب ماهي صحـيحـه المشـيّخـه ماهـي دعايـه ابقـرطـاس = ولاهي على ماقيل تعـطى منيـحـه بالمرجلـه والسـيف اسـروج الافـراس = ولا تنشـرا واتـبـاع مثــل الـذبـيـحـه المشـيّخه مرجـع وهـيـبـه ومقـيـاس = حـنـكـه وحـكـمـه واقـتـدار ونصيحـه ومن لبس ثـوبً يـخـتـلف طول اقياس =نـفـســيته مـا ظنتـي مســـتريحـه والعـقــل حـكمـه للـبنـادم ونــومـاس = وترا اللقـافـه تعـتجل في مـطـيـحـه هــذا زمـانً اللـفـلـفــه والتخـســاس = وذيـخ والقـرايـا ما ارعــبـنـا نـبـيحـه واقع ليـا فكرت بــه يـــوجـــع الــراس = ســوالـفً مـا مـن وراهــا ,ربـيـحــه

محمد بن سوعان الربيّع


مجاراة الاخ الشاعر تركي العنزي : يقول

الشيخة اللي مـاتأسس على ساس = ثـوبً ردي واسـمال مايسـتر العـيب
هـب يازمـانً. شـيّخ افـروخ الابساس = شاخ الثعل والبس يأمر على الذيـب
شـاخ الحرامي واغتنى عقب الافلاس = من عقب مـاهـو لا يودي ولا ايجيب
والذيل بفلوسـه تـواسى مـع الــراس = الحـق غــاب. ولاش دونــه.معـازيـب
بالزيف والتزويـر وأحقاد. الانجـاس = رتـب بحلمـــه شيخـــة الكــــذب ترتـيب
والشـيخه. اللي مـا تأسس عـلى. ساس = تنهـار.دام الحق.خلفه مطالـيب

تركي نايف العنزي

تفاخربه بني وايل قبيلة ربعه الاحرار


في يوم الخميس الثامن من شهر شعبان سعدت بزوار مكتبتي المنزلية وهم الأخوة العميد مشعان بن عبر الشديّد الفدعاني والشاعر محمد بن سوعان الربيّع الفدعاني والأستاذ حسّان المهيدي الفدعاني والشيخ سليمان بن حمّاد اللّزام من حاضرة السويلمات من أهل الرس وأبنائه والشاعر عايد بن خابور الشهيل الفدعاني وبعض الأخوة الذين لا تحضرني أسمائهم وارسل لي الزميل الشاعر محمد بن سوعان الربيّع هذه القصيدة ذكرى لتلك الزياره يقول :

تفاخربه بني وايل قبيلة ربعه الاحرار

تشرفت وبرفقة بعض الاخوان يوم والاكارم امس السـبت بزيارة وديه الى الاخ العزيز والاديب والمؤرخ الشاعر المعروف عبد الله بن عبارالعنزي في منزله في مدينة الرياض وقمنا بجوله تفقـديه ممتعه في مكتبته الخاصه والجامعه للكثير من الكتب الثريه بالادب والتاريخ والمعرفه والتي تضم بين جنباتها كنزاً وموروثاً من المراجع التي تهـم قبيلة عنزه والقبائل الاخرى وكتب التاريخ النادره بالاضافه الى دواوين الشعر التي الفها ابو مشعل على مدى اربعين عاماً عسى الله يعطيه الصحه والعافيه وطول العمر وفي نهاية الجوله قام مشكوراً باهدائنا نسخ قيّمه من آخر مؤلفـاته النادره وهذه ابيات اهداء متواضعه اتمنى ان تليق بشخصه الكريم .اقول :

تفاخربه بني وايل قبيلة ربعه الاحرار

	سـلام الـلـه عـلى قـرمً تـسرّه جـيـّة الـزوّار = كريمً النفس ابو مشعل فتح للضيف ديوانه انا اعـني طيّب المبـدا عريـب الجـد ابن عـبـار = ادب واخلاق واسـلوب التواضع يمتـلك شـانه شـهـد له قاصي وداني شهـد له عالـم الاشعـار = عـلم شامخ له ايـردد جزيـل الشكر بالـوانـه عـلـم في عـالي الـقـمه تـلـفـت يـمـه الأنظار= تسـطـراسمه بسـيـه نبيـله صعــب نسـيانـه خـدم موروثـنـا الشـعـبي بـعـزم وقـوةً اصـرار = أليـن اصبح ركـن فـاعـل تمـيّـز بيـن اركانـه نـذرعـمره لاجل ربعه ولاهاب الخطر واحتـار = نقل هـمً يـفـوق اطـويـق والحـره وضـلعـانـه تـفـاخـربـه بـني وايـل قـبيـلـة ربعــه الاحـرار = الاول ماله منافس زعـيـم الشــعـر والحـانــه وانا افـخـر بالذي مثـله واكـررغــايتي تـكرار = واحيي فارس الكلمه ابو مشـعـل وعنــوانـه وصلاة الله عـلى الهادي نبي الامــه المختـار = نبيً عـانه الوالي على أهـل الشرك عدوانـه

محمـد بن سوعان الربيّع اليوم الاحد 9 من شعبان 1440 هجري


قال عبدالله بن دهيمش بن عبار :هذه القصيدة مجاراة لقصيدة الزميل محمد بن سوعان الربيّع
مع الشكر الجزيل :


هـلا يامحمد السوعان هـلابـك يا عزيـز الجـار = عسـاك بـحـفـظ مـولانـا ولي الكـون سبحـانـه

محمد عرفه يشّرف حـماه الـلـه مـن الأشرار = لبيب ومن قـرأ شعـره طرب من عذب قيفانه
أحب الوافي المنصف أحب الصفّوه الأخيـار = اللي شـرواك يا محمـد يـعـد الحـق بلسانـه
يشرفني كـلام الـلي صدح بالجهد لي شكّار = رفيع الشان من عـزوه نشيد بمدح عربانه
لك التقدير حيث أنك فهيم وبالشعـر بيطـار = محمد ينتهج سلمه عـلى عـادات شيبانـه
جمعت كتاب للعزوه يـدل التايـه المحتـار = بذلت الجهد والناقد يجب تقديم برهانـه
كتبت الصّدق والواقع ولقمت الحسود أحجار = كـما خابـت ظنون الـلي يكيـد بغـدر وخيانـه
ترى نسب بني وايل عليه من الحصون جـدار = شبيه طويق مـا يمكن يـهـز الـريح حيطانـه
تسلسل من نسل عامر حسب ما تذكر الأخبـار = بحثت جذور والمصدر سبق وضحت تبيانـه

عبد الله بن دهيمش بن عبار الفدعاني العنزي

الاثنين 10 من شعبان 1440 هجري

( مملكتنا دونها.دمً حمر)‬

‫ حفظ الله المملكه العربيه السعوديه
وشعبها ومقدساتها من كل سوءً ومكروه وحفظ الله ووفق ولاة الامر ونصرهم على اعداء الله والدين والوطن وثبت على الحق اقدامهم ,,,والخزي والعار لكل خائن وغدار ,,,,,,, وتحية فخر واعتزاء الى حماة الوطن وجنوده ورجال امنه الاوفياء ورحم الله شهدائه الابرار ,,,,,,,,,,, ويمكرون ويمكر الله والله خير الماكرين ,
‬

مملكتنا دونها دمً حمر

	‫ســوّد الله وجـه مـن خان وغـدر‬ = وطـاوع الشـيطان. خــوّان الضمير. ‬ ‫عـورتـه بانـت ومـنـهــا مااسـتتر‬ = وانكشف مافي ضمـيره والمسير‬ ‫خـان دينه والـوطـن خـان البشـر = وطاح في شر العمل ذاك الحقـير‬ ‫مـمِـلكــتـنـا دونـهــا. دمً,,,, حمـر‬ = دونـهـا الارواح. والسيف الشطير‬ ‫دونهـا اللي مـايهـابـون., الخطـر. = الصقور اللي على البـاغـي تغـير‬ ‫دونـهـا احـفـاد ,,ابـو بكـر. وعـمـر ‬= دونـهـا سـلـمـان ومحـمـد سهيـر ‬دونهـا اللي يحتـري ,,,أمــر وخـبـر = جـيـشـنـا والامـن قــوه تستديـر ‫خـبـرو مـن فـيـه شــرً ...؟ينثـبـر‬ = ومن بـغـا. يلعب. ترا عمره قصير‬ والندامـه في حياته ,,,,, والقبـــر = ووجـه اســــود لايبيض ولا يـنـيـر ‫والعضـو بالجسم وان عـاب. انبتر‬ = كـيـةً... بـالنـار. ,,,,,والبتـرالاخيـر‬ والخيانــه مــالهـا عفـو ,,,ووقــدر = الخيـانـه قـدمهـــا سـوء المصـيـر

‫ محمد بن سـوعان الربيّع‬

في 17 شعبان 1440 هجري
22 ابريل 2019 ميلادي

هــذا هـو الـواقــع والاحـوال تنهـار

ابيات راقت لي نقلها الاخ مطلق الليلي الشمري
وجاريتها لما لها من تاثير مؤلم ومفزع ,,,نسال الله ان يخفف عن اخواننا واشقائنا في العراق وفي سوريا وفي اليمن وليبيا اللهم امنهم في اوطانهم وارفع عنهم البلاء والقهر ,,,,,,

ابـوك. ياوكتـن. حـدانا عــن الـدار = شوف. العوائل نازحه. عن وطنها
من اقصا.ربيعه.لاخر حدود سنجار = كـل القــرايا. خاليه. مــن. سكنهـا
تسابقت عبـراتها. صغار. . واكبار = والنـعـم با للي انتـخا. واحتـضنهـا
كم دار. خلت واشعلو وصطها النار = وشوف القـرايا .ثايره. في. دخنها
قـامو. يذيـعـون الخساير. بالاخـبار = بعض الجثـث لليوم ماحــدنً. دفنها
كــم حــره. . هلت. من الدمع. نثار = بكي عزيزن. غايب اليوم. . عنهـا
منظر. يـدق بداخل القلـب. مسمار = هــذا. . زمانً. للبشـر. يمتحــنها

راقلي ,

مجاراتي للابيات التي نقلها هنا الاخ مطلق ليلي اتمنى ان تروق لكم وتنال اعجابكم

هذا هو الواقع والاحوال تنهار

	يا مطلـق الليـلي تـرى الوقـت دوّار = ميـر اصطبر فـي ســّرهـا وبعـلنها دنـياك هــذي بـيـن طـيّـب وجـبــار = يقبـل ويـقـفـي باللـيالي ضعـنهـا شـفنا البلاوي والمصايب والاضرار = وبـل المحن هـل البلا وامـتحنـهـا برقً تلاعـج بـان ضوحه للابصار = وارعـودها الشـيطان يعـزف لحـنها يرقـص على نوح الثـكلا على الطار = والخايــن السربوت يقـبـض ثمنهـا عاثوا فساد بشرق مع غرب الانبـار = وكـم خايــنً بغــداد يطعــن بـدنهـا شعب العراق اكباره اليوم واصغار = عـانـا القهـر والظـيـم تثـت وهـنهـا لين اصبحوا مابين تشريد واحصار = تــولـجــتــه احـزاب تـعـبـد,, وثـنهـا بوقـتً تلاشى فـيه صلبـيـن الاشـوار = اهـل البصيره ضاع منهـم رسنها والوضع شين اليوم في شتى الاقطار = بـالشام واللي يسكنـون بعـدنها واللي سـكــن في ليبـيا دار الاحرار = ديـرة عـمر ســو الاداره طحـنـهـا هـذا هـو الواقــع والاحوال تنهـــار = حيث البــلا ياصاح فـيهـا ومـنهـــا والصبر طـبعً اجواد واقروم واخـيار = وانت الذي شرواك ,ما سال عـنهـا ومن يطلب المعبود ماخاب واحـتار = ولابـد مـــا ,,,,ربـك يعـدل,, زمـنهـا

محمد بن سوعان الربيّع

عـقـب الارهــاق ,,,,,,,,

ابيات اسندها الى الاخـت الشاعـره الجـازيـه ام شــاهـر .

عقب الارهاق

	شــفّي انا يالـجــازيه عـقــب الارهـاق = فـنجـال مـن دلّــه يــداوي اعـمـاســي تبـرا اجــروحي كلــبــوهــا اليا انـسـاق = ومن شفّتـه تـشـفـا مـواجـيـع راســي يـجــلا غــثـا هــمً تـوطـن ,,,بالاعـمـاق = هـــــمً يـحــدّنـــه اكـبــــار الـمـــآســي مـن واقــعً مــؤلــم ولا عـــاد يـنطــاق = وقـت عــلى خِِِـشـــم الـمـروات داســي وقــتً رفـــع يالـجــازيـــه كــل بـوّاق = واصبـح عـلى بعـض المخالـيـق قـاســـي واســى الحليـم اليــوم مـع كــل لقـلاق = واسى الوطـا مـع شامخـات الرواسي والهـرج فـي بعـض المجـالات مـالاق = نخــفــيـه عــن لا يـفـضحـه كُـل خـاسـي بيـنـت انا لـك غـايـتـي فــوق الاوراق = والــديـــن مبــدأ والـكـــرامـــه إلبـــاسـي

بقـلمــي ,,,,,,

وهــذا رد الشاعره الجـازيـه أم شاهر
حيث تقـول : مشكوره ,,,,,

ســلام يـا خلـفــة نـزيـهـيـن الاعــراق = يا محـمـد السـوعـان. يـا عــز راسـي
لاهنـت يـاشـاكـي مـع الضيقه ارهـاق = الله يجيــرك مــن عــذاب الـمــآســي
وعسى الهموم اللي بها خاطرك ظـاق = عنّك عساهـا اتزاح مـن عقـب ياسي
وانا اشـهـد ان الكيف مفتاح الاغــلاق = بلـســم جــروح ,,وللـمعّـــنـا اتــواسـي
فنـجــال .مـن دلّـه لشـرواك ينـسـاق = فنجــال يســوى لــه ثـمـانيــن كـاسـي
الله يبعــد عـنـك ظلــمٰــات. الانـفــاق = ومـن كـل شــر وكــلً حـــزنً. وبـاسـي
وعسى الامـل يفتح ابوابـه بالاشـراق = وفـالك عسـى ياخـوي خـيـر الامـاسي
واقبــل سـلامي والتحـايـا والاشٰــواق = من راسً بنـت أجواد شــاش بحماسي

الـجـازيـه أم شـاهـر ,