29-11-2008
|
#1 | |
 
|
% الحق يبو غازي شبثكم اندق دققق %
قال تعشيت قال ايه
قال عرشت قال ايه قال العللهابو هالصابر اجل وش جالسن لوه او مهي وارده المهم يالربع والربعات الطيبين والطيبات لياجاكم الشبث جيعان وش تعشونوه وجع اسمع واحد يقول اعشيه رضمه نجي لسالفتنا يالربع سنتن من السنين كنت ماسكن خط يعني مسافر مهو مقاول يوم راعيت للبانزيز ولا مابقى الا شوين قلت اجل اقرب محطه نسفط ونعبي ويوم بغا الله يقردن وانا اوقف عند هكا المحطه يوم راعيت ليمار فيه واحدن سعودي اسمراني ( اي اسمراني الا خاااال ) يتهاوش مع ابو هنود ومجتمعين عليه حوالي سبع هنود وانا انزل من السياره ركض ابي افزع لوه وانا اشوف هكا الشويب بينهم ضعيف تقل صافقوه سل قلت مايبيله يا شبيثان حط حيلك بهالضعيف والعن جدفوه وانا اتلولس بفرتوه وهي تقبس الله يجيركم وهو يهتاش الخال وهو يقوم يجلغفهم ويكمخهم ويرداهم وانا منبطحن على المسيكين واكمخوه ( يعنني فازع ) يوم خلصت وانا اروح لخويي الاسمراني قلت وشرايك بي وانا فازعن لك اثريه للحين مهتاش وهو يغولن وهو يزمن فوق ويصفقبي على الرصيف وهو يمسك حق البانزين ويقوم يصب بانزين علي ويقول والله لوريك والله ما اخلي هندي ما العن شكلوه قلت ياخوي انا سعوووودي ياعله برقبتي اني سعووودي قسم بالله اني سعووودي ( تقل ابسجل بكليه ) الله يجيركم يوم راعيت لوه ليمار يدور ولاعه بمخباوه وانا اقوم ركض للسياره واشغل قبل يشخط وادوووووس بسم الله علي جتن خرعه والله اني اتخيل شكلي تقل دجاجه على الفحم ويااااربي لك الحمد يوم الله فكن وجيتك منهم مدري عنهم وتقلدوا تحيتي |
|
|
|
30-11-2008
|
#2 | |
|
الإدارة
|
الله من القرد اللي مالين شوشتك
 مارجودك على هالشويب :eh_s(56): :sad: 
|
|
لن يضرك ان ترد على زميلين او ثلاثه في كل مره تزور المنتدى
رحم الله من أهدى لي قبسا يضيء لي عتمة المكان من حولي
|
|
30-11-2008
|
#3 | |
|
هههههههههههه .. تكميخه وتكميخت هنود خخخخخ
هذا مثل شايبن يقولون يوم شبابوه .. راعي نذخ .. ودبل سبد هكا البنت بس يعرضله .. الوكاد تجاهلتوه يمار ماهي هي .. نشبه .. وهي نعلم خيله .. عدك شايفن الزير سالم <<^_^ صيغة مبالغه .. يوم علمتوه قال باسر .. ياجاس .. أنا أجي من يم الخلا ..كني ماني من العرب .. وأن نشدس وشو هالرجال .. قولي يمكن دوار .. يوم جاء من باسر .. وعلى ماقال .. وهو يجي النذاخ يم البنت .. ومنا ومنا .. يوم شاف الزول قال وشو هاللي جاء .. قالت مثل ماقال أخوه .. يما تمكن منوه ومسكوه ,, وهو يقوملك يدوحوه يما .. لعن قرندحوه القرندح .. ههه يوم خلصمنوه وهو .. يقوم يجروه على الشجر ... والشوك ... المراد أن هالنذاااخ .. كبر وراحة السنون .. والأعوام ... ويوم خرف .. يا أجتمعوا الرجال وقاموا يحسون ... وسكتوا .. قال آيه آيه .. تقولون وألا ماتقولون ... عدو عينك يضربوه ......... تحسبوه يضربك ويخليك ... لا يقوم يجرك على الشجر والشوك ههههههههههه عاد سالفتك ... ياشبيثاان ... تاليته يالله فكيت روحك ... من الخاااااااال ههههههههه .. الله يونسك بالعافيه .. ونستنا ... لك ودي ... |
|
|
كتاب لم ينتهي ..
|
|
30-11-2008
|
#9 | |
|
طفولة حرف
اول ما قريت اسمتس احسبوه طفولة خروف خخخخخخخخخخ يعني افهم من ردتس انتس تتشمتين ان شاء الله يطرح رجلتس هالخال هههههههههههه لاهنتي على هالمرور وتقلدي تحيتي |
|
|
|
|
01-12-2008
|
#10 | |
 
|
أبو ماجد الحمد لله على السلامه... الا يامل الفرقا عبد ومهتاش!!! جتك سلامه... ودم سالم لمحبيك... وش رايك بهالتواقيع!!!   أحلى تحيه... . |
|
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام
< 
العرض العادي
