اقرب يا محمد الذرفي

الشاعر نداء المفضلي
الشاعر محمد الذرفي
الحضور الكرام صح السنكم الجميع
عاشوا الشعراء

اقتباس المشاركة الأصلية كتبت بواسطة المشرف العام الشاعر نداء المفضلي الشاعر محمد الذرفي الحضور الكرام صح السنكم الجميع عاشوا الشعراء

شكراً لك مشرفنا العام وصح بدنك الغااالي

والله ان الشعر ياخي رااس مالي
مع مثل شروااك وعلوم الرجالي
تسحق اللي على بالي طراالي

ولاينوخ للحمل الا جملها

ان كان مابه على شرواك ياااخي كلوف =واصل معي وترك الحكااام وازلاامها
خلك معي في مداري في جميع الظروف =سمر الليالي تحدانا مع اياااامها

الغالي نداء

انتهى عملي وباقي على ساعة مسافة الطريق حتى اصل للبيت

ولكن اذا ماعندك مانع القابله 8 مساء نكمل المحاوره ان شاء الله تعالي

اللعب معك يطرب البال والله نبي نكمل هذا الطاروق العذب

لك وللجميع اجل التحايا

يامحمد خلها نصر وهزيمه
الملاعب مابها قلوبن رحيمه
مير انا بعطيك يالطيب قسيمه
ولاينوخ للحمول الاجملها

بالمختلف صورتك والامجله قـــــــطوف = موترك من سرعتك لايطيح صدامها
برق الوسم مانشوفه مثل برق الصيوف = ترا البضايع نعــرفه دوم باقـــــيامها

صح لسانك ولاتنسى الموعد بكرا ان شاء الله

ماقصرتوا شعرائنا الغالين بيض الله وجيهكم جميعاً
صح السنكم يالنشامى الف

اقتباس المشاركة الأصلية كتبت بواسطة محمد الذرفي صح لسانك ولاتنسى الموعد بكرا ان شاء الله

بكرا المجال لغيرنا ياكحيلان الله يكفيناااا شرك ههههههههه
على العموم صح لسانك الشاعر القدير
محمد الذرفي واشكرك على تلبيه الدعوه
وشاكر ومقدر تواجد كل من حضر هنااا
ولنا لقاء انشاء الله

صح لسان الشعراء المبدعين نداء المفضلي ومحمد الذرفي
كلكم قمة الأبداع والتميز.
وأمتعتونا جداً بهذه المحاورة الأكثر من رائعة وفقكم الله لكل خير.
لكم أطيب التحايا والتقدير،،،

الشاعر نداء المفضلي
شاعرٍمايجهله ســوم البضاعه
خير كنز اليوم تر كنز القناعه
ولا ينوخ للحمـــــول الاجملها

اشوف محمد تولع في غرام الهنوف = لامرها ياجماعه ترخي لثامها
يقال بعض الكلام احيان مثل السيوف = مايعرف الملعبه ياكود حكامها

الشاعر محمد الذرفي
جاك من ناديت ياطلق اليميني
شاعرا مايقنع الا باالسميني
يانداء ناديتني وانا فطيني

ولاينوخ للحمول الا جملها

انا تعديت سوقه لو عيونك تشوف =ابعد سماء ياعميلي لاحرق افلامها
انا عرضت الحقيقه وانت رجلاَ عروف =يوماَ بعض العرب شره من اقلامها

الشاعر نداء المفضلي
المعارك ماخفتك ولا خفتني
مير انا والله مايهـــتز متني
مصادم الشعار قبلك علمتني
ولاينوخ للحمول الاجملها

الاوله روحت والثانيـــه لا تطووف = بنت الهواء غرتك ياذيب بزمامها
نبي نحط النقط ياذيب فوق الحروف=قبلك وبعدك رجالاً حفية اقــــدا مها

الشاعر محمد الذرفي
استلم نفداك

يانداء ماخاااب ظني فيك وادري
تدحم المسطور وتسريه بدري
مير خل اللي بصدري وسط صدري

ولا ينوخ للحمول الا جملها

انا فهمته وظنه واضحه لصفوف =مايجهله غير جاهل صار قدامها
تجشمت في مناكبها رجالاًوقوف =وكم واحدا حبها من زين هنداامها

الشاعر نداء المفضلي
لاتوهق في غرام العامريه
ثم تبلش بالحروف الابجديه
كل مشفتن هنا دق التحيه
ماينوخ للحمول الاجملها

اناشهد ان التعب باللي سواك مخلوف = وهل الوهم خلها تعيش باوهامها
مجنون ليلي يعرفه لو تسمت بنوف = الله يعـــز البــــلاد ينصر اعلا مها

الشاعر محمد الذرفي
والله ان الشعر ياخي رااس مالي
مع مثل شروااك وعلوم الرجالي
تسحق اللي على بالي طراالي

ولاينوخ للحمل الا جملها

ان كان مابه على شرواك ياااخي كلوف =واصل معي وترك الحكااام وازلاامها
خلك معي في مداري في جميع الظروف =سمر الليالي تحدانا مع اياااامها

الشاعر نداء المفضلي
يامحمد خلها نصر وهزيمه
الملاعب مابها قلوبن رحيمه
مير انا بعطيك يالطيب قسيمه
ولاينوخ للحمول الاجملها

بالمختلف صورتك والامجله قـــــــطوف = موترك من سرعتك لايطيح صدامها
برق الوسم مانشوفه مثل برق الصيوف = ترا البضايع نعــرفه دوم باقـــــيامها