وجـــدي كــمــا اللـــي مـاتـريـح بـدنــيـاه

بسم الله الرحمن الرحيم
السلام عليكم ورحمة الله وبركاته .

عندما يختلط الاحساس الشعري مع الماساة يظهر الابداع .
هذه من اروع ماااسعمة من قصاااائد التوجد تحفه يصيغها لنا الشاعر خالد ابن شنيعة المطيري
ليدهش مساامعنا بهذه الرااائعه




وجـــدي كــمــا اللـــي مـاتـريـح بـدنــيـاه ... يــرفــع ايــديــه يـــم ربــــه ويــرجـيـه
يــالله يــالــمــعــبــود تــمــســح خـطـاياه ... وتـفـكـة مــن اللــي عــن الناس حاديه
مــســجــون والــمــســجــون سبه سواياه ... درب الخطا غصبن على النفس تمشيه
ابــوه طــاح مــن الــمــرض مـالـقى دواه ... وداه لـــــدكـــــتــــور ضــنــه يــداويه
فـــحـــص عــلــيــه وقــال ويــلاه ويــلاه ... وده للــــنــــدن كــــان تــقــدر تــوديه
وان كـــان مــاتــقــدر تــصــبــر بـماجاه ... ربــك هــو اللــي مـن السرطان ينجيه
كــســر وحــســب مــد كــفــه بــمــخــباه ... فــتــش ومــالــقــى لــو ريــال يـجـنيه
مــديــون والـــمــديــون شــلون يــــلــقاه ... مـايــمــلك الا جــمــس بـاقساط شاريه
قـــــــام يــتــرفــد مــد للــنــاس يـــمــناه ... كــلــن يــقــول اذلــف ولانــي بمعطيه
عــزي لــمــن حــده زمــانه على اقصاه ... وجـدي ويـنـخـى مـير محدن نضر فيه
وقــت الــرخــى يــاكــثــر مـن قال نفداه ... بـالـمــال ولا الــجــاه بــالــروح نـفديه
وقـــت الــشــدايــد كــلــن يــقــول فـرقاه ... مـــالـــي مــالــه ثـــم روح مــخــلــيه
خــلــوه فــي فــقــرن وهــمــن ومـــاساه ... واطـيـبـهـم اطـيـبـهـم بـهـرجـه يـهديه
ايــــس وقــــــال الــعــبــد لابــد مــثــواه ... فـي وسط قبرن بابيض الخام نطويه
عـــود لـــدارة يـــــوم كــلــن تـــبـــاطاه ... ويــحــســبــن الــنــاس قـدمه تحاتيه
ومــايــدري بــصــكــات بــقــعــا تحراه ... فــي وســط بـيـت لـه بـالاقـساط بانيه
الــبــيــت مــحــتــرقن مــن اعلاه لادناه ... والـورع يـبـكـي والـقـصيرة تحاضيه
امـــــه تــوفــت والــمــصــايــب تــقــفاه ... مـاتـت ولااحـدن بـالـمـصيبة مواسيه
مــغــيــر ورعــن قــطــع الــقــلـب ببكاه ... لـيـا تـخـيـل صـــورة امـــه تــبــكيه
عــزي لــمــن كــثــرت بـــلاويــه عـزاه ... يــا قـوي بـاسـه يــوم عـقـلة مـقديه
ثــــم جــــا رجــلــن خــايــبــن في نواياه ... عــلــه خـبـيـث ولا احـدن يــسـويه
ابــشــر بــمــا تــبــغــى من المال والجاه ... ونـسـفـر الـوالـد عـسى الرب يشفيه
وبــيــتــك نــعــوض لك قـــصــور مـبناه ... وولـيـدك اللـي مـبـتـلـش بــه نربيه
واطــلــب وانا اعــوضــك بـاللي تــتـمناه ... لــكــن عــنــدي شــرط لازم تـلبيه
قــالــوا وانــيــتــك يـطـرب الحال ممشاه ... جـمـسـن جـديـد وجـديـتاتن مواطيه
اجــلــب لــنــا حشيش راس المال دفعناه ... مـابـاقـي الا مــن الـسـواحـل تـعديه
ثــم قــال حــاضـر وكل هرجك حفضناه ... مــن حـر مـايـونـس بصدره ويخفيه
غـــيـــر زيـــوتــه والــتــوانــك مــعــباه ... ضــبــط بــلاكــاتـه وغـيـر بـواجيه
هــفــه وقـــال الــمــوت حـــق وعــرفناه ... الـرزق عـنـد اللـي من الموت يحيه
حــمــل وعــود وقــام بــالــحــيل يشضاه ... يـوم الـتـفـت لـجـيوب شهبن تباريه
وقـــف ورقــمــك يــالــمــهــرب كـشـفناه ... ويـن الـمـفـر ومـوتك الـيـوم تحريه
دزة يــبــي الــصــمــان والــنــور طـــفاه ... يـومـنـه فـي جـمـسـه بـعيده هقاويه
مــتــعــديــن دبــي مـــع اللــيــل ســــراه ... الـرمـي مـن حـوله يصيبه ويخطيه
دار اللــصــافــه عـــن يــمــيــنــه تـعــداه ... يـبـغـى اللهابه يوم ضاقت مساعيه
وجـــه عــلــى الــصــلب الحمر قام ينحاه ... ضـن سـدره عـن نـضـرهم يذريه
مــايــدري ان الــهــيــلاكــبــتــر تــعــلاه ... مـن فوق راسه تكشف اللي مغطيه
وجـيـوب شـهـبـن عـن هوى النفس تحداه ... ومـسـلـحـه بـعـيار خمسين ترميه
اللــي عــلــى الــرشــاش حــقــق بـمرماه ... هــفــه عــلــى كـتـفـه مـيـر معميه
ثــم اطــرحــوه الله يــعــيــنــه بــبــلــواه ... عـزي لـمـن رصـت كـلـبـشات بيديه
حــراس مـــن حــوله يــمـيـنــه ويـسـراه ... الـشـيـخ مـن قـدامـه يـحقق بماضيه
قـــال الــمــحــامــي واتــبــرع بــــدعواه ... وازري المحامي من القضية يبريه
ثـــم اعــلــنــوا ســجــنــه مــؤبـد حكمناه ... مــاعــاد يـطـلـع كــود عمره بيهنيه
ابـــوه مـــات ولالــــقــــاله مــــراعــــاه ... وولــيــده بــدار الــيـتـامـى تــغــذيه
هــذا قــصــيــدي يــوم جــبــتـه عـلـى اه ... يــالــيــت بـعض الناس تفهم معانيه
الــطــيــب الــطــيــب يــمــوت وفــقدناه ... والا الــردي لــو مـات محدن اباكيه

قصيده مؤلمه بقوه
صح لسان شاعرها وسلم بنان ناقلها
تحياتي لك

لاحول ولا قوة الا بالله
حيل توجع والله
تسلم يمانك ابو غازي

صح لسان القائل والناقل


اختيار موفق استاذي الفاضل

ابوغازي


لاهنت

يادفع البلاء قصيده حزينه صح لسان شاعرها ومشكور ناقلها

قصيدة حزينه

صح لسان شاعرها وسلمت يد ناقلها

مشكور انتقاء جميل