(ابيات يتيمه) لشعرائنا الاعزاء

خطرت لي الفكره بدون سابق انذار لأني دخلت القسم ادور عن زي هالموضوع

فحبيت اشاركم وتشاركوني الطرح

هنا ابيات لم تكتمل خواطر خفايف على قولتهم

المشاركه للجميع حيااااكم الله

اول مشاركه

بسم الله الرحمن الرحيم

ما همني لو تبي تجرحني اجرحني----مثلي تعود على التجريح من صغرّه
ما عاد شين حبيبي منك يفرحني----والهم منك حبيبي شوووف وش كبرّه

يامتعب الهــم صافحته وصافحني = حلم الامل ياعزيزي حافرن قبره
عقب سنين العنا يادوب صارحني = يقول مثلك على الايام ياصبره

يا مرحبابك هلا يا الصاحب الغالي
ياللي لك القدر يبقا بناضر عيوني

الغالي الشاعر متعب العبدالله
كل الشكر يالغالي

ياكثر مالمّح واخاف التصاريح=اخاف من قولة تراك متسرّع
ياشينها قومة رجل عقبه يطيح=عقب العقال يصير يمشي مفرّّع
وانا اليامن طحت خلق الله تصيح=ويصير نقال الحكي بالتبرّع
لكن ابصبر ماابي زود تفضيح=وعسى عديل الروح يلفي مشرّع

يا هلا ويا غلا

اللهم امين عساه يلفي وتقر عينك



خلك الى منه لفلك بيرتاح
لانه ولا ظنيت يلقاء مثيلك

الله يسعد مساء سيد المزاييني=اللي عليه المحاني جالهن حنه
احب اداريه وهــو دايــم يداريني=ضنه على هقوتي وانا على ضنه
لامن تكلم يداعبني ويغويني=اضيع بحكاه وبأسلوبه على فنه

.........................بقلمي

يا هلا بالجميع

وصح لساانك اخوي نهير

مشاركتي

ارشف من الفنجال رشفه بلا كيف
واقول وين اللي له الكيف صافي

أسعد الله هالصباح أستاذي متعب
.
.

ضايق ومخنوق والحمى لعبت فيني
يالله دخيلك على عبدك تهونها

يا صباح النور

معافى بحول الله

الله يشافيك يا صاحب ويشفيني
وايام عمرك محد بالكون يضمنها