قصيدتي بمناسبة فوز الشيخ سلطان اللغيصم

هذه القصيدة بمناسبة فوز الشيخ سلطان بن جدعان اللغيصم بالمركز الاول بانتخابات مجلس الامة

	سلام يا روس الرجال المشاكيل=الصاملين اللي وقفتوا لسلطان وانتم صيام ولاحقتكم بهاذيل=لكنكم بنتوا على كل من بان وقت التعب تظهر فعول الرجاجيل=اللي لهم في ماقف العز عنوان تستاهلون من الدلال الفناجيل=جميعكم ما أخصص إفلان وفلان يزهى بكم شعري تفاخر وتبجيل=جدّدتوا الموقف بزوغات الاذهان وين الطنايا وين شرّابة الهيل=يقولها العوني على مر الأزمان يوم انتخيناكم حضرتوا كما السيل=تسابقوا للطيب .. شبٍ وشيبان وخواتنا اللي يلبسن الخلاخيل=شكري لهن من قلب وإحساس ولسان الحمدلله زغرتن بالهلاهيل=والمركز الاول .. لنا سر واعلان شمّر هل النخوه و*** هل الخيل=شمّر هل العليا وشمّر هل الشان شمّر هل الموقف ليا ميّل الشيل=كبار الصحون ومشبعة كل جيعان وساع الطعون ومتعبة كنّس الحيل=زبن الدخيل ومروية مرهف الزان الكاملين الصاملين الحلاحيل=يا تاج راسي ياطويلين الايمان ونطلع من الموجز لبعض التفاصيل=بغيت أبارك فوزكم باسم سلطان واسمي واسم خالد وسلطان تاصيل=وجديع وفهيد اللغيصم وجدعان وعواد إبن مذود تسلسل اليا جذيل=وإسم اللغيصم كلّهم دون نقصان أخوان جوزاء نور كان اظلم الليل=يشهد لهم بالطيب حضرٍ وبدوان هم ذخرنا يا صار بالوضع تبديل=من ديرة الجهرا لحايل لرمان نطّاحة الواجب وجيه المقابيل=ملجا الضعيف اليا شكا ضيم ديان شيخاتهم ماهي كراسي وتطبيل =نفخر بهم يوم انها سرج وعنان وآخر فعايلهم قبل واحد ابريل=باخر ثلاثة واول ايام نيسان شمّر بسبتهم تشب القناديل=غرب تربه حطوا مزاين وبنيان لخيام شمّر والبيوت المظاليل=سباق ومزاين وشعلة ودخان نفخر بهم من دون زودٍ وتهويل=ولا أقول باللي غيرهم فيه حقران واليوم هذا الفوز من دون تعليل=المبتدا عقبه خبر كان ما كان الفوز هذا والرشا والمحاحيل=منكم لكم والرقم شاهد وبرهان الشوط الاول طاف من دون تسجيل=مواقف الغيّاب من دون نسيان تحيزموا للموجبات المقابيل=بآخر شهر تسعه نبا الكل فرحان عبدالكريم إيقول لا ينقص الكيل=ينخى الجميع وينتخيكم من الآن نبي الحضور يكمّل الكشف تكميل=عند الجباري كلنا موقف أخوان ترى الرشا يبغى تكاتف وتوصيل=العز بالجمعا وتنفيذ الاردان وترى الغياب نشوفهم بالدرابيل=ونعلن مواقفهم على كل ديوان قلته وأنا من كاسبين التنافيل=عبده هلي والجد شمّر وقحطان لنا على بعض المواقف مداخيل=ماهي هنا وأقسم لكم عشرة أيمان وليا تناسانا قليل المحاصيل=نبين في وقت اللوازم والاكوان نشره ولا نزعل ولا نسمع القيل=وننسى الخطا ياجا من الضد عدوان واللي تحرّا فزعة الجدي لسهيل=ما له قضيّه تاصل حقوق الانسان وبالختم شكري للرجال المشاكيل=وسلطان عاهدكم على بروإحسان ومواقفٍ تشف القلوب المغاليل =لاجل الكويت ولاجلكم يعلن اعلان انه على المبدا ولا يمكن ايميل =عيبٍ على اللي يتقي عقب ما بان كد قالها قبله بعيد المصاويل=إبن رشيد اللي حكم قصر برزان

عقيل سعود المنيس ال***ي
السبت 27/7/2013 م

السلام عليكم حضرت بعد طول غياب اتمنى منكم المعذرة

ولكم التوفيق وتحيتي لكل شخص بهذا المنتدى الطيب

هلابك يابو سعود
عودا حميد لبيتك الثاني شبكة نشامى شمر
واخوانك واخواتك وزملائك الشعراء وزميلاتك الشاعرات
الف نعم بالمادح والممدوح
خالص التحايا لسمو شخصك النبيل

الله يحيك ويبقيك ويطول عمـرك وانا كلي شووق للجميع

وفقكم الله للخير دائما.

ملاحظة :

اتمنى من لديه صلاحية تعديل عنوان المشاركة

لاني كتبت كلمة اللغيصم خطاء

صح لسانك يا خويلي

واعتلى شانك يا بعدي

دومك متالق بقلمك الراقي

احترامي

اقتباس المشاركة الأصلية كتبت بواسطة بنت مشاعل صح لسانك يا خويلي واعتلى شانك يا بعدي دومك متالق بقلمك الراقي احترامي

هلا وغلا ببنت اخيي وصح بدنك وسعدت بوجودك هنا

والرقي هو ما يصل لرضاك ويتشرف بوجودك

تقبلي تقديي وشكري وفرحتي بوجودك

خاااااااااااااااااالك

يامرحبا يابو جمال 000 ترحيبة البدو بالمطر 000 والنعم والنعم 000 بك وبالشيخ ابن لغيصم 000 ياخلف جدي

اخوي الشاعر عقيل سعود المنيس الشمري
شكرالك من اعماق القلوب على هذه الرائعه
عزالله ماقصرت بيض الله وجهك وكثر الله امثالك
وسلطان بن جدعان وعمامه واخوانه يستاهلون
منا الفزعه ولا ننسا مواقفهم الجميله لقبيلة شمر
وان شالله شمر مايقصرون ودايم شمر تجدهم في
كل طيّبه متواجدين ومتكاتفين بدون قصور بالاخرين
يقصر التعبير احيان عن مثل هذه الرائعه لاعدمنا وجودك

حياك يابو جمال ومن طول الغيبات جاب الغنائم
بيض الله وجهك وصح لسانك على القصيده الوافيه
وربعنا يستاهلون ذلك لك أجمل التحايا ابو جمال

شامخــــه من شامخ

صح لسانك وعلا شانك