الحميدي أبن كمي

دق الخفوق وبرمج القاف يا منيف= برمج وسطّر بالحميدي مقوله
أسترسل الخافق بيوت مظاريف= وأعلنت ما برمج خفوقي وقوله
برجل الوفاء والمرجلة بالمواقيف= وكان الحميدي زاركم وقّفوا له
هداج تيما ماتغيضه غواريف= رجل شهرنّه بالمراجل فعوله
من لابةٍ فعله وطيبه ماهو زيف= لهم بفعل الطيب صوله وصوله
كلاً يبي مثله ولاهي على الكيف= والمرجلة ماكل رجلٍ يطوله
ربعه على فعل المراجل مواليف= وأبن كمي به فاز جوله وجوله
رقا سنام المجد وداس المشاريف= والطيب بكفوفه رصيده ينوله
من لابةٍ يوم إنهاء ضرب بالسيف= حرب حبوس الخيل وحربٍ حموله
تشهد لهم نجد من السيف لسيف= تدوس بالديار المعادي خيوله
ستر العذارى لابسات النفانيف= حمولةٍ ياحي والله حموله
خطو المشورب في مداس الرمك شيف= وجماعته قفّة نفوسه زعوله
هم مزبن اللي حدّه الجور والحيف= يامن ويمّن ياحضروا حرب حوله
يامن بهم جور الرجال الملاقيف= ياعز من هم بالملاقى مشوا له
سويت له تقييم وعطيت تعريف= بعرفي وأنا مقصّر ونفسي خجوله
هذا وأنا مالي وراها مصاريف= يا تاج راسي يازعيم البطوله
وصلات ربي عد جري العواصيف = على رسول بالمدينة نزوله
= شعر / بهلول حمدان الشمروخي

الشاعر الكبير والقدير بهـلـول حـمــدان الشـمـروخـي
صح السانك بحجم الكون
ودي لك يسبق ردي

الشاعر بهلول الزميلي
صح لسانك وعلاء شانك يالنشمي

‘‘‘‘إإإإحترامي‘‘‘‘

صح السانك الف اخوي الشاعر يهلول الزميلي

الشاعر بهلول الزميلي
صح السانك ملايين
تحياتي لك

صح بوح منطوقك ولسانك

بهلول الزميلي
صح السانك الف
تحياتي لك

شاعرنا الكبير مقاماً القدير بهلول حمدان الشمروخي
ابو نواف
صح السانك مدد بلا عدد
.. .. . .
خالص التحايا لسمو شخصك النبيل
??¯?ـ?ابو غازي?ـ?¯??

صح السانك الف اخي الشاعر بهلول الزميلي

عمي بهلول صح لسانك ياحيي