من يقابلني على الساعة ثمااان

ماشاء الله كلكم رائعين وتستحقون التصفيق

الشعراء الاعزاء بيض الله وجيهكم
صح السنكم لاعدمناكم
تقبلوا مروري

اقتباس المشاركة الأصلية كتبت بواسطة نداء المفضلي ياناصر الصراع لخبــــــــطت النظام = ياعــــاقل المره ترى ماهو كذا ممشاك صوب سهيل او نجم الجدي = واللي عقد روؤس الحبال يحلها على اذنكم بالله ياربع الكــــــــرام = لكـــان فارســـــكم بدربي ما جذا الشاعر اللي بالشعر حبله مـــدي = واللي عــــقد رؤس الحبال يحلها

للحقوق ماودّي اقبل واعتدي = عارف(ن) دقّ ألأمور وجلّها
يا ( ندا) نآدآك منهو يرتدي = خوذة(ن) حآش ألمكارم كلّها
انت (سهيل)وابوسند نجم (ألجدى) = كيف أنا أدخل بينكم وشلّها
اسهروا غنوا - لي- في أبو عدي=و(من عقد روس ألحبال يحلّها )

--------------------------------

صحت السنكم اخواني الشعراء وطابت اوقاتكم

وتحيه للجميع واعذروني على القصور احبتي

يعلم الله اني مشغووول جداً والسموحه منكم

تقبل تحياتي

اخواني الكرام

اشكركم من الاعماق بيض الله وجيكم مروركم وتشجيعكم لنا شرف لاهنتو

الشاعر الجزل ناصر الصراع ( ابو محمد ) المعذره والله اني ماشقت ردك الا بعد وقت الاتصال عندي ضعيف

وكان تركيزي كله مع الشاعر الجزل نداء المفضلي ولا دريت انك دخلت اي والله الا بعد مافات الفواات

اكرر اسفي ياغالي والان يابو محمد كن جاهز ترا نقلت محاورة الشاعر العذب نداء وردك عليه ورديت انا عليه

في صفحة جديده وفق الله الجميع

الشاعر محمد

من يقابلني على الساعة ثمااان = انتظم في موعدي حتى العشر
الزمن مذكور وحدود المكان = منتدى شمر هنا يوم الحشر

التحدي بااان يااهل الشعر باان =جنب رااع الشعر دقيت افلشر
المثايل له بصدري مهرجاان =اتنقا الزين وكب القشر

الشاعر ندا

سرها واربط حزام الامان = والخبر لو نشرته منتشر
انت ويشفيك ياساحرعمان= الحشريعلمه رب البـشر

الشاعر محمد

مرحبا ياصاحبي والله زمان =افتقدتك وعسى مافيك شر
الحشر للي على الصفحات بان=مايعرف التين من قشع العشر

الشاعر نداء

العصى غير ضرب الجبخان = والدشر خلها عند الدشر
كل واحد معه عقل ولسان = وانت ممكن نحطك مستشر

الشاعر محمد

لو حصانك انت يارااع الحصان =باالسبق تالله ماظنه خشر
انتيجه يانداء بالامتحان =من يحبك عند ماشافه كشر

الشاعر نداء

جوده العلم تعطيك الضمان = الجشر مانحبك يالجشر
لايدقق عليك البرلمــــا ن = ناشر العلم ليته ما نشر

الشاعر ناصر الصراع

ياهلا بك ماسك (ن )صدر ألمكان = ياهلا بك عدّت ألساعه عشر
هذا تحدّي ودّك نسقط بامتحان = كيف وضعت اعلانك هذا للنشر؟!

الشاعر محمد

مايشب النار غير الموبذان =والقشر واهل القشر لا وفشر
ياعميلي نختمه باالزعغران=والف نعم ونعم في خمسة عشر

الشاعر نداء

ياناصر الصراع لخبــــــــطت النظام = ياعــــاقل المره ترى ماهو كذا
ممشاك صوب سهيل او نجم الجدي = واللي عقد روؤس الحبال يحلها
على اذنكم بالله ياربع الكــــــــرام = لكـــان فارســـــكم بدربي ما جذا
الشاعر اللي بالشعر حبله مـــدي = واللي عــــقد رؤس الحبال يحلها

الشاعر ناصر الصراع

للحقوق ماودّي اقبل واعتدي = عارف(ن) دقّ ألأمور وجلّها
يا ( ندا) نآدآك منهو يرتدي = خوذة(ن) حآش ألمكارم كلّها
انت (سهيل)وابوسند نجم (ألجدى) = كيف أنا أدخل بينكم وشلّها
اسهروا غنوا - لي- في أبو عدي=و(من عقد روس ألحبال يحلّها )

الختام لهذه المحاورة الراقية بين شعرائنا الكرام

شكراً للجميع - - -

عذراً -وعفواّ ---آسف ألبيت ألأخير -- يحتاج تعديل -


اسهروا غنوا - لي- في أبو عدي

و(من عقد روس ألحبال يحلّها )