17-07-2009 | #1 |
الإدارة
|
تغطية أمسية شاعرنا القدير @ نايف العبيد العتيبي بالأردن
بسم الله الرحمن الرحيم بحضور وزير الثقافة الأردني الدكتور / صبري ربيحات وجمهور غفير من عشاق الشعر وبدعوة من وزارة الثقافة بدولة الأردن ( وبمناسبة مهرجان ملتقى السرحان الخامس ) شارك ساحر الشعر الشاعر نايف العبيد العتيبي في هذه الأمسية حيث أبدع كعادته في الأ مسيات السابقة الرائعة .. ========= وهذه أحد القصائد التي قدمها الشاعر بمناسبة حفل قبيلة السرحان الخامس في دولة الأردن الشقيقة 1430هـ
المبتدأ باللـي خلـق للبحـر شـط=اللي دحى أرضه ورسّابهـا الطـور وصلاةٍ أزكى مـن عطيـط المخلّـط=على الشفيع اللي غدى للبشـر نـور ومن بعدها يامحمـد الجـذل سفّـط=البهبهانـي ودّنـا نقطـع الـبـور إنت الكريم اللي علـى الطايلـه نـط=وإنت السلاح اللي ذعر كل مذعـور وإنت الرفيق اللي على الدرب ماغـط=من فوق جمـسٍ للمهمـات مخبـور على صحاصيح الخـلا ذيـبٍ امعـط=توايره تُودع صفى القـاع مشطـور يرقابنـا روس المشاريـف وهْبـط=ويشوحنا من دون عرعر وابا القـور مكينتـه ماينتـثـر زيتـهـا قــط=ولاتحتمـي لوقامـت سيـوره ادّور له هيبـةٍ لاجـا التفاتيـش وشْـرط=واليـا وقـف كـلٍ تحـلاّه مبهـور لجّـة مواصيـره هديـر المـربّـط=مابيـن ذيـدان المباكيـر مهجـور وقدحت شكامينـه كباريـت تشْخـط=والاّ شهابٍ في دجى الليـل مسجـور الجيـب لوسـوّى سوايـاه خـبّـط=حتى السفاري مـن مزايـاه مقهـور أسطـوري الهيكـل خرافـي مجنّـط=تقول فلـمٍ مخرجـه نجـدة أنـزور أنا اشهـد إنّـه للمهمـات والخـط=مشكور يامن صمم الجمس مشكـور ويالشمري ادعس على البنص وشْحط=وعنّز على الأردن معَ فجّـة النـور نبي على المبـروك نكفـخ ونمْغَـط=حـرّوة مغيـرٍ للسراحيـن مشهـور هل البويضاء لحْتمى الوقت وشْتـط=ترسي كما يرسي على الموج بابـور كم فارسٍ من هول رمحـه تفرشـط=وعوّد على ربعـه كسيـرٍ ومدحـور على العدا أقسى من السيـف وسْلـط=وإلاّ موالينـه بساتـيـن وزهــور تكْرم جناب الضيف بالطيـب وتْحـط=مع الشبب كيـف المباهيـر وبْخـور ستر اللي بعويد الشمطـري تمشّـط=ريف الدخيل اللي زبن حرْوة الـدور يقولـه اللـي زاج طرسـه تمغنـط=كن اليراع ابخنصره بـات مسحـور وخْتامهـا يافـارقٍ بحـره ابـشـط=تخْتم مساعي حفلنا بذنـب مغفـور ____________________________ من المهرجان : ـ المهرجان استمر ثلاث ليال حيث بدأ يوم الخميس 9/7/2009 ـ أمسية شاعرنا كانت في الليلة الثانية من المهرجان وتلقي عاصفة من التصفيق بعد نهاية الأمسية . ـ شارك مع شاعرنا الشاعر السعودي محمد الشمري . ـ حظى المهرجان بتغطية اعلامية وصحفية كصحيفة الدستور الأردنية وعدد من القنوات الفضائية . ـ تخلل الحفل عدة فقرات من الفنون الشعبية كالربابة وفرقة معان والرمثا بقيادة الفنان الاردني رامي الخالد . صور من المهرجان السلام الملكي الأردني وزير الثقافة الأرني يتقدم الحضور جانب من الحضور لقطة لشاعرنا من خلال الحفل الشاعر مع أعضاء اللجنة المنظمة الشاعر يستلم درع تذكاري بهذه المناسبة صورة جماعية مع الوزير الأردني ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ لقطات من المهرجان نتمنى لشاعرنا الغالي التوفيق والسداد وإلا الأمام دائماً يابو @ عبيد |
لن يضرك ان ترد على زميلين او ثلاثه في كل مره تزور المنتدى
رحم الله من أهدى لي قبسا يضيء لي عتمة المكان من حولي |
17-07-2009 | #2 |
|
صوور رااائعه بارك الله فيك مشرفنا العاام
على تنزيلها .. ونااايف العتيبي شااعر له قدره وثقله في قاااعده الشعر لاهنت اخوووي |
|
18-07-2009 | #4 |
|
ابو غازي لاهنت والله
والله يعطيكم العافيه على هالتغطيه يستاهل شاعرنا الراقي كل خير وان شاء الله نشوفه كل يوم ومن تميز الى تميز صح لسانك اخوي نايف قصيده قمه جزله من شاعر جزل وعذب لا حرمنا الله تواصلك تقديري |
|
18-07-2009 | #5 |
|
بــ أ ــو غــآزي ..
يعطيكـ العآفيــة على هالمجهود الرآقــي .. سلِم بنــآنكـ يآبــعدي .. \ / \ شـآعرنـآ القدير نـآيف العتيبي .. إبدآع صآغ الرقي .. بروعــة إحسآسكـ النـآبض .. بالتوفيق يالغـآلي .. \ / \ تحــيّـآتي العطِــرة .. |
|
18-07-2009 | #6 |
|
المشرف العام لاهنت ياطويل العمر وعز الله انك ماقصرت غطيت وكفيت ووفيت شُكراً لك يالكنج والله يعزك ياحيي دُمت بود |
|
18-07-2009 | #8 |
|
أأخي القديررر >> المشرف العام >> لاهنت يالغالي
والله يعطيكم العافيه على هالتغطيه يستاهل شاعرنا المبدع والرائع وان شاء الله نشوفه كل يوم ومن تميز الى تميز اخوي >> نايف قصيده رائعه صح لسانك جزله من شاعر جزل |
|
20-07-2009 | #9 |
|
أم سلطان / ياربي حيها وحي فالها حضورك اسعدني وشرفني والله لايهينك دُمتِ بود |
|
20-07-2009 | #10 |
|
المهاجر / حضور فاخر وباهر يابعدي تشرفت بمصافحتك لك كل الشكر والتقدير والله لايهينك دُمت بود |
|
مواقع النشر (المفضلة) |
الكلمات الدلالية (Tags) |
أمسية, العتيبي, العبيد, القدير, بالأردن, شاعرنا, نايف |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام