الطيب يابو جبل اشلت تاجه

قلت هذه الابيات عندما زرت صديقي واخي
العزيز : نازل عبيد السعدي الزميلي الشمري
وسالني اذا لك حاجه ورديت عليه بهالابيات

الطـيـب يابـو جبل اشلت تاجه = يشهد معـي نـاسٍ بعيدين واصحاب
لـك مجـلـسٍ بـه النشـامـه تـواجه= مفتـوح لهشـال الخلى مابها باب
نـاتـي للـي مـثـلك بـدون حاجه = نفخر بـكم لاصار بالمجلس اجناب
ورد على الصافي وجنب هماجه = والـعـين تحميها جفونه والاهداب
جموع الهيالا ليا استشرت وهاجه= اولاد ازمل ياغـدى الجو ضبضاب
عدوهم يـشـرب عـن الـمـي زاجـه= يتلـون ابن ثنـيان لا كـشر الناب
يازادة الموجه على السطح وماجه = تجيك ارواحٍ على الموت جلاب
زوبع طنـايـا لا حـصل به لـجـاجه = ترسي جبال طويق ويبلم الداب
وان قلت سنعوسي يزود انفراجه= ياطاح عن شقر الجدايل الاسلاب
واهل الحـيسه كـان طـول عـلاجه = علاجهم سيوف المنايا بالارقاب
والشمري لو ضاق يضحك حجاجه = شمر من طيء تسلسل بالانساب
يـبطل قـصص نـاسٍ تـدور خـراجه= تاريخنا من قبل الاسلام بكتاب
شمر ينابـيع الصـخى وابـتهــاجه = من قـيــس ابن شمر والطيب جلباب
جلباب منها الاطياب الارواح فاجه= والارض يانبتت تفوح بالاطياب
فوق الثـريـاء سـاكنـين ابـراجه = واجسامهم حدر الثراء داخل التراب
ياعالـمٍ روح الجسـد ويــن لاجه =ادخـلـهم الـجنه بـلا حـساب وعقاب
الطيـب فعـلاً والسـوالف سـماجـه= ومفـرقٍ طـيبه عـلى كـل الاشناب
ومن يسكـن العـالي يجنـب هبـاجـه= والذيب معه نابٍ والحر مخلاب
وصلـو عـدد مـاطـار طيـور وراجه= علـى نبيٍ مرسله رب الارباب

اللهم صل على محمد وعلى آله وصحبه أجمعين

والنعم بك وببو جبل من حصل شي ن يستاهله
شاعرنا القدير عويد السلماني
صح لسانك مدد بلا عدد
خالص التحايا لسمو شخصك النبيل

الف نعم بالمادح والممدوح

الشاعر عويد السلماني مايمدح اهل الطيب الا هله

وانت والممدوح من اهل الطيب وكفو لكل علمٍ غانم

تقبل كل التحايا

اقتباس المشاركة الأصلية كتبت بواسطة المشرف العام اللهم صل على محمد وعلى آله وصحبه أجمعين والنعم بك وببو جبل من حصل شي ن يستاهله شاعرنا القدير عويد السلماني صح لسانك مدد بلا عدد خالص التحايا لسمو شخصك النبيل

صح لسانك مشرفنا الغالي
شكراً على كلماتك الساميه
التي تدفع الجميع على تقديم ماهو افضل
اكرر شكري تحياتي لك

اقتباس المشاركة الأصلية كتبت بواسطة رعد الشمال شاعرنا القدير عويد السلمانى صح السانك على القصيده الجميله بارك الله فيك وفى قصيدك النادر وتقبل شكرى وتقديرى

الله يحييك اخوي الغالي
ويرفع شانك
صح بدنك
مرورك شرف لنا انرت صفحتي

اقتباس المشاركة الأصلية كتبت بواسطة نهير النمش الف نعم بالمادح والممدوح الشاعر عويد السلماني مايمدح اهل الطيب الا هله وانت والممدوح من اهل الطيب وكفو لكل علمٍ غانم تقبل كل التحايا

هلا والف هلا بمرورك المشرف
ماعليك زود يابعد حيي
وانت من اصحاب الطيب
الله يحفضك من كل مكروه
شكراً لك

صح لسانك مليوون

ابيات جزله من شاعر جزل

احترامي

اقتباس المشاركة الأصلية كتبت بواسطة بنت مشاعل صح لسانك مليوون ابيات جزله من شاعر جزل احترامي

صح بدنك الله يحفضك وشكرا الى شخصك الكريم

صح بوحك

شكري وتقديري

وألف نعم بالمادح والممدوح
صح لسانك عويد السلماني وبيض الله وجهك يابعدي.
تقبل فائق أطيب التحايا والتقدير،،،