ادرجتها / بقلمي

ادرجتها / بقلمي

ادرجتها بالنظر وابطيت مدرجها=من غربها وشرقها وشمال واجنوبي
ولقيت انا الوضع طيب في مدارجها=ارتاح بالي عليها وسرت بادروبي
وماضيقةٍ غير رب الكون فارجها=سبحان من يفرج الضيقات واكروبي
صحيح حالي شديد الوقت محرجها=ماجت على كيفي ولاشفت مطلوبي
كم مرةٍ قلت تفتح لي برامجها=بالصوت والصوره واقرا كل مكتوبي
واحب راس المذيع وراس مخرجها=على نظامي ونهج الذوق واسلوبي
لكن والله لوضاقت بنا افججها=غير الوطن ماهو عند النفس مرغوبي
الخير في ديرتي ماهو بخارجها=اكلت من خيرها وشربت مشروبي
العز بالمملكه والدين منهجها=من شك في ديننا لاشك مغضوبي
في ديرتي بقعةٍ سرت معارجها=باغلا بشر عند رب الكون محبوبي
من فوقنا خمسنا بانت نتايجها=بامر الولي غافر الزلات واذنوبي
صحيح بعض البشر لازم انعالجها=من شاف غير الوطن ماهو بمحسوبي

نايف عبدالله السليمي

https://youtu.be/OM4qQmPdnkQ

الشاعر نايف عبدالله السليم
صح السانك
تقديري لك

صح بوح منطوقك ولسانك

أأأأأأأأأأأأأأأأأأأأأأأأأأأأأأأأأأأأأأأأأي صحو لسانكم بارك الله فيكم

عمي نايف صح لسانك ياحيي

صح السانك اخوي الشاعر نايف

زملاءنا الكرام كل واحد منكم نقول له باسمه صحت ابدانكم ولاهنتم /

تحياتي لكم :

صح لسانك وبوحك العذب
اخوي نايف السليمي
وعسى الله يفرجها عليك وعلينا وعلى كل متضايق
ومن يتق الله يجعل له مخرجا ويرزقه من حيث لايحتسب
لاهنت يالسليمي طال عمرك ,,,,

صح لسانك على الابيات الاجمل والاكمل تحياتي لكـ

اقتباس المشاركة الأصلية كتبت بواسطة محمد سوعان الربيع صح لسانك وبوحك العذب اخوي نايف السليمي وعسى الله يفرجها عليك وعلينا وعلى كل متضايق ومن يتق الله يجعل له مخرجا ويرزقه من حيث لايحتسب لاهنت يالسليمي طال عمرك ,,,,

تسلم وصح بدنك ولاهنت /

تحياتي لك :