اقرب شاعر

اقتباس المشاركة الأصلية كتبت بواسطة سطم فهد الخليل مشرفنا الفاضل اعتقد ان قول ناصر هو(لا تلومون منهو كاد يفقـد وقـآره) وليس0( تلومون) يحذف هذا التنبيه بعد عمل اللازم

نعم كلامك بمحله خالي
وأعتذر لعل السبب لحذف حرف اللام قد يعود لتنسيق القصيدة
من القلب اشكرك ع التنبيه يابو فهد
صح السانك ويستاهل التقدير شاعرنا الكبير ابو محمد

بالمناسبة ياالخال
لااعلم انت جلست مع والدنا الشاعر ناصر الصراع
أم لا 000 هذي نبذه عن شخصه الكريم ولن أفي بالقول مهما قلت
ولاكن انا قابلت ابو محمد
في اجازتي بحائل واجتمعنا اجتماعاً مبارك وحضر الاجتماع الشاعر حمد العيد والشاعر عيادة الجهيلي والشاعر رويضان الجسار والزميل الاداري صدمة الايام وجمعاً غفير من شبكة نشامى شمر وكان بجاني الشاعر ناصر الصراع في البداية للقاء وفي نهايته ممسكن بيدي ونتجاذب الحديث ، أستفدت الكثير من ورع هذا الاستاذ الشامخ
هادي بالكلام وما ان يحس ان بخاطرك كلام الا وتوقف والب لك بكل تواضع رزين ثقيل ذهب ومذهب أكثر الله من أمثاله وأمثالك أيه الشامخ أبو فهد ووفقكم الله بالدنياء والأخرة
المجال لايسعفني هنا وإلا لدونت بحقه متصفح كامل ومع ذلك أكون مقصر بحق هذا الشخص الكريم

خالص التحايا لكم جميعاً

اساتذتنا الشعراء الكرام كلن بسمووه
نحنُ فخورون بهذه الكوكبة الدره والنادره
من الشعراء والشاعرات ونتنومس بكم يالنشامى
بيض الله وجيهكم على هالمحاورة اللطيفه
تقديري وتحياتي لكم

مدحكم يالنشآمى انهمر في غزآره = ميزة(ن)بالطبآيع فيها نبل وتسآمي
يا( سطم) يآرفيقي تستحق الزيآره = ودّي اقبل اجي لك صرت غآية مرآمي
و(ابو غآزي)عزيز(ن)سآق حسن ألعبآره = قلت: والنعم فيكم مقصدي واهتمآمي

---------------------

صحت قلوبكم
شكري وتقديري للجميع

محاوره جميله
وشعراء قديرين

الإيجاز الأخير لمحاورة
شعرائنا الكرام على الهواء لليلية البارحه وهذا اليوم الأربعاء 27 صفر 1434 كتالي

الشاعر نداء المفضلي

بيض الله وجهك يامــــــدير الاداره = انت سامي وصرحك يابيض الوجه سامي
كل شاعرهنيا منزله بالصــــــداره = وكل واحد يشارك تمنحونه و ســـــــا مــي

الشاعر سطم فهد الخليل

الا يانداء لعب معك ماهو خسـاره=مرحباب ياالكريم ابن الرجال الكرامي
مار انا كنت واقف انتظر للاشاره=اتحرى يجينا منهو للشعر ضامي

الشاعر نداء المفضلي

مرحبا ياعميلن عز ربعه وجاره = انت اسمك نعرفه من كبار الاسامي
اسعد الله مساه ويسقي الله دياره = صاحبي مايقارن في رشيد الزلامي

الشاعر ناصر الصراع

ليت خلّي صآر جنبي بالغماره = ليتها تلطفت تسمع كلآمي
شفتها تمآيلت ثم استدآره = واحسب انّه ياندا ردتّ سلآمي

الشاعر سطم فهد الخليل

يانداء انا طلبتك تجعله استخاره=قبل يحسب علينا لفظنا من كلامي
الزلامي حشى لله نعرف وقاره=ماني حول الزلامي وبلغه في سلامي

الشاعر سطم فهد الخليل

يانداء كان ناصر يشتكي من مراره=يانداء لعنبو حي العدو لاتنامي
الرفيق لياشكالك وجاك ينثر عباره=قله ابشر بعزك يارفيع المقامي

الشاعر نداء المفضلي

بنت ابو زيد تبكي والليال استداره = لاحرمنا حـــلال ولا حللنا حرامي
لاتحاول نقفل يالعمـــيل السفاره = ادحم القوم دايم في نهار الزحامي

الشاعر سطم فهد الخليل

نرجع الوضع لأصله يم طير الصقاره=ابو غازي ابناخيي بعيد المرامي
والهيافا عمامه دايما بالصداره = حي والله هيافا وحي والله عمامي

الشاعر نداء المفضلي

الشهاده جريحه فالرجال النماره = انا ماودي امدح في نــــــــــــهايه كلامي
من قديم الليالي يشغل المجد ناره = وانت خلك هنيا في شروط النظامي

الشاعر سطم فهد الخليل

من يجيب النداوي وانا اسوق البشاره=يانداء الليل طول وانا قرّب منامي
عمك ليامسي ليله ملبدٍ وسط داره= وداره برّا بالملحق به منامه خلاوي

الشاعر مطلق البخيتان

الكواكب تسير..وسيرها في مداره = حكمة اللي خلقها يالعزيز القطامي !
يعجبن شيء لكن شيء يرجع لداره = العسل لاخلطه السم سمم دياري(:

الشاعر عيادة الجهيلي

الكواكب تنحت فوق برج التجاره = مابقى عندي مطلق في خفوقه ملامي
السياسه نمو الدار فيها حضاره = والحضاره بعلم النفس مصدر هيامي

الشاعر ناصر الصراع

لا تلومون منهو كاد يفقد وقآره = أبتديت بالتغزل والله ماكنت دآري
ياهلا ياجمآعه أهل جود وخيآره = جيتلكم ودّي أنتم تقبلون اعتذآري

الشاعر سطم فهد الخليل

انا ابي اقول قولٍ في صريح العباره= للجميع ابي اقوله دون تخصيص اسامي
الموضوع ان تشعّب صار مثل الخباره= لازم النهج واحد والهدف منه سامي

الشاعر سطم فهد الخليل

انا والله ياناصر معك رهن الأشاره=وفزعتي للي مثلك ماعلي به ملامي
مادري القاف عندك ليه غير مساره= حول القاف الى آري بدل قاف آمي

الشاعر ناصر الصراع

أعجبن قولك أللّي حاز حسن ألعبآره = شخت ياشيخ والله فآضل(ن)من عمآمي
لك جزيل ألتحيه فآيز(ن)في جدآره = اعترف لك بودّي ياعزيز ألمقآمي

الشاعر سطم بن فهد الخليل

اشهد ان الأشادة فيك ماهي خساره=واقبل الشكر مني واقبل الاحترامي
عندك اخلاقٍ اجزل من جزيل العباره=وكل حرفٍ كتبته فوق صدري وسامي

الشاعر نصار الصراع

مدحكم يالنشآمى انهمر في غزآره = ميزة(ن)بالطبآيع فيها نبل وتسآمي
يا( سطم) يآرفيقي تستحق الزيآره = ودّي اقبل اجي لك صرت غآية مرآمي
و(ابو غآزي)عزيز(ن)سآق حسن ألعبآره = قلت: والنعم فيكم مقصدي واهتمآمي

لله دركم لله دركم مااجمل هذه المحاورة
ترفعوون الرأس يالشعراء الكرام
بيض الله وجيهكم وصح السنكم
تقديري لكم الجميع

صح السنكم محاوره لذيذه بجد