الحاضر المتواجد اللي لنا يشوف

الشاعر الفاضل سطم ابن فهد الخليل
صح السانك والسانك جميع من شارك معك هنا في هذه المحاورة الراقية
من الشعراء والشاعرات وحضور نخبه من الاعضاء والعضوات وكان الواجب علينا المتابعة والتشجيع
ولا نلتمس العذر من جنابكم اخي الشاعر
ودي لك يسبق ردي

تنويه

انا اعتذر عن الخطأ المطبعي حيث اني
من السرعه نسيت اكتب كلمة(مثل) في الرد التالي

يابو سند الوضع ماهـو بمعـروف
لاشك نفسي يابن الأجـواد ساجـه
عقب البطا جيتك على الشعر ملهوف
وصارت براسي وصـف العجاجـه
.
والصحيح صارت براسي مثل وصف العجاجه

تسلموون الجمييع عزالله ماقصرتوا يالشعراء

اللي غيابه بسبة اشغال وظروف= الله يحفظه مالنا فيه حاجه
والحاضر المتواجد اللي لنا يشوف= باخش أنا وايّاه عنق الزجاجه

سطم فهد

يامرحبا احاد عشرات الوف=بالشاعر اللي دوم طلقاً حجاجه
رااع الوفا يفرح ليا زاره اضيوف=صلف الدهر مأثر وعكر مزاجه

محمد الذرفي

ارحب تحيه عد ماضاع بالشوف=طير السعد لاهد مرسول حاجه
زميلتك تحضر على غير مكلوف=اقلط على هيل الشعر وابتهاجه

قمرا سماه

حياك ياقمرا وأنا صابن الخوف=دونك سطم بدع المثايل علاجه
اب انسحب واراقب الوضع واطوف=والحق على اللي راح وسط العجاجه

محمد الذرفي

حي الذي نمشي على دربه صفوف = اللي من الأشعار نقرا نتاجه
ابو سند ماهو من الناس ملقوف = دايم مزاجي ينطبق مع مزاجه

سطم فهد

من شان قمرا لازمٍ ناقف وقوف = قمرا وبالقمرا ينوّر سراجه
يابو سند بالشعر مايلحقه خوف = تعرف مداخيله وتعرف خراجه

سطم فهد

فيك البقاء ياللي بالامجاد معروف=لاشك قصدك وين ينور سراجه
عطنا طريقن شاسعن غير مرصوف=في مفرقه أنا وياك انتواجه

محمد الذرفي

يابو سند الوضع ماهـو بمعـروف=لاشك نفسي يابـن الأجـواد ساجـه
عقب البطا جيتك على الشعر ملهوف=وصارت براسي مثل وصـف العجاجـه

سطم فهد

العب على المكشوف والوضع مكشوف=مابه علينا يالعبنا سماجه
الوضع ماضنه على مثلك ايطوف=بشار جرح الجسم بالجسم هاجه

محمد الذرقي

ليلي سرى والنوم جاني ولا اشوف=واللي زهم يصعب علينا احراجـه
يقول لي ماني بصاحبك مكلـوف=عجل على وإلا وعـدْك المواجـه

سطم فهد

ماشاء الله عليكم صراحه مبدعين
كل الشكر والتقدير لكم

سطم الفهد
محمد الذرفي
قمراء سماه
سلمتو والله ولا هانت هالهامت
يعطيكم العافيه

الشعراء الكرام
سطم الفهد
محمد الذرفي
قمراء سماه
لله دركم اساتذه الشعر بيض الله وجيهكم
تقديري لكم