سيف نجد ماني براحمك لو تدور الرحمه

صح أبدان الجمييع وبيض الله وجيهكم

وشكرا لكل من تابع وشاهد هنا

اقتباس المشاركة الأصلية كتبت بواسطة سيف نجد لاتشتكي يانداء والخط ممدود سيد=وعيونكم من ورى البصره تلدونها ترى الرسايل لقيناها في وسط البريد= والمعرفه ياعميلي لازم نصونها

ههههههههههههههههههههههه وراى البصره تلدونها
اكيد خخخخخخ
صح لسانك ومشكور وانتهى الطارووووق غيررررررررررررررررر

الشعراء الكبار الأفاضل
الشاعر نداء المفضلي
و
الشاعر سيف نجد
بيض الله وجيهكم كل الشكر والتقدير لكم اساتذتي

	صح لسان الشاعرين شاكرين ومقدرين

صح السنكم يالعزوة

بسم الله الرحمن الرحيم

ملخص محاورة شعرائنا لهذه الليلة ليلة السبت 24 جماد الثاني 1434 هـ



بدئها الشاعر القدير نداء المفضلي


يقول

ياسيف مــال الحــد يـد الا قوي الحديد = هذا مثل والعـــرب قبلي يقولونها
بنوك بعض الدول ياسيف مابه رصيد = مالك وماله عساها تهدم اركونها

الشاعر القدير سيف نجد

أن كان تبغا الحقيقه والكلام الأكييد= خل القدم يانداء تمشي على هونهاا
العالم معيَده في يوم ماهوب عيد= حنا ترانا نشووف اللي تشوفونهاا

شاعر نداء المفضلي

لا و الله الا باشـب الـنار يابـو ولـيد = يالين عقـــالها تكتف لمجنو نها
نعرف عبد الغني ونعرف عبد الحميد= وابو قوانين ليت يعرف قانونها

الشاعر سيف نجد

شب الفتايل وتالع نارها فالجريد= سميتها والعرب مثلي يسمونها

الفرق سوق الغلا ماهو سوات الزهيد= والطيبه كل خلق الله يسومونها

شاعر نداء المفضلي

ياسيف راسي على خصمي طبيعه عنيد = واخصامنا بالملاقى نكحل عيونها
سكــان عسـفا ن ماتجهل ضواحي قديد = وشعاب مكه ترى هلها يد لو نها

الشاعر سيف نجد

ماجبت ياصاحبي للناس شئً جديد= يازين بعض اللحون اللي تغنونها
الناس يضحك لها في كل ليله مريد= ماني مصلى الصلاه اللي يصلونها

شاعر نداء المفضلي

دنياك دنياك تضحك للشقي والسعيد = لكن موسى غلب سحره لفرعونها
أن الذكي عكس دايم يالرفيق البليد = لاعل بقـعاء ترفه فــوق حا جونها

الشاعر سيف نجد

اللي يجيب الرخيصه ياعسا مايفيد= بالله يالشمري لاعاد تطرونها
يابن منوخ نشوفك قمت تطرى الشديد= خلك في شونك وباق الناس في شونها

شاعر نداء المفضلي

لكن بعض الاوادم غصتن بالوريد = بشـــار والماــلكي جونا يسنونها
ابشر على ماتبي ياسيف والا تريد = نصيحتك تنشرى وادفع لعربونها

الشاعر سيف نجد

لاتشتكي يانداء والخط ممدود سيد=وعيونكم من ورى البصره تلدونها
ترى الرسايل لقيناها في وسط البريد= والمعرفه ياعميلي لازم نصونها

المشرف العام
عبدالله الشريهي
ابو ناصر
شكراً كل الشكر على تواجدكم ومتابعتكم المشرفه
والشكر موصول لي شيخه البنات