ليه الذهب ثمنوه نحاس

هذه الاابيات للشاعر مقبل الدخيل الزميلي
وهي اسناد للشاعر طلاع الزميلي

طلاع لوشفت بعض النـاس=اللـي كلامـي علـى شانـه
نسمع لجدع الرضيم احساس=مواريـه حـيـل خربـانـه
ودنياك هاذي ضواة ادمـاس=ماينعـرف خافـي ازمانـه
واللي معه مـن رصيديقـاس=وكلن يحاسب علـى اثمانـه
باليوم الي فيه كتـم انفـاس=فيـه المخاليـق عريـانـه
والله خلق باالعبـاد اجنـاس=وكلن علـى منهـج اديانـه
بعض الملى يركبه وسـواس=متخلخلـن فـيـه ميـزانـه
وبعض البشر ياالرفيق انجاس=يطيـع نفـسـه وشيطـانـه
ولياارتكـز بالعلابـي فـاس=مـن يوفـي اللديـن ديانـه
والحلم اللي فسـروه النـاس=محـدن تحـقـق بعنـوانـه
والوضع اللي صاربه لولاس=ناسـن بالوهـام غلطـانـه
ليه الذهـب ثمنـوه نحـاس=يالعنبـو نــاس خـوانـه
وبسئـل الشاعـر النبـراس=عن بكرتن صاحبـه خانـه
صله بحبلـن ردي امـراس=ويلعب بـه المـوج غرقانـه
ياتاج راسي عريب السـاس=عنـدك مفاتـيـح بيبـانـه
هات الخبرجيت لك عسـاس=ولاترجـع النفـس ضميانـه

رد الشاعر طلاع الزميلي

حييـت ياكسـب النومـاس=يبـادع القـاف بالحـانـه
وحييت ماذعـذع النسانـس=وماسبـل الوبـل هتـانـه
يالشاعر الملهـم الحسـاس=اليارمـى صـاب نيشـانـه
من اخون ميثا عريب الساس=الينتخـا صــد عـدوانـه
وانا معـك لاقبـس قبـاس=المـوت نـرفـع بميـدانـه
نطلع اليامن هبـا النسـاس=لين يلعـن العفـن شيطانـه
وقفك ذهب ماخلـط انحـاس=مثـل الجواهـر بميـزانـه
الادمـي بالعمـر عـسـاس=ويقـو سـاسـه لبنيـانـه
واليا غرس غرسة الغـراس=كـلاً حصـد زرع بستانـه
احداً بهـا فايـزاً بالكـاس=دين الولـي شـال تيجانـه
واحداً بها لاعب الوسـواس=من الحسد نـاره بوجدانـه
مريـض ومنفـس بالـراس=مايميز خصمـه وصدقانـه
والحـل نيتـك قــو الاس=لازانـت نيتـك لـك زانـه
وجنب لسانك اعروض الناس=ومن صانه رب الملا صانـه

منور يابو خالد
عاش من شافك يالنشمي
صح لسانك ولسان الشاعر طلاع الف
خالص التحايا لسمو شخصك النبيل

الله الله

صح لسانك ابو خالد ولسان ابو طلال ملايين

شعراء لكم وزنكم وقدركم الكبير ابدعتو واجزلتو

كل التحايا لك ولغالينا ابو طلال

اقتباس المشاركة الأصلية كتبت بواسطة ابن ادم صح لسان الجميع

ابن ادم
صح بدنك لاهنت بيض الله وجهك

اقتباس المشاركة الأصلية كتبت بواسطة رعد الشمال ياهلا وغلا بالخال الشاعر / مقبل الدخيل أقف عاجزاً لتعبير عن هذه القصيده الرائعه فهنيئاً لنا بصاحب هذا القلم الرائع فمرحباً بك وبقلمكـ الذهبي تقبل مروري دمت بود تحيـــــاتى

رعد الشمال
ياهلا وغلا وابقاك الله لاهنت على المرور
الجزل وبيض الله وجهك لك تحياتي وتقديري

اقتباس المشاركة الأصلية كتبت بواسطة المشرف العام منور يابو خالد عاش من شافك يالنشمي صح لسانك ولسان الشاعر طلاع الف خالص التحايا لسمو شخصك النبيل

المشرف العام
النور بوجهك ياالعزوه وعاشة ايامك
ادامك الله لي اشرف في مرورك الجزل

اقتباس المشاركة الأصلية كتبت بواسطة نهير النمش الله الله صح لسانك ابو خالد ولسان ابو طلال ملايين شعراء لكم وزنكم وقدركم الكبير ابدعتو واجزلتو كل التحايا لك ولغالينا ابو طلال

نهير النمش


صح بدنك ياالعزوه واشكرك على مرورك
الجزل ادامك الله لاهنت بيض الله وجهك

هلا والله باخو ميثاء
صح لسانك مددآ

اطيب المنى

اقتباس المشاركة الأصلية كتبت بواسطة مقبل الدخيل الزميلي هذه الاابيات للشاعر مقبل الدخيل الزميلي وهي اسناد للشاعر طلاع الزميلي ليه الذهـب ثمنـوه نحـاس=يالعنبـو نــاس خـوانـه رد الشاعر طلاع الزميلي يالشاعر الملهـم الحسـاس=اليارمـى صـاب نيشـانـه من اخون ميثا عريب الساس=الينتخـا صــد عـدوانـه

والله وسبعــــة انعام في الشاعر / مقبل الزميلي والشاعر / طلاع الزميلي

بحور ومحيطات شعر تختزن الثمين

صحت السنتكم

الجزل مقبل الدخيل

صح لسانك ولسان الجزل طلاع الزميلي

بيض الله وجيهكم