كلام بعض العرب // ومجــاراة بن عبـــار

كـــــلام بعـض العـــــرب .......... ومجــــاراة بــــن عبــــار ...

كــلام بعض العــرب مــؤلــم ويــزعـجنـي = وانــا على شان بـعـض النـاس طـنشـته
هــرجه يســـمّ الضمـاير ثــم يـخــرجـنـي = عـن طـور صبري وانـا طنشـت دردشـته
بعض الحكـي يـزعـل ويجـرح ويحـرجـني = وجــرح الكـرامـه ابــد ما يـوم عـايشـته
هـذا الـذي عـن بعـض الازوال هـججــنـي = ولـو كان مـنهم غـزيـر الرزق ماحشـته
خـــوة ردي النســـب مـا يـوم تبهـجـنــي = وابـغـض حضـور الردي واكره مناقشـته
مــا ابيـه لو هــو على الغـارب يحـججني = ولـو كـان عمري مـن الانـذال طـرشــتـه
مـــاابيــه انـا حــزة اســقامـي يعـالجنــي = ولا اذكـر انــي بـضيـق الـوقــت بـلشـتـه
النفس عيّـت معــه تمشـــي وتـدمـجنـي = هــذا الــوكــاد اللـــي بالاشــعار كـيّشــتـه
ورزقــي علــى الله ولا شــكّ يخـالـجنـي = وايمــان نفســي علـى مـا صـار جيشــتـه
يــاعــل ربــي مـــع الابـرار يــدرجــني = هـــذا الامـــل دايــــم ولا يـــوم همشــتــه

بقلمي محمد بن سوعان الربيّع.

وهذه الابيات مجـــاراة من الاخ والشـــاعر والاديــب : عبــدالله بــن عبــــار .

أسبـاب مـا هيّض شعـوري وهيجني = المـقصـد الـلي يا محـمـد تـنـاوشـتـه
الـلّاش مـا ودي لـك الـلـه يهـرجني = والبس لا تـأمنـه كـان أنـت هارشـتـه
ومن كـان قصده يا محمد يبرهجني=كـم واحـد حـاول خـداعـي وخـيشـتـه
والخايـب الـلي بالسوالف تـولـجـني = مـا يـوم شتـمتـه بـعـرضه ولا نشتـه
واللي مـرامه بحكي الـزور يسمجني = الـعـيـب يـوجـد بجـيـبـه كـان فتشته
والحـمـد لـلـه خبيث الطبع يسهجني=والفـار ما يطهـر ولـو كـان روشـتـه
من باع حظّه قليل الفود وش يجـني = دنيـاك هـذي كـما المقناص والكشـته
مـن يتبـع العـدل ما قـادوه للسجـني=والطـيّب يسامـح ولـو كـان هـاوشــته
من خـلقـت الدنيا بهـا جاني ومجني = والخبل يطعـن صاحبه كان حـرشـته
مبطي تلاشى زمان الخيل والهجني = اليوم عصرالذي يسحب طـرف بشـته

عبدالله بن عبار .....

الله الله ابن سوعان وابن عبار

شعار كبار وضلعان وموضوع يستحق السجال وهذه عوايد الشعار

وخصوصاً ان كان هناك موضوع يستحق ان يلفت النظر إليه

صحت السنتكم ولاهنتو تقديري لك وللشاعر عبدالله ابن عبار

شاعرنا القدير محمد سوعان الربيع
ابو فهد
صح السانك والسان الشاعر الكبيرعبدالله ابن عبار مدد بلا عدد
.. .. . .
خالص التحايا لسمو شخصك النبيل
??¯?ـ?ابو غازي?ـ?¯??

عمي محمد ابن سوعان
شعراء كبار صح السنتكم الف
ودي لك يسبق ردي

الله الله ياسلام درر ورب الكعبة

مجاراة رااائعة بل اكثر من رااائع لله دركما

صح لسسسسانك يابن سوعان وبيض الله وجهك

وصح لسان الشاعر الكبير بل إستاذ الشعر / عبدالله ابن عبار العنزي

عزالله قصايد فاخره

محمد

دمت وداام ابداااعك الرااقي وحضورك المميز
تقبل مروري وتقييمي

سليمان بن جبيل

هلا والله ومسهلا
نورت بمرورك الرائع والطيب
شكراً على جسن المتابعه وطيب الاطراء
وما عليك زود يالطيّب
لاهنت تحياتي لك طال عمرك ....

المشرف العــــام

الاستاذ ابو غازي
هلا والله ومسهلا
نورت بمرورك الرائع والطيب والجميل
شكراً على حسن المتابعه وطيب الاطراء
وما عليك زود يالطيّب
لاهنت تحياتي لك طال عمرك ....

تمبـــــاك

هلا والله ومسهلا
نورت بمرورك الرائع الجميل
شكراً على حسن المتابعه وطيب الاطراء
وما عليك زود يالطيّب
لاهنت تحياتي لك طال عمرك ....

محمــــــد الذرفــــــي

هلا والله ومسهلا
نورت بمرورك الرائع
شكراً على حسن المتابعه وطيب الاطراء
وما عليك زود يالطيّب
لاهنت تحياتي لك طال عمرك ....

صح بوحكم والسنتكم يالشعراء