مساجله / بقلمي

اهدي هذي القصيدة إلى الشاعر الكبير نايف عبدالله السليمي

سلام ياراع الوفاء نسل الاحرار=من شاعرٍ يهدي عليك إحترامه
يا ابو فهد يامكرم الضيف والجار=اللي أخذت الطيب شده واقامه
الطيب لك منهج وتاريخ وأشعار=ياقمة الاخلاق ساس الشهامه
تفخر براسك ربعك طوال الاشبار=حتى عقالك يفتخر والعمامه
ومن حيث مادارك هوا المجد تندار=والمدح في شرواك يفرق علامه
وافي وفيك الشعر ماهو بيحتار=ومن عادة الوافي رفيع مقامه
ومن عزوتن للجار حشمه ومقدار=والضيف يبشر بالوفاء والكرامة
اعيال عبدالله والنعم سر واجهار=هم ذروة المجد المجيد وسنامه
والياسمك عج الرمك والفشق ثار=ياسعد منهم بالملاقى احزامه

عبدالكريم عايد الرويلي

رداً على ابيات الشاعر/ عبدالكريم الرويلي

البارحه في جلستي عقب الافطار=بداية شهر الخير واول صيامه
جتني ابياتٍ كنها شع الانوار=مثل القمر لاطل فند ظلامه
من شاعرٍ له بالتماثيل مشوار=يبدع جزيل القاف ويحكم ازمامه
عبد الكريم بن عايد عالي الكار=حيث الوفاء والطيب جل اهتمامه
من روس قومٍ شرفت كل الاقطار=ربعك يالرويلي يحتمون الجهامه
يامرحبا حييت في كل الامرار=ياعل فالك يالرويلي سلامه
غمرتني بالطيب يانسل الاخيار=والطيب قالوا تعرفه من كلامه
شرواك ياللي تفهم الهرج لادار=والا عديم الفهم كله غشامه
يفداك يارجل الوفاء كل ثرثار=جعل الردي يفداك راع الرخامه
ولك التحيه عد ماهلت امطار=هذا رد الابيات ومع السلامه

نايف عبدالله السليمي

صح الله لسانك يابوفهد
وصح الله لسان عبدالكريم الرويلي

ابداع في ابداع دمتم للجزاله عنوان

صح بوح منطوقكم ولسانتكم

شاعرنا القدير نايف عبدالله السليمي
ابو فهد
صح السانك ولسان الشاعرعبدالكريم عايد الرويلي
مدد بلا عدد
.. .. . .
خالص التحايا لسمو شخصك النبيل
??¯?ـ?ابو غازي?ـ?¯??

نايف عبدالله السليمي
صح السانك

عمي بو فهد صح السنكم ياحيي

اقتباس المشاركة الأصلية كتبت بواسطة محمد مرغل البلعاسي صح الله لسانك يابوفهد وصح الله لسان عبدالكريم الرويلي ابداع في ابداع دمتم للجزاله عنوان

تسلم وصح بدنك ولاهنت /

تحياتي لمقام سموكم الكريم :

اقتباس المشاركة الأصلية كتبت بواسطة سراب الكحيلة صح بوح منطوقكم ولسانتكم

صح بدنك ولاهنتي /

تحياتي لمقام سموك الكريم :

اقتباس المشاركة الأصلية كتبت بواسطة المشرف العام شاعرنا القدير نايف عبدالله السليمي ابو فهد صح السانك ولسان الشاعرعبدالكريم عايد الرويلي مدد بلا عدد .. .. . . خالص التحايا لسمو شخصك النبيل ??¯?ـ?ابو غازي?ـ?¯??

المشرف العام صح بدنك ولاهنت /

تحياتي لمقام سموكم الكريم :

اقتباس المشاركة الأصلية كتبت بواسطة مفتاح ابو جلمبو نايف عبدالله السليمي صح السانك

صح بدنك الف ولاهنت /

تخياتي لمقام سموكم الكريم :