اجر وعوافي

أجــر وعــوافي
—————
اهـداء الى عـميد شـعـراء نشامى شمر الشاعر والاديب. مشعل بن عسام التريباني الشمري
ابو عبد الرحمن حيث اجرى عمليه جراحيه في عينيه تكللت بالنجاح وهذا بفضل الله سبحانه
وبهذا المجال اهنئه بالسلامه أجر وعوافي ان شاء الله اهديه تلك الابيات التي اعبر من خلالها ما تخفيه نفسي من محبه ومعزه وتقدير نحمد الله الذي من عليه بالشفاء والشكر لله .

اقــول :

ســلامتك يا طـير شلوى من الشر = وياجـعـلها تخـفيف ذنـب .وعـوافي
ســالم يا عـلك دوم وامرك اميّســر = بعـون الذي ستره على الناس ظافي
الحـمـد. للمعـبود. والشــكر يالحُـر = وعسى الليالي. تسـتويلك اظرافي
يا مشعـل الـعـسام ماقــولهــا. سـر = مـعـزتـك. ياشــيخ. تمـلا. الفـيافي
حـقـك. عـلينا وانت يالقــرم تعــذر= وتسمح عن التقصيرحيث انت وافي
الوقت واظـروفـه لهـا حـكـم واتمر = حـقـك وانـا ماني عن الحـق غـافي
واجب وشوفـك يجعـل القلـب يستر = وعسى الـولي ياصاحبي لك يشـافي
يحفظك ربي من عــنا السقم والضر = اجـر وعـوافي. جـعـلها. يالسـنافي
واقبـل سـلامي يابـعــد كٰـل مغــتـر = والله. يجـنبـــك. التعـب. والمهافي
وصـلاة ربي. عـٰد مـاالجو . يـمطـر = واعـداد ما بالبـيت. يسـعى. وطـاقي
على. نبيً. ثـبـت. الـديـن. واسـفـر= محـمّـد اللي حـبـه.... الله ونـافي

بقلمي
محمد بن سوعان الربيّع

ارحبو يا نشامى شمر الله يحييك
يسعدني تفاعلكم ومشاركتكم الله يحفظكم ويسعدكم

حياكم الله والحمد لله على سلامتكم اخي الشاعر المهذب مشعل عسام
أأأأأأأأأأأأأأأأأأأأأأأأأأأأأأأأأي جميل جدا صحو لسانكم يااخ محمد ال سوعان المحترم

ماتشوف شر يالعميد الشعراء
والحمد لله على السلامة
الشاعر محمد سوعان الربيع
صح السانك الف
تحياتي لحضرة جابك

لاباس عليك اخوي مشعل عسام
وصح السانك اخوي محمد السوعان

الشاعر محمد بن سوعان الربيع
صح لسانك وعلاء شانك يالنشمي

‘‘‘‘إإإإحترامي‘‘‘‘

طهور ان شاء الله يالعميد
وبيض الله وجهك اخي الشاعر القدير محمد بن سوعان الربيع
صح السانك بحجم الكون
ودي لك يسبق ردي

مايشوف شر ابو عسام
صح السانك الف اخوي ابن سوعان

السرتاج الدين احمد

ارحب الله يحييك اخوي الكريم صح ذوقك الراقي
لاعدمت اشراقة وجودك ومتابعتك الطيبه
تقبل خالص مودتي وفائق تقديري .

القعقاع

هلابك والله ومسهلا مليون
صحت ابدانك اخوي الكريم تسعدني
متابعتك لاعدمت وجودك
كل الشكر والموده والتقدير .