ديوان / الشاعر محمد سوعان الربيع

خليجــنا فخــر العرب

خليجنا فخر العرب

	اهــل الخــليج اخــوان واهــل وعـشــيـره = ولا فــرق بيـن الممــلـكــه والإمـارات ودولـة قـطـر وعـمــان صيـتً وســيـره = وكـــويٌـت و البحـريـن مـهــد الحضـارات خـليجـنـا فخـر العــرب،،،، والبــريــره = مـع الســنــد مـــدات جـــوده غـزيـــرات نبـقى جـسـد واحـــد افـ شــبـه الجـزيره = وشـعـاد لــو فــ الـراي. تجـي اختــلافــات والشــك حــنــا مـاوردنــا. غــــديــره = ولا زعـزع الميثــاق كٰـثــر الاشـــاعـات الــدم واحـد والهــدف. والمســيـره = وبحــر المــوده مــا لــحــده,,,,نهــايـات مـا هــزنـا حـقــد الـنـفـوس الحــقـيـره = اللـي ســعــوا للشــر فـي كــل,,,الاوقــات اللــي مــآربـهــم .بعـــــيـده ,,, كــثيــره = لـكـن مـنــا مـايـنـالــون,,,,, هـيـهــات عــدونــا . واحـــٰد ولا فـيــه ,,,,حـيــره = عــرَّت لـنــا الايــام خـافـيـه,, والــذات بٰـث الفــتـن والشر فــي كــل,,, ديــره = كــل شـــي واضـح والمـّآســـي دلالات شـوف العـراق اليــوم تـنـزف كـسيره = وبأرض اليمن جـنّـد لصـوص وعصابات والشٰــام تــرزح تحـت حكمـه أسـيـره = اســقـوا اطــفـال الشــام ذلً واهـانـات ولـبنـان مبـطـي رازحً تحـت نـيــره = بتـوكيـل حــزب الـلَّات ؟ راس. الـظـلالات هــذا هــو الــواقــع. ولازم نـثـيــره = حـقـايــقـه للنـاس مــاهـن ,, خـفـيــات من تسـعـه وســبعيـن جــانـــا . نــذيــره = ســود العــمـايــم مـالـفــونــا ابخـيـرات احـقــادهــم بـانـت بـعــز,,, الـظـهـيـره = ولا عــاد فـيـهـــا يـاعـربـنـا. امــدارات ولـيـا احــتـكـمنــا للبـصـر. والبصيـره = مـا يزعـزع الميثــاق كٰـثــر الاشـاعـات لاشـــك ردي العــرف مــا نـســتشـــيره = حـكامـنا اهــل الشور واهــل السـياسـات واللـي حصـــل فـي دايــره مســتديــره = لاشـــك مـحجّــم والتــوالـي,,, ســهــالات كيــان ثـابـت مـتـحـد . في مصــيـره = فـاللـيـن والاّ فـاللــيال.,,,, العســـيـرات لا تـفّرحون اعـــداء شــبـه الجـزيــره = وتـرفــعـوا يـا اخــوان فــوق الخـلافـات حــنـا اهــل واخــوان واصحاب غيـره = تـاريخــنـا واحٰــــــد وســلـمً وعــادات وللحــق ســيفً نـظهــره مـن جـفيــره = الـيٰـا تـمــادا خـصـمـنٰـا ،,,,, بـالاســاءات

محمد بن سوعان الربيٌع
حررت في 9 رمضان 1438 هــ

التجارب علمتنا

التجارب علمتنا

	الـمقـدر قـالـوا انـه يـرتـسـم فــوق...الـجـبـيـن = مـايـلــده رمــح فـارس يـرتــدي..درع وحسـام والحــذر ياهـل المعـاني واجـبً ....والله يعـيـن = والثقـه فـي بعض ناسً .تـنعطي عـيـب وحرام والوعـي للمــرء درعً يحــتـمي فـيــه ويـعــيـن = واعـرف ان العـلـم نــور.ويرتـفـع فيــه المقـام والجهل سـاس التخـلّف والفـتـن والظـلم شيـن = شـفـت في زحـمة. زماني ناس تمشـي بانتظـام وشفت بالعالم فصيح وشـفت من هرجه رطين = وشـفت ناسً...فـوق ناسً مايـجـيـدون الكـلام واكتشــفت الخـايـن اللـي ينقـصــه ذمـه وديـن = النفـاق اليـوم اصــبح يرتــقي فـــوق الـســنـام رزّهـم وقــت الـغبينه واختلف مجرى السـنيـن = واخـتـفى نـور الحـقيـقـه فـي...دياجـير الـظـلام واختصار الهرج يغني. عــن كثيره .يالفـطـيـن = الـتجـارب عـلمـتـنـا درس والــدنـيـا .....زحـام والـمقـدر قـالــوا انــه يـرتـسـم فـوق...الجبين = ما يـردونــه خــوال ولا يــردونــه .....عــمـام قـدرة الله فوق كـل شــي والزم العـلم اليقـين = ولايـصيب المــرء الا ما اكــتـب لــه.. يالكـــرام

بقلمي /
محمد بن سوعان الربيّع

بـرق العـبيّ اتشـابـه

برق العبي اتشابه

	الناس من خلقت بها الزين والشـين = وكــلً علـى مــاقيــل ،دربً مـشابـه النـوع يـفرق والهـدف والمظـامـين = وشـعـاد لو ( برق العبّي ) اتشــابـه فيهم كريم اخلاق يمشي على الدين = صـادق وامين ومنطـقـه ، بـه ذرابـه مـثـل الســند تلقـاه فـالـعسر والليـن = ولـه راي صايـب والغـرير اهـتدابـه شـوفـه فــلا يـنمل حـينً بـعد حـيـن = وان غـاب كلــن يـذكـره في غـيـابــه وفيهـم ردي ومـرافـقـلـه شــياطـين = مـابـه خـفـا للناس واضح عـيّـابـه خـداع ومـنـافـق ويـظـهـر ابوجـهـين = بـالثـانيه يـقـلب .ويـخـلـف جـوابـه راعـي نميمـه ياعسـى فالـه الشــين = وكـم غـافـل لاهــي لسـانـــه حـكابـه خـوة مصـالـح خوة اللاش يا حسـين = ول حـاجتـه كل يـوم يشـعب اركـابه ولـيًا خلص ماعـاد يظــهر ولا ايبيـن = حيث الردي عـرق .النذالـه غـدابـه وكـلن على مسنى جـدوده والادنيـن = يمـشي عـلى سـلم الاهــل والقـرابـه دنياك فـيهـا من العجـايـب ملايـيـن = وتجمـعـت يا صــاحـبي وســط غـابـه ويالله عسانـا من صفوف المصليـن = بالـعـفـو نحـظى وانـتـجـنـب عـذابـه وصـلوا عـلى المختٰار سيد الـنـيـيـن = نور الهُـدى والـحـق راعَ الـمهـابه

محمد بن سوعان الربيّع

تعـوّذ الشـيطان

تعـوّذ الشـيطان

	يا صاحـبي لاضـاق صـدرك من الناس = سـج القـدم بفجـوجـهـا والصـحاري تجـلا غــثـا الايـام. مع دوخـة الـراس = واتـفـارق الضـيقـه بـذيـك المحاري احـرص على مخـاواة من فيه نوماس = كــريــم نـفـس ولااحتجـتـه امبــاري في موقـفـه. انسـان صـادق وحساس = اليـا اصـبحـت مابيـن بايـع وشـاري عنـد اللـوازم تاجــده ذيـب الادمــاس = لـ جـل المراجـل دايـم الـدوم ســاري وارفـع بنفسك عن مخـاواة.الانجـاس = ولا لا تحط مـن الخـبـول اسـتشـاري الـخـبـل رايــه زي مـبـنى بـلا ســاس = وحـذراك تنسـى حــزة .الانـهــياري تـرا الرجال اشكال واصناف واجناس = فـرق النـوادرعـن. طــيـورالحـبـاري ابـعـد عــن اللي قـالـوا الناس بـلاس = راع الـعـلــوم الـهـابـطــه والـهــذاري وتعـوذ الشـيطان من كـل, وســواس = وازبــن عـلـى ربً بـالاحـــوال ،داري الـواحــد المعــبود خـــلاق الانفــاس = امــره اجــبـاري ما يـكــون اخـتـياري يا صاحبي لاضـاق صدرك من الناس = ســج القــدم بفجـوجـهـا والصـحـاري

محمد بن سوعان الربيّع

دار العرب وارض الاحرار

القصيده بمناسبة الذكرى الستين لاستقلال دولة الكويت والثلاثين لتحريرها وبهذه المناسبه المجيده نهنئ الكويت الحبيبه شعباً وقياده حكيمه ونسال الله ان يحفظهم ويديم عليهم نعمة الامن والرخاء . وبهذه المناسبه استذكر المغفور له باذن الله تعالى سيدي خادم الحرمين الشريفين الملك فهــد بن عبد العزيز ودوره البطولي والشجاع والفعّال الذي اتخذه في تلك الحقبه التاريخيه الصعبه والتي سجلت
للمملكه العربية السعوديه شعباً وقياده وحكومه رشيده . رحم الله الملك فهد واسكنه فسيح جناته
وحفظ الله مملكتنا الغاليه من كل سوء ومكروه بقيادة سيدي خادم الشريفين الملك سلمان بن عبد العزيز أيده الله ورعاه وولي عهده الامين سمو الامير محمد بن سلمان وزير الدفاع ونائب رئيس مجلس الوزراء حفظهم الله وسدد خطاهم .

دار العرب وارض الاحرار

	سـلام يا دار العرب وارض الاحـرار = كـويت المحـبه والوفـا و السلاما ارض المفـاخر والكرامه والاخـيـار = ريـف الارامـل والـضـعـوف اليتـاما دار الصباح اخوان مريم هـل الـكار = حــكامـهـا اللي بالمــواقـف نـشـامـا نــواف الاحـمد قايــد الشعب والـدار = زعيـم. دولٌـه يـزدهـيـه الـوسـامـا لاشك ابـو فيصل كـما الــوالـد البــار = شــــيخً حكمها بالعــدل والنظــاما ومشعـل ولي العهـد كالســيف بتـار = عـضـيده اللـي بالمـواقـف. هـمـاما حلم وشجاعـه ماعـلى لـونها غـبار = مناهجـه ماصار فـيها ،،،انقـسـاما حكٰـام مـن حكّـام وشــــيوخ ,وامـار = قـادة وطـن فـوق الصـغاـير تساما ال الصـباح.اللي يصـدون الاشـرار = المجـد.فــيهـم يرتفــع لــه مـقـامــا ماهـزتـه ريح العـواصف والاعصار = نـور البصـيره زال. عنـه الـظـلامـا حكامها والشعب صـاروا لهـا اسوار= في صـف واحد في وجيـه الخصـاما اليـوم فـرحــه عـمّت اصـغار واكبار = ذكـرى عليهـا فـات ســتين عـامـا وذكرى عن التحرير.ترسـي بالافكار = ويـزيـن فيها اليوم.،جــزل الكلاما ذكـر الفهـد ما غاب يـوم الـدخـن ثـار= يــوم انتخى وفـّا الـوعـد. بالتـزامـا اعلـن بـهـا للناس ما قـالـها اســرار = جـاهـا بـفـزعـه حـاتـميـه اشـمامـا قـال الكـويت وشعبها اصـغار واكبار = ابنـائـنـا واخــوانـنـا ،،،،،والعـمـامـا ماهــم لنا ضــيفــان داري لهــم دار = يحــظـون بالتــقـديـر ، والاحــتـرامـا من دونها تـرخص عزيزات الاعمار = نفـنى ولا نــرضى ،لهــا بانهــزامـا صـدر قــراره فـي. عـزيـمه واصــرار = وارخص لهـا الغـالي وشـد الحـزامٰـا بالروح. والاموال مـا هـاب. الاخطـار = ومــن يـزبن آل ســعود لا ما ايضاما خلـفة هـل العـوجـا صـلبين الاشــوار = ملوكً لهـم. في دحـر الاعــدا.غـرامـا جيّش لهـا العـالم ولا جـاب الاعـذار = ووردوت عـلى عــده ورود. الحــيـاما زبن الدخيل وعـز يضفي على الجـار = والمعــتـدي تـمســي اديـاره هـــدامــا بمايرتضون الظيم ،،، وافين الاشـبار= مبطــي لهـم. عــادات ،نســل الامـامـا هـذي حـقــايـق للـتـواريــخ تــذكــار = والعـاصـفـه قـضـت حجــاب الغـمـامــا والحـزم لــه عنـوان يـذكــر بالاخـبار = مـابــه خفــا للناس ,،،شـرقً وشــامـا والحـق عــوّدو اشرقت شمس الانوار = والمـجــد عــوّد واعتـلا،،بـالســـنامـا جعــل الفـهـد مـاواه جـنات الابـرار = مــع كـل خــيّـر مـنـزلــه والـكــرامــا مـوقـف فـهــد ماينسـي عـبـر الادوار = كـفـو ً لــهـا خــادم بــيــوت الحــرامـا مبروك ياكويت العرب يارض الاحرار = ويــدوم عــزك يابـــلاد ،،الـنشــامــا يا جـوهـره مـا مثلها بين ،،،،الاقطار = ومـن يمـدح كـويت الفخـر ما يـلامـا حـبي لهــا يسـمـوا على كـل معيــاار = احـبـهـا واحــب دار ،،،،،،الامــامــا وتمـت وصـلى الله على خيـر الابــرار = عـلـيـه افضـل مــاـيقــال وســلامــا

محمد بن سوعان الربيّع

حرر بــ 13 من رجب 1442 هجري
الموافق 25 فبراير 2021 ميلادي

صرخة البوح

صرخة البوح

	الناس مـن حــولي تـعـالـيــل وامـزوح = وانـا خفوقـي فيـه مثـل الـحريـقـه حبست انا في ضامري صرخـة البـوح = وكـابـرت انـا والصدر تملاه ضـيـقـه كـتمتهـا اخشى يصبح السر مفضـوح = واخـشى شٰـماتت من يبوق برفـيـقــه صبـرت انـا مـتـحـريً للامـــل ضـوح = وانجـوا بنفـسً فـي عـنــاهـا غـريقــه تعبـت ادوّر بـاب ســالك ومـفـتــوح = وعسـاني القـى للمـنـافــذ طــريـقـه مـا بـيـن ممنـوعً ومجبــر ومسـموح = بـيـن التمــانـي والهــروج الـوثـيـقـه عـشنا بـواقـع مالـنــا فيــه مصـلوح = وكـلً عـلى عكس القـناعـه طــريـقـه واقــع محـيّـر كـلـه احـزان واجـروح = ولا فـيــه نفـسً تـرتـضيـه وتـطـيـقــه باب السـعاده دونـهــا كـل سـامـوح = والـحـظ غــابـر واللـيـالي تــعــيـقـه حاولـت اسلي خاطري واكتم البوح = والصـدر. تضوي بــه ثلاثين ضيقــه

بقلمي //
محمد بن سوعان الربيّع

مصابنا ... واحــــد

ابيات رثاء في ابناء عمومتنا الذين رحلوا عن عالمنا ودنيانا الفانيه الى الرفيق الاعلى. فالى جنات النعيم ان شاء الله
العمً / مخلف بشير الخرميط. ال عـلي المهيد
العم / حمد الجريد ابو حميّد. الدمخي المهيد
العم/ كميان بشير الخـرميط ال عـلي المهيد
غفر الله لهم وتغمدهم في واسع رحمته
انا لله وانا اليه راجعون
ولاحول ولا قوة الا بالله

الابيــات

مصابنا واحــد

	الله يعـــظّــم اجــــركــــم يالقــرايــب = ويجـبـر صوابً وسـط الاكـباد مرصـود مصابـنا واحــــد. وكـــبـر المصـايب = مرت وخمّــت خـافــق الـورع، والعـود كلن تضيمه عبرته ،،،،،،، والنحايب = وعـيـن الوفـي لابـــد تبـكـي هـل الجـود كلن دموعه فوق خده ،،،،،، سكايب = عـلى رحـيــل فـهــود مـن لابــة فـهـود الاولــه مـخـلـف عـطــيب الـضـرايب = عـنا رحـــيلـه يــدمي القلــب. ياسـعـود واللـي مثـل شـرواه يـسـوّى كـتايـب = قــرمً من اهــل الجـود والعــرف معـدود عــز الرفيـق ،،،،ومـفخــره للقرايب = هـــذا الوكــاد وباقــــي الهــرج مـردود وشعاد لـو حـطوا ،،،عليه النصايب = بقلـوبناً لــو مات حــيً ،،،،،,، وموجـود والثانيـه : لو غـاب ماهــوب غـايب = حمــد وانا اشــهد عـند الاجــواد محمود زين النبا. من عادته ،،،،والرحايب = ابو احـيّمــد بالجمايـــل. لــه ،،،شـهود لـه مجلسً مــا يـدهـلــه كـل خايب = ولايـوم بابـه قــالـوا،،،الناس مـوصـود يســعـى بمعـــروفــه لـفـك النشايب = قــــرمً ذراعــه دوم للخــيــر،، مـمـدود من خلقتـه لين اصـبح اليـوم شـايب = وافي وانا اشــهــد بين الاجواد بـه زود والثالـث كــمـيان ذيـب ،،،الصعايب = سـيفً مجـــرب والفعـايــل لـه اشـهـود حاش المراجــل والمراجـل،، وهايب = ياما بـذل للغــانمـه كـــل ،،،،،،مجهــود حـرً ونفسه ما تروم،،،،،،،المعايب = ومكـارم الاخــلاق تـرقــا بــه اســــنـود والنعـــم مـا حـاشـــه بلـيّـا ســبايب = قـول وفعــل ياسـعــود والهرج. مسـنود والموت حــق ولا ترده ،،،،طبايب = والعـــمــر ماتنقـص ليــالـيـه واتـــزود لابــد ما نــدفــن بجـــوف التــرايـب = حــوض الـمنايـا كـلبـونـا. لـــه. اورود طلـبت انا المعــبود منشي السحايب = فـي دعــوةً مابيــن ركــعـات،، واسجود يـرحـم ضيوفً غـادرونـا. حـبـايـب = غـاليـن وامـرك. تـم ياخـــير. معـبــود عـفـوك وغـفـران فــ يـوم الحسـايب = وتجعــلهـم فالخـلـد مسـكان واخـلـود اقـبـل ادعـــاتي ،، يامــديـر الهـبايب = ياغـافــر الـــزلات تـرحـم هـل الجــود

بقلمي
محمد بن سوعان الربيّع

شعر النبط يبكيه
———————
ابيات رثـاء فـي الشاعـر والاديب الكبير
جــزا بـن صالح الحـربي تغـمده الله في واسع رحمته
واسكنه فسيح جناته إنا لله واإنا اليه راجعون

شعر النبط يبكيه

	لفيـت اعـبـر عــن شـعوري. بقيفان = واسـرجـت للغـايـه اصـايل اخيولي وودي اعزي خـافقي قبــل الاخـوان = ولانيب من. لون. المقـدر. زعــولي آمـنت بـالله والمـقـــدر. ومــا كــان = ولا فـيـه شـيً دون امــره يحــولي مات الاديـب وجـات لوعـات الاحزان = الشـاعــر الملـهـم بفـعـلً وقـولـي لاشك ابو صالـح كـما طـير حـوران = ويمنـاه. لعـذوق المـراجـل. تطـولي انا اشهد انــه كان ركن من الاركان = جــزا مـن اركـان الادب والفحـــولي وعــزالله انه كـان للشــعــر عـنــوان = ولـو مـات. ذكــره بـاقيً مـايـزولي وقـع الخـبر يذهـل. سليمين الاذهان = كالصاعـقـه. حـلّت بـصدمـه تهـولي شـعـر النـبـط يبكـيـه في كـل ميـدان = وكـم خيّـر مـن الناس بات امعلولي شـاعــر علم معروف في كل الاوطان = خاض البحور وجال عـرضً وطولي شـعره ،،مميز مثلما. الماس والـدان = يومن شعر الغير ما اروى فضـولي شــعره تميّز بالفصاحـة والاحسان = ومعناه. لاهـل الذوق يلقا،،، قبـولي بالنصح والحكـمـه تمـيّـز ،،كحيلان = وشعـر الغزل ماهـوب منه.امخجولي فــرايــــدً تـبـــقـا عــلى مــرّ للازمان = ولا احدً بقولـه. يوم. يعرض جهولي مثـل ابو صـالح له. حفـاوه وعـرفان = وطٰـــواري الاجـواد تجــذب ميــولي معـزتـه فـي خـاطــري شـانها شــان = وعـنـد الـذي شـرواه. تبـرك ذلـولي يالله يالمعـبــود يـا رب ،،،،الاكــوان = وفي سـاعـةً منها الصميـدع جـفـولي في ساعـةً فيهـا،، يروغـن الاذهـان = ولا للبشرـ. حيـلـه،،،، تفـيده وحـولي تجعلـه الجـنه. مقـرً ،،،،،، ومسكان = ومـانـالـوا. الابــرار ،،جـعـلـه ينٌــولي مـع الحـبيب المصطفى وابـن عـفّـان = ومـع كــل صالح يقتـدي. بـالرسـولي تمـت وصـل الله على خـير،،،، انسان = حـبيبـنـا المخــتار في ختــم قـولـي

محمد بن يوعان الربيّع

عــز وفخــر للامه الوايليـه

اهــداء متواضع الى جناب العـمـيد
محسن بن حامد الرقــاد الرويلـي
مع التحيه والفخر والاعتزاز. ،،،،،ابو تركي يستاهل

عز وفخر للامه الوايليه

	ارسلت يا محسن عليك السلامات = من قـلب ينبض بالـوفا ،،،،والحميـه واسـم الذي شرواك يزهـا بالابيات = ووكـل حرف يرفـع لبو تركي.تحيـه مـالي ورا ما قلـت حاجـه وغـايات = كـود الـمعــزه نــارهــا. دوم. حـيّــه حــالي تســرك يا زبــون الـونيات = ونفسـي بفـضـل الله وبامره,,,غـنـيّـه مـار افتـخر واعتز في كـل الاوقـات = بعــلـوم. ربـعـي طـيبيـن الســجـيـه شـرواك قـرمً . مايهـاب الصعـيبات = محـزم ظـهـر في كـل موقف. وهيّـه عليك مـن فياض. طـبع وعـلامات = القـايـد .المقـــدام. ذيــب الســـــرّيــه كل الـوطن. يعـتز بــه طـيّـب الـذات = وتـعـتـز فـيـه الـرتـبـه العســكـريــه من سـيدي سـلـمـان نلتم شــهادات = مــن قـايــد الامــه وامــام الـرعــيـه انتــم ذرا المضـيوم في كـل الاوقـات = وانتــم ذخيــر اللي عــزومــه رديّه الـروس فـيـكـم تـرتـفـع للـمجـرات = عـــز وفـخــر. للامـــه ،، الـوايـلـيـه خلـفـة هـل العليٰـا قــرومً. رويلات = اللابـه اللـي مـا تـهــــــاب. ,, المنيّـه وارفـع لكــم. باتـلا بــيـوتي تحـيات = وصلوا على المختار. خـيـر.البـريـه

بقلمي
محمد بن سوعان الربيّع

شـيخ الســلاطـين قابـوس

في ذكرى وفـاته السـنويه الاولى يرحـمه الله كــتبت هــذه الابيـــات
المتواضعه تقديراُ واعجاباً بهذا الزعيم ... ولما لهـذا الرجل الانسان
والقائد العربي المحب لشعبه ولأمته من مكانه فـي نفــوس الكثيرين
انه السلطان قابوس بن سعيد بن تيمور سلطان عمان
يرحمه ويسكنه فسيح جناته .

شيخ السلاطين قابوس

	مرحـوم ياشـيخ السـلاطـين قـابـوس = قابوس عنوان الفخر حاكـم اعـمـان الحــاكـم اللي كـان للشــعـب ناموس = زعـيــم دولــه يمـتلك خـافـق انســان يامـن عـدل ما بيـن ريّس ومـريوس = والشعب كـله. كانوا. ابـنـاه واخـوان حــبــه لشـعبـه كان واضح وملموس = مـتبـادلــيـن الـحـب فـي كـل الازمـان في عـهـده الميمون ما فيـه متعوس = أمن ورخـا والشعب ما شـاف حـرمان شــعبً وفي مافيه خايـن ومدسـوس = عـهد الـولا. صانـوه في عـزم.وايمان ما زج شـعبـه في زنـازين واحبـوس = العــدل مـنهــج والمسٰٰـاوات عنـوان ســلطـانـهم راع. الجمالات قابـوس = أب. ومـعـلـم والســياسـه لـهـا شــان يشهدلـه العالم. مـع الفرس والـروس = له موقـفً مـعروف في كـل الازمــان كان اعتـدالـه يجذب انفوس وانفوس = ليـن احـترامـه زاد فـي كـل الاوطـان لـه دولـةً قامت على سـاس مدروس = تطــورت والعـلــم ،،واضـح للاعـيــان بـذلـهـا جـهــده. ولاشـــح. بـفـلــوس = ليـن اصبحـت.دوله لها ساس واركان بعمان حق الشعب محمي ومحروس = بـرعـايـة السـلطان خـاطـره مـا شـٰان مرحـوم ياشـيخ السـلاطـين قابـوس = مرت سـنه. والشعب.عـايش بالاحزان لاشـك رحـيلـه. كـان. هـمً وكـابــوس = ادعـوا له بـجـنه ورحـمــه وغـفــران

محمد بن سوعان الربيّع
حررت بـ 4 من رمضان 1442 هجري
الموافق 17 ابـريـل 2021 ميلادي