ديوان / الشاعر عبدالعزيز بن حشيان

اخواني وخواتي النشمى يسعدكم ربي بكل الاوقات

حبيت انقل لكم بعض من ابداعاتي والتي تعبر عن بعض من امور خاصه بي

تعرضت لسريع الفجر عرجودي.. ,,,,

	ياوجد حالي وجود مصلح الذودي=الي نياقه غدت واليل ممسيها تعرضت لسريع الفجر عرجودي=وخيارهن اصبح السقس متوطيها او وجد منهو قعدله كل مقرودي=والعين حق وكلام الله مزكيها صدفه ولاكل صدفه تحمل الفودي=النقص وارد وهي من حظ راعيها هديتاً جت من الله عند محسودي=فرح بها واخر الامر ابتلش فيها بندق به الي عيونه تقل بارودي=وشهق شهقتاً من اقصا القلب راميها وياالله انا طالبك ياخير معبودي=احظوظنا من عيون الحسد تحميها راحت علينا وحنا نطلب الزودي=جرادتاً بين طابخها وشاويها

اخواني وخواتي يسعدني ان انقل لكم هذه البيات من ارشيفي وهي عن احد الخلفا الراشدون

املي ان تحوز على شي من رضاكم عني طالباً الله ان يسعدكم ورمضان عليكم مبارك

ابو بكر الصديق رضي الله عنه,,,,

	عن ابوكافه قمت ابا اخط الأشتعـار=نبذة بسيطة عن كريم الساله عبدالله العامـر من قـريش حدار=له الفخر في نسب عمه و خـــالـه أول من أسلم بين صبيـان و كبار=و عـمر بيوت الله من حر ماله أبو بكر ثانـي اثنـين دخـو غـار=في موقعن لأول هبوط الرساله يشرف على مكة من الشرق سبار=و لسان حاله جوها ما صفى له يقول أهل مكة غدو ناسن أشرار=أنا رسول الله ماادور بداله نعم الخوي اللي على الهم صبار=دون النبـي فادى بماله وحاله مشى طريقن موحشن كله أخطار=في رحلتن نجاتها مستحاله حثو خطاهم فوق حزبات الأكوار=حتى لفوا دارن ترحب رجاله و أستقبلوهم في أول الدرب الأنصار=كلن يقول الضيف نـكرم سباله و للدين جاهـم نصر من والي الأقدار=و برفعتن من عـند رب الجلاله من عايشه عطـى النبي خير ماأختار=كريمتن تروي الحديث و ماقاله و تصدق بمال الفنى سر و جهار=خوف الفقر و الجوع ما طق جاله و روى الحديث عن النبي دعا و أذكار=و يوم ارتحل صار الخليفة بداله حامي لوى الإسلام شهـمن و مغوار=و ليا اتجه صد العدو و ارتكا له بمرهفاتن تودع الدم نثار=برمح الـقناء و مرهفات السلاله اسمه مع القران يطبع بالأحبار=في جملتن تذكر محاسن خصاله و لقبه عتيق و هو عتيقاً من النار=و يطلب له الرضوان لا جا مجاله عتاقن في الوجه قدام الأنظار=بـين الملا ربي حباه بجماله ولقبه صديق مصدق كل الأخبار=عن النبي لا قيل جبريل جا له و نعم الصديق و نعم سكانت الدار=في موضعن يضفي عليهم سداله صدقان في الدنيا و في المقبره جار=مع النبي يا كبر حظن سعى له

كان قلبي جسور.. ,,,,

	ياوجودي وجود اللي بطش به زمانه=شايبن كل ماحرك عظامه يوني هملوه العيال وخايب الحظ اهانه=وزوجته عودت تكثر عليه التجني قالو انته علامك قلت كلن وشانه=احذرو تشمتون ولاتسالون عني كان قلبي جسور ولكن الشوف خانه=وصابني في صميم القلب رمح المطني ليتني ماحضرت لعرس جالي ثمانه=يوم شفت العذارا بالحلي يلعبني ذكرني زماناً فيه بعض الميانه=يوم انا طفل والعب بينهن مرجهني واثر بعض الميانه فالحقيقه لاعانه=تودع الرجل للماضي يتوق ويحني

كل الود لكل من مر هنا

اخواني وخواتي الافاضل يسعدكم ربي في جميع الاوقات وكل عام وانتم بالف خير

اليكم هذه البيات المعبرت عن نفسها ارجو ان تنال شي من استحسانكم

سوق الردي قام والطيب نزل سوقه ,,,,

	يالعبد ذي حكمت الخالق بمخلوقه=له حكمتاً فيه خافيتاً حقايقها دنياك تلحق وهي مهي بمالحوقه=وهموم اليام ماتطفي حرايقها وسوق الردي قام والطيب نزل سوقه=والناس قامت مصالحها تفرقها كم واحدا فرحته بالصدر مفتوقه=وكم واحداً عبرته بالعين خانقها دنيا بها الناس لطاشة وساروقه=وكحل الضبا من عيون الضبي تسرقها قالو ربيع العرب والارض محروقه=واهل الخيانه تمشا في مرافقها الدار تهدم بها الارواح مزهوقه=والارض دم البرايا قام يغرقها متا يجينا نهاراً ينطلق عوقه=وتفقع عيوناً على المسلم تبحلقها

اخواني وخواتي يسعد ربي جميع اوقاتكم هذه بويتات تعبر عن نفسها

ارجو ان تنال شي من استحسانكم ورضاكم ودمتم سالمين غانمين

يابو فهد وقفتك معنا بنوماس

	الله من دنيا بها البال منحاس=حوست ظفيرت موتراً عرقل السير شبت عقب مالامس الموجب الماس=وثور دخنها مثل عج المعاصير مرت عليه قصتاً فيها التعاس=تشبه لبن برمان وقناصت الطير طيراً لبن برمان لصيد عساس=جاب الحنش يوم اطلقوه الصقاقير ان كان هي جايه من الله فلاباس=ماقدر الله مامعي فيه تدبير وان كان من بني البشرتفلق لراس =وتبطي مواجعها بليا تقارير يابو فهد وقفتك معنا بنوماس=يالمرشدي يابن الرجال المناعير لعل يفدونك كثيرا من الناس =الي عن الواجب تسو المعاذير اولاد ناس ولاكن نفوسها نجاس=ويقول واحدهم ترا وقتنا غير وبعض الرجال يصير حبراً بقرطاس=لاصار ماينطح وجيه المخاسير لو كان جدانه على قب الافراس=في مامضا تكسر جموع الطوابير رضي الهوان وخالف الفرع والساس=وقعد بوكر الحر مثل العصيفير ماهمه الا جمع ماله والفلاس=ويشيل اله نفساً كبر ظلعت النير ومن عادتي مرضا التشره على الناس=حتى حدوني حدي روس البواكير بقلامهم دقوعلى روس الاجراس=وجاني نذير السو ومبعدالخير واصبحت مثل الي مع البحر غطاس=والموج عالي وافختوه المداوير ليا غطس يطلع ويلتقط الانفاس=وله زفرتاً تقطع عروق الحناجير على الرجا واقرب لنفسه من الياس=وانا سواته بس انا قصتي غير

اخواني وخواتي الافاضل يسعدكم ربي يالغالين اليوم جبنالكم من جديدنا

ارجو ان يحوز على شي من رضاكم عنا ودمتم بكل خير

الله يحمينا من الهم والبوس

	عشنا بدنيا كلها هم ودروس=للمتعض في حاضره والقداما والمستريح اللي من العقل ملحوس=يمر به يومه مرور الكراما دنيا تساوت فها الاذناب والروس=والحر واقع وابرق الريش حاما الله يحمينا من الهم والبوس=ويجعل لنا في كل يوما سلاما يامل قلبا داخل الصدر محبوس=كنه سجينا طاح في قوت ناما وليت ياحظٍ عقب حاسني حوس=اصبحت مثل اللي كسير العضاما صبري معك طوّل لكن انت منحوس=والرزق عند اللي كفيل اليتاما اقعد على مايسر الله بناموس=والخير في مااختار رب الاناما

اخواني وخواتي الافاضل اليوم جبت لكم هذه البويتات المتواضعة

ارجو ان تنال شي من استحسانكم ورضاكم عني خلال الفترة التي غبتها عنكم

امنت من نزل تبارك والنفال

	قالو علامك قلت متكدر البال=تعبني الفعل المضارع وماضيه واتوق للماضي على كل الاحوال=والمقبل المجهول اخافه واداريه قالو ترا صبر الملل حكي جهال=قلت الصبر ترا الفرج في تواليه واكبر دليل ايوب يوم المرض طال=دعا كريمن يسمع الي يناجيه وتبدلت حاله عقب سو الهوال=واصبح سليم الجسم من سو مافيه امنت من نزل تبارك والانفال=الي حجيجه في المشاعر تلبيه وحكي الاوادم فيه جزلات وهزال=وكلن على ماقيل فكره يقديه ويبن ادام المسكين لو الزمن طال=مصيرك المحتوم لازم تلاقيه ولايغبط المغرور في جمع الاموال=يذهب كثير المال ويموت راعيه والرابح الي لاحضر عرض الاعمال=ياخذ كتابه في يمينه ويرضيه واستغفر الله عد ماهل همال=وعداد رملاً لافح النود ذاريه وماقل دل وزبدت الهرج لاقال=صحت لسان الي يقوله ويلقيه

اخواني وخواتي يسعدكم ربي بجميع الاوقات

ابيات لتواصل معكم نرجو ان تنال شي من رضاكم عناء

صاحبي لامشا كن البني عسكر له

	الخيال اختفى ماباقي الاسجله=داخل الذاكره بحروفه الابجديه كلمة السر فيها والذكي فاطنله=اربع احروف توضي اليله الخرمسيه صاحبي لامشا كن البني عسكرله=كل مامر مجموعه عطنه تحيه وان قفاه اشقراً على متونه يهله=يوم يرخي اسباله مثل ذيل العبيه وان نطحته ليا الحجان مثل الاهله=بين متنه وخصره متر والاءشويه وان تكلم كلامن هرجته ماتمله=مثل صرف الذهب في متجر الصيرفيه مانقول العذارا ليتهن فدوتا له=ليت ربي عطاهن من جماله بليه زارني طيفه البارح لنا في محله=عايشاً في ربيع زهوره النرجسيه غفوتا عشتها تحت النجوم المطله=تنعش القلب عن باقي اليال الشقيه

زهور النرجس

اخواني وخواتي الله يسعد جميع اوقاتكم بكل خير

ابيات لتواصل وتجديد العهد بكم ارجو ان تلقى شي من استحسانكم ورضاكم

ياشيب عيني يوم قالو سلامات

	ياشيب عيني يوم قالو سلامات=ايقنت منها انه خطيرا صوابي قالو علامك قلت شيا بعد فات=ماينفع انه عنه يوخذ جوابي قبل امس يوم اني بسوق السروات=في موقفا يشيب منه الغرابي جاني ثلاثا بينهن سيدسادات=كنق الجمال الي بعز الشبابي وارخا الثام وشفت بيضاً عذيات=مثل البرد من مستهل السحابي مع نظرتا فيها من الموت اشارات=بين العقاب وبين حسن الثوابي والحرب دارت عقب ماشن غارات=فيها انتصر واعلنت عنه انسحابي واقفيت من عنده خطايه سريعات=خوفا من الحساد لايندرابي واثرني احمل منه بعض الاصابات=في داخل الخافق تثير الرعابي

اخواني وأخواتي يسعدكم ربي
هذه ابيات يسعدني ان اشارك بها بمناسبة عاصفة الحزم
أرجوا أن تنال شي من رضاكم

اضرب عصات الروافض

	اضرب عصات الروافص ملحدين الزيود=ويشوف من خلفهم بالعين شين دهاه يـاغـاوي الـحـرب حـنـا مطوعـيـن الاســود=في نصرت الدين والجار الضعيـف نحمـاه نـركـز علمـنـا عـلـى راس الـعـدو فـالـحـود=و الـي زعـل مـن فعلـنـا مانـحـاول رضــاه الـفـاسـق الـــي يـجــاز الطـيـبـه بـالـجـحـود=امرقعن نصف وجهـه مـن مرافـق خصـاه والثـانـي الـــي يـعـبـد قـبــور عـــاد وثـمــود=يـبـا مــن اهـــل الـقـبـور الميـتـيـن الـنـجـاه فــي عمـتـه ظفعـتـن كـبــر سـنــام الـنـفـود=ايــحــرف الــديــن والله قــاعــدن لـــــه وراه يشـويـه بالـنـار فــي يـومـن تـقـوم الـرقـود=مـن قبرهـا والجميـع يـشـوف مـاقـد جـنـاه خابـت وجيهـن تراهـن فـي دخـول الحـدود=ماتـدري ان الـوطـن دونــه رجــال تحـمـاه وافـعـال شـبــه الـجـزيـره ثـابــه بـالـوجــود=في معركتهم مع اهل الشرك هم والطغاه