11-08-2017 | #1 |
ابــــو فهد
|
ان حدتك سود الليالي على اقصاك
ياللــه. في عـزة جـلالك وبأسـماك=نـدعوك في اعظم صفاتك واساميك يامن لياضاقة على العبد ينصاك=ياواحـدٍ حـل الصعيبـات بيـديـك عبدك سجدلك. تالي الليل ناجـاك=يطلب وشيٍ يطلبـه ماهـو خافيك وياللـه. لاتخـيّب رجاء من ترجـاك=وانت الذي ماخـاب عبدٍ يراجيـك ويالله ياللي مالنا غـير رجـواك=تقبل دعاء مـن وكّـل الامـر اليـك يـاللـه بقلبٍ خاشـعٍ يطلب رضاك=همـه بهـالـدنيـا يطيـعك ويرضيـك ويالله بياض الوجـه في يوم لقياك=يوم اجتماع اهـل الـرتب والصعاليك ويالله تجـود بجـود جودك وبغناك=حتى نجـود بجودنا منك واليـك واعوذبـك. من حـال دورات الافـلا=ومـن حال مابيـن الضَنَـك والضنابيك يالعبد لا تـامـن مـن الغدر دنياك=لـو اضحكتك. ايّـام لازم تبكيك لاتامن الدنيا ولـو غيّـه اغــواك=تسقيك عـذب وبعــده المـر تسقيك ان اقبلت حطت زمامه بيمناك=وان ادبرت قامت تشقق مخابيك مـرٍ. تخلط المسك والورد مع ماك=ومـرٍتقولً . يجـي الغزيّـل ويسقيك لاتامنه . الا ان . تامن من اعداك=خـيره كثير وبـه شـرور وشـرابيك ويـالعبد خذ مني كلامي لياجـاك=عسى الولي على اطيب القول يهديك خـل الـحـذر منهـج حيـاتـك ومبداك=لاتـامـن الــدنيــا تبيعك وتشـريك وان حدتك سود الليالي على اقصاك=ارفع الى ابواب السماء كفوف اياديك واعلم ترى بـه واحدٍ مايتناساك=اللي خلقك من العـدم يعتني فيـك وايّاك لاتبدي على الناس شكواك=الا . صديقٍ . صافياً لك ويغليك قلبه . على . قلبك . ومبداه . مبداك=بالكود سيفٍ لك . وفي عازتك شيك يـفـرح ليـاجيتـه وتـفـرح ليـاجـاك=امَّ . اخــو والا عـن الاخـو يغنيـك هـذاك. هو عـونك ليـا عمست ارياك=انشـهد انـه بعـد ربي يداويـك وختــا مهــا يالمسـتمـع انــا وايـاك=نصلي على اللي مابمنهجـه تشكيك سطم فهد الخليل |
|
11-08-2017 | #7 |
|
رد: ان حدتك سود الليالي على اقصاك
أأأأأأأأأأأأأأأأأأأأأأأأأأأأأأأأأأأأأأأأأأأأأأي كلام جدا مهم صحو لسانكم وابعد الله عنكم مثل هاززه اليالي ياحاج
|
|
11-08-2017 | #9 |
الإدارة
|
رد: ان حدتك سود الليالي على اقصاك
شاعرنا الكبير مقاماً القدير سطم فهد الخليل خالي ابو فهد صح السانك مدد بلا عدد .. .. . . خالص التحايا لسمو شخصك النبيل ??¯?ـ?ابو غازي?ـ?¯?? |
لن يضرك ان ترد على زميلين او ثلاثه في كل مره تزور المنتدى
رحم الله من أهدى لي قبسا يضيء لي عتمة المكان من حولي |
11-08-2017 | #10 |
عــــميد الشــــعراء
|
رد: ان حدتك سود الليالي على اقصاك
ماشا الله تبارك الرحمن
اخوي ابوفهد سطم فهد الخليل لافظ فوك ايها الشاعر الشهم التقي واسال الله العلي العظيم انه لايحرمك اجرهذه الدعوات وانه يمد بعمرك ويغنيك من واسع فضله تحياتي لك ولاشعرك العذب |
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام