رساله على الخاص ,,,, اهداء الى ابو طارق الشميلي

السلام عليكم ورحمة الله وبركاته
اهداء الى الاخ العزيز ابو طارق الشميلي الشمري
ردا على رسالته عبر الخاص التي يسئل بها عني
ابشرك يا ابو طارق بخير وعافيه من الله
وعساك من السالمين والغانمين ان شالله
واتمنى تقبل هالابيات البسيطه المتواضعه امام شخصيه مثلك وشرواك

بالمنتدى جتني رساله على الخاص=تسئل عن احوالي عساها سلامات
من واحداً بالقلب له منزلاً خاص=يسكن علو القلب سامِ المقامات
ذيب العيال وعادته دوم الاخلاص=وافِ العهد ما غيرته المسافات
حي الشميلي يوم ما دزها خاص=يا الشمري ترقا بروس المنيفات
وصلت وانا للبر شفي وله ناص=ناوي على دروب الوعر والعسيرات
طراد صيد وعادتي دوم قناص=واشرف على روس الهضاب العريضات
والعزبه اللي ما بها تمر الاخلاص=ودلال للبن اليماني مريفات
تحرم عليا نقلها ولاص من لاص=خله على سجن العمل والمعاشات

اخيكم طلال الاحيوات

صح لسانك ويستاهل ابو طارق صاحب الأخلاق الراقيه

ابو عواد ..

صح لسانك واعتلى شانك ..

ابيات جزله بانسان يستاهل الكثير ..

ابدعت ابو عواد وهذا عهدي بك ربي يحفظك

لاهنت يالذيب على هالشامخه ..

تقبل مروري ..

دمت بود ..

صح لسانك مليارات يابعدي وبيض الله وجهك ووفقك لكل خير
والأخ العزيز أبو طارق يستاهل كل خير حفظ الله الجميع ووفقكم لكل خير يارب.
تقبل فائق أطيب تحياتي،،،

صدقت يا الغالي

عزالله انه رجل شرواك
وافين كلكم سلمت قلوبكم

صح لسانك يستاهل الممدوح

وافيه من وافي

الزميل القدير ابو طارق
اسطوره بالأخلاق والطيب وشهادتي في سمو شخصه مجروحه يابو عواد
يستاهل المدح صح السانك الف

الغالي طلال
وافي يابعد حيي
وابو طارق يستاهل
صح لسانك
وسلم بنانك

كفو بالمادح والممدوح كلكم نشامى وخويا قروم

صح لسانك يابو عواد وعز الله انك وافي وابو طارق وافي

تسلمون والله لايقطع اللي مثلكم وشرواكم ياطيور شلوى

تحياتي وتقديري لك

هلا وغلا بالاخوه الغالين جميع
من غير قاصر في احد
كلكم وافين ولا عليكم زود
تحيتي لكم جميع يا بعد حيي كلكم