مجارات لقصيدة ابن فطيس

هذي مجاراتي لقصيدة بن فطيس المعروفه

يابن افطيس اشوف انا البرق لا لاح = وصوت الرعد يابن الاجاويد مسموع
سمعــة قــاف يجــرح القلــب برماح = وهلت مــن العبـرات لمعــات ودموع
بارســل مجاراتـي مع الطيـر وضاح = طير السعـد لا صرت ضايق ومفجوع
عسـاه ياصــل قبــل نــزاع الارواح = يـــم الذي يستاهــل الخيـــــر والطوع
فيك الوفـــاء والطيب من عنبره فاح = ذكرتنـي باللـــي لهــا الاســم مطبوع
اللـي خذاها مــن وراى هــم وصياح = اصبحت من عقبه عن الناس مقطوع
مــاعــاد افكــــر بالخسايـر والارباح = واحيــان انـام وخاطري فيه موضوع
واحلام ليلــي تـــدرك القلــب بصياح = وين الوليف اللي لــه العمــر مدفوع
امــا انت يـامحمد بــه سلاح وارماح = يـجــيــبه الله مــن الشفاعات مشفوع
امــا انــا مــن قبـــل مـاروح وارتاح = اجــــبـر عزاي مــن القناعات مقنوع
تحت الثرى مدفون في عمق الاملاح = ابعــد علــى الانسان مـن حبـة الكوع
يا ويـن ابلقـاء مـن لـه البــال ينساح = لــو انــي اضمــاء لجلها دوم واجوع
يــا محمد المـري نظــام الوفـاء راح = والعشــق موضاتـــه تقاليـــد وزروع

الشاعر: منصور البخيتان

الشاعر / منصور البخيتان
صح لسانك مليارات يابعدي مجاراة جميلة جداً جداً جداً
مبدع وبقوووووووة حفظك ربي ورعاك.
تقبل فائق أطيب التحايا والتقدير،،،

صح لسانك

مجارات رائعه
من شاعر اروع
صح لسانك
وسلم بنانك
دمت كما تحب

الاخ منصورالبخيتان
صح للسانك اخوي على هذه الجزله لاهنت
بيض الله وجهك على الاابداع والاامتاع
تحياتي لك

رااائع ,, والى الاماااام

ودي

منصورألبخيتان -

رآئع -أخي - منصور - مجآرآة جميله -

صح لسانك وبيض الله وجهك ,,

الشاعر منصور البخيتان
مبدع بكل معاني الكلمه صح السانك
تحياتي لحضرة جنابك

الف شكر للمرور والمتابعه


وصح بدنكم جميعاً تحياتي لكم