الصمت في بعض المجالس مهآبه

للصمت في بعض المجالس مهابه
وللهرج في بعض المجالس مناقيـد
البارحه هاجوس فكري سـرى بـه
مسرىً .. يبشر بالسعد ياولد عيـد
مـع *** كـل السواعـي تهابـه
على يمينه . . حيد ومع ايسره حيد
حده على المسرى .. قنيب الذيابه
يبا العشاء والخير..من شرد الصيد
وصيد الخلا متعالمٍ..ضـرب نابـه
يامـا تعشـى مـن خياره..تراديـد
وإليا انتوى وانوى عطيب صوابـه
ياعنـك ماتسلـم فناجـل المجاليـد
وبيوت شعري..مثل وبل السحابـه
اليا امطرت تسقى ثرى جرهد البيد
ندر..ويحرسها مـن الجـن لابـه
من خوف تلحظها ..عيون المقاريـد
محميـه ..ماهـي بلـيـا رقـابـه
في موقـعٍ مايأصلـه كـل رعديـد
أصونها.. واتعـب عليهـا الكتابـه
واسوقها سوق المطيه بـلا ..قيـد
وان عودة لـالوسط فيهـا نتشابـه
مثل أمهات ارقاب.. بين البواريـد
والشعر..سيف فـي يمين.مصابـه
اليا لمع يعمـي عيـون المحاسيـد
اضرب بحده.. في نهـار المجابـه
مضراب ابو غانم ومضراب ابوزيد
واسخرهـ.. لدين واكـرم جنابـه
ويطيع في حكـام نجـد الصناديـد
ولي ماقفـن مـع لبتـي يندعابـه
من الكويـت الياحـدود المواريـد
عزوة مطيرأهـل القنـه والحرابـه
لاطوحـن بصوتهـن فـرد الغيـد
وميقاف مع خنذف وعـزوة شبابـه
واطيبين امـن الرجـال الاجاويـد
شعرن الياعـدوه يحسـب أحسابـه
ماهي هروجن امن حلوق الهرابيـد
متوارثينه مـن عصـور الصحابـه
ومن حكمت الشيبان قبـل الاواليـد
وكم واحدن يتعب وتتعـب اركابـه
مافد من شعـره ولاحصـل الفيـد
ومن لاعلـى قـده يفصـل ثيابـه
يبـا يعيـد قبـل لاياتـي العـيـد

اعجبتني من اقوال
الشاعر
تركي المطيري
تحياتي لكم.....

للصمت في بعض المجالس مهابه
وللهرج في بعض المجالس مناقيـد


تسلمين وصح السان الشاعر تركي المطيري

القديرة / بنت مطير
الله يعطيك العافية
نقل مميز بقمة الجمال لاهنتي
وصح لسان الشاعر / تركي المطيري
تحياتي وتقديري لسمو شخصك الكريم،،،

بنت مطير

كل الشكر لك على النقل المميز لاهنتي اختي
تسلمين على حسن الأختيار ودايم وانتي رائعه


ويقول مفرح الظمني رحمه الله

أنا رفيقي ماسمـع اللـي حكابـه=لو جاتنا منه السوالـف مضاريـع
اقرا مفاهيمـه واحسـب حسابـه=واشوف مدخال القـدم والمطاليـع
ماني عجول ٍ بالزعل فـي غيابـه=مادام ماسمع منه مااعطي ولا ابيع
ولاخير فـي رفقـه بليـا حبابـه=ولاخير في جمع القلوب المواجيـع
رفيقـك الغالـي تحمـل عتـابـه=واحلم عليه ليـا دفعتـه دوافيـع
شيـم ثنـاه ولاتبـيـن عيـابـه=عاره يعـورك يابعيـد المراميـع
وان كان دون مرافقك صك بابـه=لقه قفاك وخل مشيك مـع الريـع
خله على بعـدك يسـرح ركابـه=يقضي سنه ولا شهور ٍ واسابيـع
وليـا طلبـك الصلـح يامرحبابـه=سهل طريقـه لا يجيلـه موانيـع
واحفظ لسانك عنه واستر جنابـه=لاتجرحه بين الذيـاب المجاويـع
ترى اللسان ملكـع ٍ يندعـا بـه=مثل الحصان اللي يبي له مصاريع
واجعل على هرج ٍ تقولـه رقابـه=عقل ٍ يصرف طايشات المواضيـع
((والصمت في بعض المجالس مهابه))=يكفيك شر اهل الفلـي اللواسيـع
عن كلمة يقضب خطاهـا قضابـه=يركض عليه مصنع الهرج تصنيع
خله يروح ومنـك خـال ٍ جرابـه=يرجع كما المفلس بسوق المطاميع
واحفظ صداقـة طيبيـن القرابـه=ربعك ليا قلـت عليـك المشاريـع
سيف ٍ نهار الضيق تقضب نصابه=يقاك من حدب السيوف البواتيـع
وليا جفـاك الـدار مالـك ومابـه=رزقك على اللي طوع الكون تطويع
ممشاك في حزم ٍ تطـارد سرابـه=اخير من شوف الوجيه المدانيـع
خطو الرخوم مصاحبيـن الخيابـه=تجار هـرج وفاللـوازم كراسيـع
الرجل مثل الذيـب رزقـه نهابـه=ياخذ مع الدو الخـلاوي قراطيـع
والطيب ضلع زاميـات ٍ هضابـه=للريح في شامخ ركونـه ذعاذيـع
عسر المراقي يتعب اللـي رقابـه=ماياكره كـود الحـرار القواطيـع
والا الردى جرف ٍ هيـال ٍ ترابـه=حوله لزهـران المقافـي مرابيـع
يرقد به الحصني ويلقى الذرى به=والبوم بين غصون قشعه مواقيـع
رجل على الناموس بيض ٍ ثيابـه=ورجل ٍ يرقعها على المتن ترقيـع
ورجل يزايم علتـه مـن عذابـه=عيـدان نـاره للقريـب مواليـع
على الجماعة كـل يـوم ٍ طلابـه=خمـاش وجـه ولالقيبـه منافيـع
ورجل ٍ مـع الايـام ماينصخابـه=عون الرفيق ليا صفعته صوافيـع
غيث ٍ على من جاه يمطر سحابـه=عشبه عل روس النوازي مفاقيـع
ورجل ٍ كما ليث ٍ عطيب ٍ صوابـه=من دون حقه سنع الخصم تسنيـع
طيب وعصمان الشـوارب تهابـه=يرجى وتخشاه الرجال الصعاصيـع
ومن لادرى بالناس ماحد ٍ درى به=ماله على سجل النشامـا تواقيـع
ومن لايحوش النعم فـاول شبابـه=في شيبته يحسب حساب المراضيع
وختامها ذكـر النبـي والصحابـه=واستغفر اللي مايضيع ولا يضيـع

ابيات روعه

مشكوره

اقتباس المشاركة الأصلية كتبت بواسطة الزعول للصمت في بعض المجالس مهابه وللهرج في بعض المجالس مناقيـد تسلمين وصح السان الشاعر تركي المطيري

الله يسلمك

صح بدنك

مشكور على المرور

اقتباس المشاركة الأصلية كتبت بواسطة ابو كادي القديرة / بنت مطير الله يعطيك العافية نقل مميز بقمة الجمال لاهنتي وصح لسان الشاعر / تركي المطيري تحياتي وتقديري لسمو شخصك الكريم،،،

الله يعافيك ويسلمك

صح بدنك

مشكور على المرور

[quote=نهير النمش;208988]

بنت مطير


كل الشكر لك على النقل المميز لاهنتي اختي
تسلمين على حسن الأختيار ودايم وانتي رائعه


ويقول مفرح الظمني رحمه الله





العفو الله يسلمك ويبارك فيك

والله يرحم مفرح الظمني

مشكووور على المرور

اقتباس المشاركة الأصلية كتبت بواسطة طويق ابيات روعه مشكوره

الأروع مرورك

العفو