اهلاً هلا ترحيبة الارض بأمطار

اهلاً هلا ترحيبة الارض بأمطار = ترحيب قــيــــس آلشمري في ضـيوفـه
بالـجآهـليـه قـبـل اسـلامـنآ جـار = اجـار امر الــقــيــــس عن اللي يـحوفـه
ثـم خـلـده بـأشعـار لأحفاده اشعار = فـي كـتـب تـاريـخ العرب معـروفـه
وفي حفلة السلمان نقول بأحضار = وعـلـى مـعـزبـنا يـسوق الكلـوفـه
جهـزت لـي دلـه بـها بـن وبـهـار = ليا شافها الدايخ تشفشف شـفوفـه
سـقـهـا يـمـينٍ لـلـهـيافا وحضار = اللي حـضـر وجـب عـلينا مـعروفـه
مـجـلى لـشـمر لآبـلـتـهم الاقدار = الـيا وصـلـهـم يـنـتهي عـنه خـوفه
ذاك الزمان اللي مضى كارهم كار = من اولاد علي محضبينٍ صفوفه
من لابتي شمر مثل ضو الانـوآر = اجـبـال تـرسـي ماتـزحـزح حيوفه
مهار تلاعب ذيالها فوقها احرار = عـدوهــم يـرجـع وتـكـثر حـسوفه
عبده مع الصايـح جـناحين طيار = اركـــان دار عـالـيــاتً رفــوفـــه
اللي يفرق جـمـعـنا مابـعـد صــار= والـلي فـعـل فـعـلا بـفـعـله يشوفه
بالخير خيـر وان بغى نارنـا نـار = ومـيـاسمن فـوق العـدو معـطوفه
واليـوم حـنـا بـيـن وردٍ ونـّــوار = فـي حـكم من بـقلبه لشعبه مروفه
من زين قلبه غير قلوب الاشرار = والحـب يـجـري مع دمه بجوفه
كفه على شـعـبـه بالخـير مطّار = واسمه بقلب الشعب يكتب حروفه
ابو متـعب لشـعـبـه والدن بـار = والشـعـب يـطلب لـه ويرفع كفوفه

عمي عويد صح لسانك ياحيي

ابدعت اخوي الشاعر عويد السلماني
كفو بالجميع والف نعم بكم
صح السانك
تقبل مروري

ابيات راااقية
صح بوحك

تقديري

الشاعر القدير عويد السلماني

الف صح لسانك وبيض الله وجهك ولاهنت ياكحيلان

سلمت على اصالة الحرف وجزالة الشعر ايه الجزل

تقبل كل التحايا

اقتباس المشاركة الأصلية كتبت بواسطة نجم عمي عويد صح لسانك ياحيي

صح بدنك يابعد حيي
الله يعطيك العافيه
شكراً على مرورك

اقتباس المشاركة الأصلية كتبت بواسطة دندش ابدعت اخوي الشاعر عويد السلماني كفو بالجميع والف نعم بكم صح السانك تقبل مروري

صح بدنك الله يحفظك
مرورك لنا شرف ونعتز به

اقتباس المشاركة الأصلية كتبت بواسطة رعد الشمال الشاعر عويد السلماني ابيات جزله الله يعطيك العافيه وصح السانك على منطوقك وتقبل شكرى وتقديرى لجنابك

صح بدنك ياولد العم
الف شكر لشخصك الكريم

اقتباس المشاركة الأصلية كتبت بواسطة قمرا سماه ابيات راااقية صح بوحك تقديري

صح بدنك
شكراً على المرور

اقتباس المشاركة الأصلية كتبت بواسطة نهير النمش الشاعر القدير عويد السلماني الف صح لسانك وبيض الله وجهك ولاهنت ياكحيلان سلمت على اصالة الحرف وجزالة الشعر ايه الجزل تقبل كل التحايا

صح بدنك يابو نمش
مرورك شرف للشعر والشاعر والمشاعر
كل الشكر لك