هيييييييييييه

السيف الشطير

بعد جيت بالديره وانا من هل الدار=سلامي عليكم كلكم يالنشامى
عسى الله يبارك فيكم أكبار وصغار=انا فيكم مقصر عليه ملاما

سيف نجد

تفضل ف دار مكرم الضيف والجار= هلا مرحبابك عدَ وبل الغماما
تعامل مع أهل الطيب وافين الاشبار= دخيل النشامى ياسمي مايضاما

السيف الشطير

يدوم البقاء لك عد ماتنبت ازهار=وبعداد ماناحت طيور الحماما
انا جيت لديره مسير ومرار=ولاني دخيل وجعلكم للسلاما

سيف نجد

عسا الله يبارك فيك يانسل الاحرار=تقول الكلام الزين حسب النظاما
مسيَر ولك حشمه وشيمه ومقدار=وفعول الرجال مثبته كل عاما

السيف الشطير

انا دجت يالطيب ولفيت الاقطار=وكم من بلد جيته لقيته عداما
وهذي بلد مامثلها ضنتي صار=يقدر بها الموروث ويلقاء اهتماما

سيف نجد

انا خابرك طرقي تدوَر للأخبار=وتمسي جنوب الدار والصبح شاما
بلادً أهلها من طويلين الاعمار= زحول الرجال اللي تسد المقاما

السيف الشطير

عشقنا الهنوف اللي عليها الزمن جار=عسى الله يعين البنت يابن الكراما
اشوف الملقف يمها تلد الانظار=وكلاً يقول اجيد حلو الكلاما

سيف نجد

يالسيف الشطير الله يمسيك بالخار= ترى غيرنا ماتعشق ام اللثاما
أنا ماني مكلف بمن يدخل اشهار=تضوي حلالً برح والا حراما

السيف الشطير

أدور عليها بدار واروح في دار=انا هايمً فيها تراني هياما
اصادف بعضهم كل مارحت مشوار=معاهم بنادق مير مامن حزاما

سيف نجد

ترى ماتحبك دام فالكون شعار = ياراع الونيت اللي سرى فالضلاما
تدوُر على شغموم للخيل مغوَار= ولا تلتفت في منصبين الخياما

السيف الشطير

تراها اعلنت ليه قبل سر وجهار=تقول انت مضنوني وغيرك حراما
وانا دونها في كفي السيف بتار=ولكن تركد قبل كاس النداما

سيف نجد

تحلم بها وانته غدى دربك ايسار= تسوق البعير اللي عليه المساما
يقولون سر بلير من بين الاسرار=ولايكشفه ياكود حنكة اوباما

بيض الله وجهك يابومشاري ع التنسيق الجميل والرائع


لك كل الشكر والتقدير ياكحيلاان

الاخ العزيزالشاعر/ السيف الشطير
الاخ العزيزالشاعر/ سيف نجد
مأشالله عليكم عمالاقه صحة السنكم
محاوره رائعه وسلسه وممتعه جداًجداً
اشكركم جزيل الشكر

السيف الشطير
سيف نجد
صح السنكم وبيض الله وجيهكم شعرائنا الكرام

صح السنتكم اخواني الشعرا

صحت السنتكم
اجل التحايا

عشتوا عشتوا بيض الله وجيهكـــم

ابدعتوا وامتعتوا لله دركـــم