28-02-2014
|
#1 | |
 
|
سامريات سامريات
بسم الله الرحمن الرحيم
السلام عليكم ورحمة الله وبركاته هذا الموضوع للسامريات واللي عنده سامريه يضيفه للموضوع ارجو ان تنال اعجابكم يالله ألا ياوالي ماجد الحمود آل رشيد : يالله الا يا والي الأمر ............ يا مسندي و انت اللطيف انـك تعاوني على الصبر ................وزريع قلبي لا يهيـف ونيت ونة زلزلت مصر .............وقصور مكة و الشريف عـيت ذلولي تقطع الجسر ...............وصويحبي يم القطيف سواني يسنن عـلى الجسر ...............سواقهن عقله خفيف متى نشد ركايبنا العصر ........ عن ها المكان اللي يخيف لي صاحب خواتمه عشر .......... يرجس كما مهرة شريف ابو وسيط ينهصر هصر ................وقذيلته ذيل العسيف ابو جديل ينشره نشر .............ثوبه على متنه خفيف ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــ نورة الهوشان يا عين هلي صـــافي الدمع هلــــــيه واليا انتهى صــــافيه هاتي ســــريبه يا عين شـــــوفي زرع خلك وراعـــيه شوفي مـعاويده وشــــوفي قلـــــيبه لا مــرني بالـدرب ماقـــدر احـاكــيه مصــــــيبة يا كـبرها من مصيـــبه اللي يبـــينا عـــيت النـفـــس تبغيه و اللي نبي عـــيا البخــــت لا يجــيبه ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــ إختلف الرواه في نسبتها لـ عبد الهادي الروقي أو فهد العجمي عديت في مرقب ٍ و الليل ممسيني ..................... بديار غرب ٍ لعل السيل ما جاها اضحك مع اللي ضحك و الهم طاويني .......................طية شنون العرب لا سربو ماها و راك ما تزعجين الدمع ياعيني .......................على هنوف ٍ جديد اللبس يزهاها هبت هبوب الشمال و بردها شين ِ ...........................ما تدفي النار لو حنا شعلناها ما يدفي الاحضن مريوشة العيـن ِ ..........................و اليا ظمينا شربنا من ثناياها ياشبيه و ضحى فتاة ٍ دلها زيـن ِ ................... داجت على عقلة ٍ و الورد ما جاها ياعل من شار بالفرقى عمى العين ِ .......................مخباط صمعا جليل الفخذ يشظاها جعله حسير ٍ كسير و راكبه دين ِ ........................ و اتلى حلاله ذلول ٍ راح يطلاها ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــ سقـى صوب الحيا مِزنٍ تَهامّى = علــى قبـرٍ بتلعات الحجــازي يعط بها البختـري والخزامى = وترتـع فيه طفلات الجــوازي وغَنَّــى رَاعْبيّـات الحمــامـا= على ذيك المشاريف النّوازي صـلاة الله منـي و السّلامـــا= على من فيه بالغفران فـازي عفيـف الجيب ما داس الملاما= ولا وقَّفْ على طرق المخازي عَذُولي به عنـودٍ ما يراما= ثِقيــلٍ من ثقيــلات المـرازي أبو زرقٍ علــى خــده علامـا= تحلاهـا كما نقشٍ بغــــازي عليــه قلوب عشاقــه ترامــا= تكسّـر مثل تكسير القـــزازي ألا يا ويــل من جفنــه على ما= مضـى له عن لذيذ النوم جـازي ومن قلبــه إلى هـب النعامــا= يجرونـه على مثل الخــزازي تكــدر ماصفــى ياما ويامــا= صفـا لي من تدانيه المجــازي ليالـي مشربـي صفو المُدامــا= وثوب الغَـيْ مَنْقُـوش الطِّـرازي مضـى بوصالها خمسة عواما= وعشـرٍ كنهـن احزاة حــازي بفقدي له ووجــدي و الغراما= تعلمت النياحـه و التعـــازي وصرت بوحشةٍ من ريـم راما= ومن فرقاه مثـل الخازبــازي عـذولي في هـواها بالملاما= يعزينـي وأنا مانيـب عـازي وكـل البيض عقبـه لو تساما= فلا والله تسوى اليــوم غازي ســلينا لا حـلال ولا حرامــا= عليهــن الطلاق بلا جـــوازي وحياة الشـوق فيها والهياما= وقـدٍّ منه يهتــز اهتـــزازي وخــدٍّ تــمّ به بـدر التمامــا= وجعـدٍ فوق منبـوز العجازي فــلا بي عقبهــا زاد ولاما= وجزت من الغوى والغـي جازي وخضـت ابحور ليعاتٍ تطامــا= خلاف الانس ضاقـت وين ابازي نِكِيــف الهم في قلبـي ترامــا= وجيش البيـن بالغزوان غــازي اريده وانكســر كسر السلامــا= بِسَيـفٍ جَرّدَهْ ما هُـوب هـازي علي بخت الدهــر ليته تعامــا= وخلاهـا وليتـه ما يـــوازي لـيتي ما حكيـت بها وأنا ياما= بكيــت الها وفي قلبي حـزازي أظــلّ مساقــمٍ دوم الدوامــا= وهمومـي فيه تتحاز انحيازي الا يالله يـامــن بالملامــــا= يسلّــم يوم تـرزاه الــروازي اسَلَّـــمْ لـه ولا رَد السَّلامـــا= عَزيــزٍ من عَزِيزاتٍ عـزازي وصــلاة الله منـيِّ والسَّلاما= عَلَـى قَبْـرٍ بْتَلْعَـات الحجـازي ~~~~~~~~~~~~~~~~~~~~~~~~~~~~~~ محمد بن لعبون ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــ عديتي بالمســتـقـلـي ~~ من نــــايفـات العــداما وآخيل برق يسلـي ~~~ لا لاح وسـط الــظـلامـا ياخوي وآعبرة لـي ~~~ منها عيوني ســقــاما أبكي ولا أحدن فطن لي~~~راعي الهوى مايلاما يانجمة الصبح ياالـي ~~~ سروا عليك النشــاما ياليت شمّر هل لـي ~~~ دخــيـلهم مايضـــامــا رصاصهم مستجـلي ~~~ يكسر صليب العظاما جيت المطوع يصلي ~~~ وأدركت معه القيـاما سمعت انا صوت خلي ~~~ سلّمت قبل الإمامــا ياضامر الوسط ياللي ~~~ مــاذاق زاد ولا مـا هرجه حديث يــسلي ~~~ ريقه يداوي السقاما شربه حليب يزلي ~~~ من عاليــات الـسـنـامـا مشيه مع السوق سلّـي~~~يشبه فريخ الحماما ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــ يالله اليوم ياروّاف يابا الافراج عاوني خوفوني وانامااخاف وأحسب الضلع يزبنّي هيه يالايم الميلاف ماتشوف الجمل حني ليت لي بكرة ميلاف وأحتلبها على المني ونعولي غدن رهـاف والحفا يرعب الجني يحسبني عمي مااشوف يتقي بالنخل عني لابس ثوبه الرفراف والردايف يهبّلنـي ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــ دخيل الله بن مرضي الدجيما الروقي ياجر قلبي جر لدن الغصونـــــي = وغصون سدر جرها السيل جرا وأهله من أول بالورق يورقونـي = على غدير تحته الما يقــــــــــــرا على الذي مشيه تخط بهونــــــي = والعصر من بين الفريقين مــــرا لا والله اللي بالهوى هوجرونـي = هجر بها الحيلات عيت تســـــرا لامبعد عنهم ولاقربونـــــــــــــي = ولاعايف منــــــهم ولاني مـــورا وأكثر عذاب القلب يوم سنحوني = بيح بصبري لو بغيت اتـــــــدرا لاضاق صدري قمت اباري الضعوني = كني غريب بالدلوهة مضـــرا وقلبي عليه اشفق وتبكي عيوني = والحال من ود الحبيب تبــــــــــرا ياعزتا لي من تفرق شطونـــــــي = يعزا لي ارمي بالسلب واتعــــرا ان مت في خد بعيد انقلونـــــــي = على هدي الزمل مشيـــــــه تدرا ان مت في دافي حشاه ادفنونــي = في مستكن الــــروح ماهوب برا بين النهود وقدّ روس القرونــي = عن الهبايب مســـــــتكن مذرا ياليتهم بالحب ما ولعونـــــــــي = كان ابعدوا عنـــــي بخير وشرا ولا انهم يوم انهم قربونـــــــــي = خلوني اقضي حاجتي واتـــــدرا وياليتهم في الدرب ماواجهونـي = وياليتهم مازادوا الحر حــــــرا وياليتهم عن حاجتي سايلونــي = يوم اني قاعد عندهم واتحـــرا الخد برق في علو المزونــــي = تقول براق من الصيف ســـرا وقفت عنده شابحات عيونـــي = كني غرير باللهاوي مضــــرا ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــ البارحة ياعبـــيد عييت اناما قلب الخـطا ذكر علي الهواجيس يالايمي جعلك ببـــحر الظلاما والا ربـيط في يـدن المحابيس غديت مثل اللي طــواه الهياما ياطي حـالي مثل طي القراطيس ويالايمي فـرخ القطا والحـماما مخضبات يطربــــن لنواميس والله لصلـــــي فروض تماما واسجد لربي فوق روس الطعاميس بالك تشرف نايـــــفات العداما ويولعك غرو بــــزين الملابيس يوم الصبا هــــبت بريح الخزاما الشوق في قلـــبي تعدا المقاييس قلت آه ياما يــــا صبا نجد ياما فالقلــب جددت الجروح المراميس ليتك من الخــــلان جبتي سلاما يرتاح قلب غـــارق بالهواجيس لو قلت داله مايفــــيد الكلاما الدمع يكشف خافيـات الاحاسيس الدمع يرسم فـــي عيون الهياما مع ماشقاهم ياهبــوب النسانيس فهيد بن هباس ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــ البارحه ساهر ٍ والدمع يجــري ......... والقلب حزن ٍعلى فرقا حبيبه كريم يا بارق ٍ ينوض حـــدري ........واللي سرى بالغداري يقتدي به والى ضرب وادي ٍخلاه يجــري ........عسى طروش البوادي ترتوي به متخفي ٍلابس ٍله بشت بـــدري .....حسبي على البشت واللي غرني به يا مدمج الساق حالي منك مبري ............بري النجاجير عيدان صليبه ابو قرون ٍ تغذى بالشمطـــري ..........مثل السفايف على كورالنجيبه ابو عيون ٍالى دلت تخـــزري .........ترمي بالاسباب ويل اللي تصيبه ابو خديد ٍ يشادي نجم فجــــر ......... ولا ّ القمرلا أنتحى يبغي مغيبه يا ليتني عالم ٍبالغيـــب وادري ....عن غض الانهاد من هو من نصيبه من طاب لي طبت له والكل يدري ..........واللي يتغلى علينا وش نبي به يامن يرد الحبيب ويـاخذ أجـري ............... قفا بلا سبة ٍ ربي حسيبه ما قادر الله على المخلوق يجرى ............والعبد لزماً ترى ياخذ نصيبه وا قو ما صابني وا قو صبــري ..............لعل ما صابني منه يصيبه يا اللة طلبناك مغني كـل فقري .............كل ٍعلى قد حاله تعتني به سليمان بن شريم ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــ لاتحسب اني داله عنك ناسـيك لا والذي تنصى المخاليق بيته لاشك حال الياس دون الرجا فيك ولالي على المقسوم لو مارضيته ان كان تغليني غلا مثل مغليك مجبور تاطا بالهوى ماوطـيته ماشفت دمعة عيني اللي تراعيك هلّت على المكتوب ساعة قريته وان كان تنساني فلانيب ناسيك الله لايقطـع رجــا بك رجيته سعود بن محمد بن عبدالعزيز ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــ حيــا الله اللي يغيب ويسرع الردّه اللي يجيني الا مــنه تباطــانـي قــلبي يوده وحــالي كنها القّدة ودّي بشوفه ودونه حــوم عـقباني ياصـاحبي جارك الله ويش هالصدّه مهـوب حــق تولعني وتنسـاني ان كـان عندك حكى بي خامل السده فأنـت المصدق وأنا حقي وما جاني أهـرج على ما تـورّى والبخت بده لا تـسـتحي يابعد حـيي وحـياني ترى طـراة الهـوى لاطـالت المـده مهـوب يوم صــديق ويـوم قوماني وإن كان ما أنتب مصافيني على الشده وقت الرخـا واجــد ربعي وخـلاني سليمان بن شريم ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــ الـبارحــة يوم العـباد رقـود الـنوم ما يطــري عـلى بالي مجـروح روح وخـاطري ملهود ياناس خـلوني عـلى فــالي تبكي عـيوني والدموع شـهود اي والله ابكي صـاحـب غـالي يازيـن مالك من عـذابي زود إرفــق بحـالي يابعـد حـالي ودي بوصـلك يانعيم العـود ودي ولــكن ما تهـيـّا لي اللي ذبحني بالعينون السـود من قبل أعرفه خاطري سالي تـرى المحـبه مابها منقـود والله فـلا أسمع هرج عذالي ياعـود ريحان عـليه ورود ومنين ماهـب الهـوى مالي هـبي بريحه ياهـبوب النود يطفي بعض همي وغـربالي الحب يذبح والشقا محـدود ماهي سـوالف على الخالي يا منوتي ياغـاية المقصود زولــك يورّا لي ويرا لـي أحمد الناصر ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــ ياطـير ياخافق الريش بلغ سـلامي وثـنّـه ثنه على أبو عكاريش اللي سبا العقل فـنه ابو عــيون مراييش من شــافهن يذبحنه ابو ثنايا مراهـيـش ويلي عـلى(..هّنـه) قـذيلته كنها الريـش ريحـه زباد وحـنّـه جـيته يهل العكاريش في روشــن يدهلنّه صملان قلبي معاطيش ومـن الضما يـبسنّه فهد بروسلي ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــ حمام ياللي بقيفان الطرب غنّـا .......... من فوق حدب الجرايد طوح اصواته بالله ياذا الحمام ان تنزح عنا ..............خل الهوى والطرب ماذي بحزاته ذكرتني ناقش الكفين بالحنا ................. سيد العماهيج خدّه كنه مراته ياناس انا والغضي وش كاركم منا ................ خلوني ابرد غليلي من شفياته والوي ذراعي على عنقه اليا نمنا ............. والكف الآخر على مفرق نهيداته ياناصر أشكي عليك الحال عاونا ............ بالقيل كود الغضي يرخص بجياته ياغصن موز على الحيطان يتثنا ........... ما أحلى مع الريح روحاته وجياته ،،،،،،عثمان بن سليمان،،،،،،،،،، ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــ ياراكب ثنتين يشدن الاقواس .................... من دار ريضان الحجر حركني مافوقهن كود الدويرع وجلاس .......................وسفايف بين اربعه يلعبني توجهن من عندنا حين الادماس .....................ومضى سواد الليل ما بركني حطن علم عذفا يسار من الراس ..................والظهر مع ورد الحفر يشربني حطوا لهم مع هثلة البدو بلاس ..............عن الحضر واللي بالخلا يسرحني واليا لفيتوا عند مدقوق الالعاس ......................الجادل اللي بالمحبه محني قولوا على حبل الرجا نطوي الياس ....................والبيض غيره كلهن يحرمني لو يندوي جرحي دويته بزفواس ................ولا بني برفاف البيت منكم ومني والله يعلم بالخفايا والاوجاس ...................حب بدا من صغر سنك وسني مريت دارن ما تقل جته الاوناس ....................ونيت ودموع العيون اذرفني جيت المراح اللي به العشب محتاس ...............العشب في مضرب وساده معني محذا سماد النار ومشاقة الراس .......................وثلاث لا يبكن ولا ينبكني لي بنت عم ما وطت درب الادناس ..................ولا دنست يوم النسا يدنسني ضربتها ونا احسب الضرب نوماس ................وطلقتها يوم افخت العقل مني ياناس كيف العين تبكي على ناس ..............وكيف العيون بلا رمد يسهرني لو ينشكي حبه على الطير قرناس ...............جاه الضحى في ماكره مستكني ولو ينشكي حبه على قب الافراس ...................عين نهار الكون لايفزعني ولو ينشكي حبه على الميت ماناس ..................يثور من بين النصايب يوني ولو ينشكي حبه على ذيب الاخماس .................يسرح مع الطليان ما يجفلني ولو إن غوطه وام سنمان وضراس .................... يدرن بما قلبي لحبه يكني تلقى سهل جبه هضابن ومنحاس ..............وحتى الجبل بالقاع صار امتثني وحتى النجوم اللي مع الليل غلاس .....................لو ينشكي حبه لهن وقفني اشرفت راس ضراس من فوق الاطعاس ..................ولا لوم طراد الهوى لو يجني وهليت دمع العين واوميت بالراس ...............ورافقت كور العيس لين ابعدني وابعدت نفسي عن شفا كل وسواس ....................البعد أحلى من حياة التمني ياعم ياللي طعت بي حكي الانجاس ............طاوعت حكي الناس واخلفت ظني من لا خذا من درس الاسلاف نبراس ..................تمضي حياته بالرجا والتمني واقفيت أدير بضامري كل هوجاس .................على وليف بالحشا غاب عني تكبي خواطرهم اليا جيت عساس .................ما تقل انا منهم ولا صار مني ونا زبون الحر د للخيل مدباس .................ياكلشن شهب الشوارب نخني نفسي تشوم عن التدلبح مع الساس ..............ولاعاش منهو عن خصيمه يكني لوصرت اناالمقلاع ماشلت الاضراس ..................الموس ما يقطع بليا مســني لاصار ما ربعك على الراي جلاس ..................وجنحان طيران السعد يلفحني تصير دوم للصقاقير مدواس ..................مثل الذي يسمع صفير المغني الحمد للي خالق كل الانفاس .................اعطى وساع القاع ما فيه مني دار بدار ولا مناحاة الانجاس ......................لا صار مايمناك عينك تزني في بلدة الغراف من جملة الناس ................ولاني بمن يرجي الفطايس تحني دار بهاالاجواد لولا بهاالحاس .........................دايم تذكرني ليال مضني ،،،،،،،،،،شرعان بن فهيد بن فاران بن رمال،،،،،،، ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــ البارحة يوم الخلايق نياما = بيحت من كثرالبكا كل مكنون قمت اتوجد وانثر الماء على ما = من موق عين دمعها كان مخزون ولي ونة من سمعها مايناما = كني صويب بين الأضلاع مطعون وإلا كما ونة كسير السلاما = خلوه ربعه للمعادين مديون في ساعة قل الرجاوالمحاما = في ما يطالع يومهم عنه يقفون وإلا كما ونة راعبية حماما = غاد ذكرها والقوانيص يرمون تسمع لهابين الجرايد حطاما = من نوحها تدعي المواليف يبكون وإلا خلوج سابةٍ للهياما = على حوار ضايع في ضحى الكون وإلا حوار نشقوا له شماما = وهي تطالع يوم جروه بعيون يردون مثله والضوامي صياما = ترزموا معها وقاموا يحنون وإلا رضيع جرعوه الفطاما = امه غدت قبل اربعينه يتمون عليك ياشارب لكاس الحماما = صرفٍ بتقدير من الله مأذون جاه القضاء من بعد شهر الصياما = صافي الجبين بثاني العيد مدفون كسوه من بيض الخرق ثوب خاما = وقاموا عليه من الترايب يهلون راحوا بها حروة صلاة الاماما = عند الدفن قاموا لها الله يدعون برضاه والجنه وحسن الختاما = ودموع عيني فوق خدي يهلون حطوه في قبرغطاه الهداما = في مهمة من غرب الاموات مسكون ياحفرة يسقي ثراك الغماما = مزن من الرحمة عليها يصبون جعل البختري والنفل والخزاما = ينبت على قبرٍ به العذب مدفون مرحوم ياللي ما مشى بالملاما = جيران بيته راح مامنه يشكون ياوسع عذري وأن هجرت المناما = ورافقت من عقب العقل كل مجنون أخذت أناوياه سبعة اعواما = مع مثلهن في كيف مالها لون والله كنة ياعرب صرف عاما = ياعونة الله صرف الأيام وشلون وأكبر اهمومي من بزور يتاما = وإن شفتهم قدام وجهي يبكّون وأن قلت لا تبكون قالوا علاما = نبكي ويبكي مثلناكل محزون لاقلت وش تبكون ؟ قالوا يتاما = قلت اليتيم اياي انتم تسجون ~~~~~~~~~~~~~~~~~~~~~~~~~~~~~~ نمر بن عدوان ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــ حـمام ياللي بالبـسـاتين يلعب طــرب والهم ماجاه يالعين بالله لـيه تبكيــن صيري صبور(ن) يالمشقاه هو معجبك راعي الرمامين مزيونة ماشــفت حـلياه هـو معجبك بــدو مقفّين يتلون برق(ن) هو نثر ماه أو معجبك حـضر مقيميـن اهـل القصـور اللى مبناه عـساك ياحائل تـسـيلين والعـشب ينبت في شغاياه قـلبي قـعد مابين ضلعين اجـا و سـلمى و المغواه ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــ """ محمد بن لعبون """ يا علي صحت بالصوت الرفيع= يا مرة لا تذبين القناع يا علي عندكم صفرا صنيع= سنها ياعلى وقم الرباع نشتري ياعلى كأنك تبيع= بالعمر مير ماظني تباع شاقني ياعلي قمرا وربيع= يوم أنا آمر و كل امري مطاع يوم أهلنا وأهل مي جميع= نازلين على جال الرفاع ضحكتى بينهم وأنا رضيع= ما سوت بكيتي يوم الوداع هم بروني وأنا عودي رفيع= ياعلي مثل ما يبرا اليراع طوعوني وأنا ما كنت اطيع= وغلبوني وأنا ظفر شجاع وجد عيني على ظبي تليع= عندكم كن فى خده شماع شيبتني وأنا توّي رضيع= جاهل توّ في سن الرضاع سايمين الهوى يا من يبيع= سايمين الهو لاهل الرفاع وانت يا لايمي جعلك تضيع= ما تماري بها مثل الشعاع ودي اسلاه والكون الفنيع= سلوتي ياعلي ما تستطاع دون مي الظبي وام الوضيع= والثعالب وتر بيع الشراع ورأس ريع دخل فى بطن ريع= مستطيل ووديــان وساع ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــ ناح الحمام بعاليات المقاصير .........واهل الهوى طربين ما يسمعونه ذكرتني يا الورق لا ذكرك خير ...........غرو كما لدن المطارق قرونه علام ما كم ضايع ياهل الحير ...............نبي نعدله كان ماتعدلونه ما هي حمية ساقني نية الخير ..........والشرط ما نبغيه لو تشرطونه باكر ضحى العيد لا طقوا الزير ...........ما عندهم من غالي يلبسونه انا وخلي فرقتنا المقادير ........يا من خبط بيديه واعمى عيونه يا شاعقين النار جاكم مسايير .........ضو سناها يجذب اللي يجونه يا مال تفاق شفوق على الطير ...........ومحنش من بعد ذا يذكرونه والا بـ (حر)ما لوى رجله السير ..........بالوكر طلاب العشا يحترونه يظهر عشيري كا لخلاصة من الكير .........اعيذه برب الناس لا ينحتونه تصبح عروق القلب عندي معاشير .....ويزهر ثمر قلبي وتطرخ غصونه عبيد العلي آل رشيد ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ وان كان قيده مع العبدلي .......تهتز منها الجبال الرواسي ثم اخدمي يا جميع الأسود يا تايه الراي لا تجهل .......... كم من صبي وقع بالمهافي ما قيل حطت عليه اللحود يا الله يا الخالق المعتلي ............ارادتك بين نون وكاف يا عالم بالخفي والسدود يا الله انا طالبك يالولي.........تجمع قلوب لبعضها ولايف تلم شملي وشمل العنود وليا اقبلت لجة الخلخل .........تشدي لريم بروض صافي والخد يشدي لبرق الرعود يا شمعة الدار والمنزل..... يا بو جعود على المتن ضافي ودي بوصلك ان كانك تجود والبس من ثيابك المخمل.. والراس قضة على المتن ضافي يا سيدي ما لحسنك وجود وش همنا من هلك مع هلي .... لا جيتنا يا الغضي لا تخاف نطرد عيون العدو والحسود يا صاحب زاهي با لحلي .......... خفيف دم ثمانه رهاف له منحر زاهي بالنهود محمد بن ناصر السويلم ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــ حـايــل عـســاه الـمـطــر عسى السحايب على حايل وماحولها ريـــح الـنـفـل بالـفـيـاض متخالـط عشبهـا ربلـه وحوذانهـا حـايــل عـريــب اصـلـهـا دار الكرم كل خلـق الله يعرفونهـا يامـسـنـدي لـــو تـشــوف العاجزة والنخـل والبـدو يردونهـا وركــان لـيـا جــا المـطـر تلقى النشامى بها خيامـه يطقونهـا وليـا رحــت يـمـة شطـيـب تلقى الوناسه بهـا والفقـع يجنونهـا مـشــار كـلــه مـصـيــف تلقى بيوت الشعر والضلع يرقونهـا هـــواه طـــب الـعـلـيـل واللـي بحبـه طبيبـه مايداونـهـا والـيـا سـكـن بــه غـريـب مايطلعه لو تحول الناس من دونهـا حـايــل عـســاه الـمـطــر عسى السحايب على حايل وما حولها ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــ سقى الله منازل نور عيني شمال ركان منازل حبيب عن هوى البيض سلاني غزالٍ اليا منّه نطحني وانـا زعـلان تجلّت همومي اليـا تبسـم وراعانـي واليا نظرته قمت اعيذه من الشيطـان تهـز النّحـر والقـد كنـه تحدانـي واليا جت مع الزينات خلي له الميدان تغاب النجوم اليا ظهر بـدره الثانـي على الغرة الغرا على الورد والريحان على الملح والقبله روحي وريحانـي سلام من المشتاق للمغـرم الولهـان علىسيد غضّات الصفى مطرق الباني حبيبٍ على شانه هلي لي غدوا عدوان وهو حرقت خده دموعه على شانـي ملكني وهو سيد المها قايـد الغـزلان وانا له كمى المملوك يامر وينهانـي ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــ يازين حلـم حلمتـه ان الحبيـب زارنـا كاس من افمه شربته مثل العسل زاد الهنا من بد ناسه عشقتـه من مبسمه شفت العنا روحي تراني لقيتـه وانا اشهد انه لي منا يازين وقت قضيتـه ياسرع خلص وقتنـا قصره بقلبـي بنيتـه بالحب شيدنـا البنـا يابو بدر مـا قويتـه ما اقوى مفارق بابنا ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــ عيني من الفرقا تهل دموع تبكي على فرقـاك يالغالـي ياصاحبي منك الخبر مقطوع بجبال سلمى دالهن سالـي يابو جديلٍ واحدن مرفـوع واليا تبسـم زاد غربالـي شفته بحايل والحيا متبـوع والحر دايم ماكـره عالـي ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــ البارحه عفت حلو الزاد حرام ما جاء على بالي قظيت ليلي على البراد في مجلسي جالس لحالي بيني وبين الغظي ميعاد وعد الغظي عندنا غالي يا ليتني والغظي رواد وسط السما بالفضاء العالي بالحب قبلي ولد شداد صابه على عقله هبالي ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــ الشاعر محمد العبدالله القاضي"رحمه الله" يقول : لطيـف رحـب وتسلـيـم عددمـاهـل وبـل علـى الخـد هـمـالٍ وهطّـالـي او عدماسـل مــن روح ٍ وماسلـسـل آدم وحــوا مــن الاول الىالتّـالـي اوعد مااحـرم ومـا بيـن المشاعرحـل او شــد للبـيـت رحّــال ونـزّالـي ياحـيّ طيـفٍ عنالـي بالوصـال وهـل بدره عقب مااختفى ببروجـه اوضىلـي بتحيـةٍ مـن حشـاء روحٍ تبـي تنسـل وجسمي يسلِّـه علـى فرقـاك سلالـي يوم انعطف لـي وضـم الكـل بالكلكـل طحنـا سكـارى دهشنـا بالهـوى تالـي تـل ودلٍ وتريـاقٍ اليـا انـهـل عــل من ثغرخـل عطـوف ماصفـى إلاّ لـي وعطفٍ ولطـفٍ جـرى مابيننـا ماحـل مثلـه خـذا يوسـف ويعقـوب كأمثالـي ومزيت عشـر وبلبـل مهجتـي وابهـل قلب جنـا مـن جنـى جناتـه اشكالـي بجـد وقـد اليامـاإنّـه تمـايـل هــل روايـح المسـك هـو والعنبـر الغالـي علـي عرفـه تتلـتـل والمـعـزّل زل عنـه الحدايـر نظيـم اللولـو العـالـي العرف والجيـد بعيـون الموجـل جـل صبـحٍ تنفـس بسـوق الليـل جلجالـي اليا بدا لي بطـل سحـري كمـا يبطـل موسى الى القى العصاء فالسحر ينجالـي يـوم ايتلفنـا بطيـف ٍ بالهـوى معـزل واشفيت بوصال من زارن ومـن جاءلـي واسقيت واحييت بستـان الحشـاء وابتـل غصني وعلـه مـن الكاسـات سلسالـي وابرض رياض الحشاء عقب المحل وابدل واروى فـؤادي وعلـه عقـب الانهالـي وعليت وانهـل علـي بكاسـه السلسـل من بين اشافيه ذوب الشهـد ليـا سالـي لاخمـر ريقـه اليامـن مبسمـه ينـتـل ولا رحيـق علـى مشمـول مشمـالـي لاحص لاجوهر مـن عقـد فـاه انحـل زمـرد الـدر نـوره يشعـل اشعـالـي طرب الياما سنـا نـور الصبـاح انفـل شمل كمـا فـل شمـل ايـوب والمالـي اصبحت كنـي صريـع مذهـب مذهـل ان قلـت ويـلاه زاد الويـل ولـوالـي محمل غرامي طبـع فـي غبـة بـه زل كسر لياحه وجـاه المـوج مـن عالـي ياشـوق مثلـي ومثلـك مايحمـل الكـل لاحمّـل الله مــن لاطــاق ماشـالـي لـو شيلونـي بحمليـن مــن الكـنـدل لوشلـت نصفـه فـلا الثانـي بمنشالـي اشوف بان الجفـاء والـود فـي معـزل في شارة البعد هـو والصـد مـن تالـي ياسيـدي لـك تكـسّـر ذل قلـبـي ذل وخضعت لك خضعة المملـوك للوالـي والله والله وبـحـق الـــذي نـــزّل صحايـف الكتـب والفـرقـان للتـالـي إن لك بقلبـي محـل وإن حـل ماينحـل لوحـل بالـقـاع رجّــاف وزلـزالـي إلا ولا اذكر مـن الساعـات وقـت زل إلا وشخصـك يورّالـي ويـبـرا لــي بالحلم والعلم وفـروض الصـلاة الكـل تطري طواريـك ياسيـدي علـى بالـي سميـهـا بالمديـنـة لمـبـة تـعـمـل وسهيـل بالليـل نـوره يشعـل إشعالـي وكل يقلـب حبيبـه فـوق فـرش الـزّل وانـا اتقلـب ليـامـا يــذن التـالـي ياياه جريني من شمـس الضحـى للظـل والموت عـن مقعـد الحقـران اشوالـي احمّـل الريـح تسليـم لـكـم واســأل ياسيـدي وانـت ماسايلـت عـن حالـي جاملت بالصبـر ليـن ان العسـر ينحـل ويبـدل الله مـن حـال الـيـا حـالـي ومني صـلاة عـدد ماقيـل عـز وجـل على نبـي الهـدى والصحـب والآلـي ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــ عسى الحياء يسقى دباب المحله يسقيه من الغينه الحد الوريـدي عساه اليا جاء السيل يسقيه كله المطلعة واللـي بهـا مـن مبيـدي حقي اليـا جـد النخـل مسهـم لـه خوذيه ياللي مثل عنق الفريـدي ياعيـن شيهـانٍ علـى ماكـر لــه ياطالعت بالعيـن توعـد وعيـدي ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــ |
|
 
|
 |
| مواقع النشر (المفضلة) |
| الذين يشاهدون محتوى الموضوع الآن : 4 ( الأعضاء 0 والزوار 4) | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام
العرض العادي
