قصيدة / الشاعر محمد الفهاد موجهه لصاحب السمو الملكي الامير عبدالعزيز ابن فهد ال سعود

السلام عليكم ورحمة الله وبركاته،

في المقابله التي عرضتها قناة الواحه مع الشاعر محمد الفهاد المطيري ألقى قصيده موجهه لصاحب السمو الملكي الأمير عبدالعزيز بن فهد بن عبدالعزيز، وذكر بأن هذه القصيده أرسلها لسمو الأميرمنذ أربع سنوات.

وأثناء عرضها على قناة الواحه شاهدها الشيخ عبدالله الدويش أحد مستشاري الأمير عبدالعزيز المقربين، وقد أعجب بجزالة القصيده، وفي نفس الوقت تأثر من كلام الشاعر محمد ومن بعض الأبيات مثل:_

ياشيخ مالي لا عضيد ولا ركيز=لاكشّرت هكا الوجيه أبوازها

وكان الشيخ عبدالله لايعرف محمد الفهاد شخصيا ، فإتصل بأحد أصدقائه بالحفر وسأله عن الشاعر محمد ،
وأبلغه بأن يرسل القصيده مكتوبه ليعرضها على الأميرلأنه لم يرى ولم يشاهد القناه ،فكلمه محمد وارسل القصيده
وعرضها الشيخ عبدالله على سمو الأمير وتكلم عن شاعرية محمد الفهاد وشرح ظروفه للأمير وأعجب الأمير بكلمات القصيده وتفاعل معها، وأمر بمساعدة الشاعر بمليون ريال
وليس الكرم والطيب بغريب على سمو الأمير عبدالعزيز أطال الله في عمره،، كما أن الشيخ عبدالله الدويش هوصاحب المواقف الطيبه للقبيله والفزعات.

وخلال هذه الفتره قابل محمد صديقه وسأله وقال :

ماجاك من ريف النشاما تباشير=حلاّلها لا عجزت مطير عنها
ابن الزعيم اللي يهد الطوابير=(يوم انها نجد(ن) وانا من سكنها)
غيث(ن)مثل غيث المزون المزابير=وضيم القلوب اللي يضيمك لحنها
يقبل وتقبل معه وضح(ن)مغاتير=أوبارها تدفي ويروي لبنها
لابان بان ابه السعد واقبل الخير=وان غاب غبت اعن الديار وظعنها

وهذه قصيدة الشاعر محمد الفهاد الموجهه لسمو الأمير عبدالعزيزبن فهد :

اشكي عليك الحــال ياعبد العزيـــز=وقفة ســـــلام وعـــــازةٍ نِعـتازهـا
نادرحـــــرارٍ منت تبع ولا لــزيـــز=ترقب بنجد وشامــخات حــجازهـا
شيخ مقر الطيب في طبعك غريـــز= من طيب أهلك وفعلها وإعـجازهـا
والمدح ريح العود والحكي الوجيـز=أثقل من أصواع الذهب وأبـيازهـا
والناس بيتٍ من وضيع ومن عزيز=وأكبر مناعير الرجــال إعزازهـــا
وإلا أنت غيثٍ له رعود ولـه رزيـز= تطيب فيــك من الكبـود إحزازهــا
من معشرٍ مادَقّـها عــرق أو شيــز= من وايل العُرباء وفي عـنـّازهـــا
أنت النـــدى والملك للـــــــه العزيز= يارونق الدنيـــا ويابـــروازهـــــا
أنخاك وأنخى الجود فيك ودون ميز= ومن ذَل وحشات الخلا يجتازهـا
للخاطر الطرقي فراش من البــريـز=لاطالت الطرقه وصعب إنجازهـا
ياشيخ مالــي لاعضيــد ولا ركيـــز=لاكشّرت هـــاك الوجيه أبوازهــا
أحـمـس ورق روحٍ بها جمرٍ يميـز=أحمس ورقـــها وإحترق حنبازها
مانـاح ورق وماسجــع قلبٍ نحيــز=أهدي جواهــــرها وصــافــينازها
الطرش روّح للريــاض وله خزيــز= وطويق هدّاج العرب وإنحــازهــا
وكم قــال لقمان وبعد قــال إبراويـز= قد ضاعــت الخبزه على خبازهــا
وعيني اللّي كـــن فــيها جمبــلـــيز= سحابةٍ عقب إنفــتق مخرازهـــــا
وياتل قلبي تل ســيــر الماركيــــــز=الماركـــيز أللّي حديث طرازهــــــا

ونختم بهذه البطاقة المهداه إلى الشيخ عبدالله بن ماجد الدويش :

الله يبارك لك بشهر الصيامي=وعليك مني كل يوم سلامي
الله تفضل وأنت بعده تفضلت=والصيت صيتك يا شريف الأسامي
ورقا بقلبي غردت في فؤادي=يامن يسكت لي هديل الحمامي

وهي أطول من هذا وسامحوني

اخونا القدير / القدير / الضبيعاوي

سلم بنانك على هذا النقل الجميل الرائع



لك خال التحيا

اقتباس المشاركة الأصلية كتبت بواسطة المشرف العام اخونا القدير / القدير / الضبيعاوي سلم بنانك على هذا النقل الجميل الرائع لك خال التحيا

لاهنت على مرورك العطر


والف شكر


دمت بالف خير

تسلم يمينك يالضبيعاوي

اختيار موفق


لاهنت

اقتباس المشاركة الأصلية كتبت بواسطة ريم الفلا تسلم يمينك يالضبيعاوي اختيار موفق لاهنت

شكرا على مرورك العطر


دمتي بود

لاهنت اخي الضبيعاوي

على نقلك المميز والرائع دائما


دمت بود



الف شكر

اقتباس المشاركة الأصلية كتبت بواسطة معاند لاهنت اخي الضبيعاوي على نقلك المميز والرائع دائما دمت بود الف شكر

لاهنت على مرورك العطر


دمت بود