التّوكل

لو تسئل البر عني تاجد أخباري= يشرح لك الموجز اللي يجهله غيره
تعرف خفي الأمور وتفهم أشعاري= يترجم لك الخافق اللي كن تعبيره
تقرا تفاصيل علمي وكل ما صاري= ما ترجم السري اللي تم تشفيره
ملّيت بعض الملا وروتينه الجاري=وبعض المتاجر تضايقنا هواميره
هذا بهاء بايع وهذا بهاء شاري= تجارةٍ يجهلن ربحه وتسعيره
نبي الصحاري وشوف العشب ياطار=وخضار نبت الشجر شكله وتنويره
وشوف أربش مسرول والحوم به جاري= متوحش من البشر به ذيرة أوحيره
شاف الأزاويل وصابه خوف وذعاري= ومن الزعل والحماقه صار به ذيره
يلعب به الهيف والذعذاع والذاري= بصحاصح البر ما والف صقاقيره
نفضّي به الخاطر اللي يمشي إجباري=يسوقنا والله اللي يكتب الخيره
يقفي ويقبل بنا بالسر وجهاري= ونطلب كريم عسى يحسن تدابيره
والله يدبر وبأمره يسري الساري= وأبن أدمٍ ياكثر ذنبه وتقصيره
وغيب الزمن والقدر مأ حدٍ بهاء داري= ويدري به اللي يسوق الريح ويسيره
اللي بهاء مكتسي واللي بهاء عاري= والرّزق ما قلله كثرة مداويره
والله يرضي عباده واحدٍ باري= ربٍ يجير البشر والناس ماتجيره
اللي أخرجك عاري وثم يبعثك عاري= نرضاء بحكمه وتدبيره وتقديره
بأمره تسير السفن بأمواج الأبحاري= تمشي وربان سفنه من جماهيره
كيف أبتلش وأنشحن والله بنا داري= واللي خلقنا يهب الريح ويديره
أن أصدر الأمر يخضع كل جبّاري= تعجز ملوك البشر عن منع تصديره
وصلوا عدد ما يشع الصبح بأنواري= على رسول البشر ومن سار في سيره

اللهم صل وسلم على سيدنا محمد
صح لسانك

ياهلا بذويبان
صح للسانك على هالجزله ادامك الله استمتعنا
متع الله بيامك من عوايدك نبع الجزاله تحياتي

شاعرنا الكبير مقاماً القدير بهلول الزميلي
ابو نواف
صح لسانك مدد بلا عدد
خالص التحايا لسمو شخصك النبيل

الشاعر الكبير بهلول الزميلي

صح لسانك وطاب فالك على القصيده الشامخه

كـ عادتك جزل دوم ايه الشاعر القدير الفاضل

تقبل مني كل التحايا

رااائعة

شكري لسموك

اقتباس المشاركة الأصلية كتبت بواسطة عساف نجد اللهم صل وسلم على سيدنا محمد صح لسانك

أخوي / عساف نجد صح بدنك وشكراً لمرورك دمت بخير,,,

اقتباس المشاركة الأصلية كتبت بواسطة رعد الشمال قصيده جزله وابيات فى قمه الروعه بارك الله فيك اخونا بهلول الزميلى على هذه القصيده وتقبل شكرى وتقديرى

أخوي / رعد الشمال وأنت ياعزيزي لاهنت وبارك الله فيك على مرورك وإشادتك حفظك الله ,,

نبي الصحاري وشوف العشب ياطاري=وخضار نبت الشجر شكله وتنويه
يلعب به الهيف والذعذاع والذاري= بصحاصح البر ما والف صقاقيره
نفضّي به الخاطر اللي يمشي إجباري=يسوقنا والله اللي يكتب الخيره
]صح السانك الله يطيك العافه على هلبداع

اقتباس المشاركة الأصلية كتبت بواسطة بهلول الزميلي كيف أبتلش وأنشحن والله بنا داري= واللي خلقنا يهب الريح ويديره أن أصدر الأمر يخضع كل جبّاري= تعجز ملوك البشر عن منع تصديره وصلوا عدد ما يشع الصبح بأنواري= على رسول البشر ومن سار في سيره

عليه افضل الصلاة والســـــلام

:

لقد لامست شغاف القلوب

صح حرفك وسلــــم قلبك

دمت بسعـــــادة