ديوان الشاعر / مشعل عسام التريباني

بسم الله الرحمن الرحيم
الشاعر \مشعل عسام التريباني الشمري
((اوصيك يالغافل))في16\11\1436هـ

اوصيك يالغافل فلاتنسا الذكر

	اوصيك يالغافل فلا تنســــا الذكر=احرص علـــــى ماينفعك يوم المعاد فــــــي يوم كلا لاوزر وين المفر=ياجف زرعك وابتدى وقت الحصاد مهما يطول العمر بك فانته بشـــر=ترحل مـــن الــــدنيا مثل باق العباد احرص على مايسعدك يوم الحشر=واحمل من الدنيا معك بالـدرب زاد لاتامــــن الـــدنيا تر الدنيا ممـــــر=بوابةٍ تفضــــــــي الـــــى يوم التناد بوابةِ تفضـــــي لدار المســــــــتقر=تفضــــــي لـدارن مابها نقص ونفاد خــذمـــن رحــيل الانبيا كل الــعبر=فكّــــر بعقلك دلّك الله للــرشــــــــاد وين الرســـول ووين ابو بكروعمر=وين الـذي ركـبوعلى ظهور الجياد وين الذي داســـــــوبالاقــدام الخطر=باقدامهم خلو بلد كســـــــرى رماد راحــــومـــن الدنيا الــــى دار المقر=دارن بها لاهل التقا ظـــل وبراد والمــوت يابن الناس مــامــنه مفـــر=لابدما تاخذ من الرمل الوســـاد

بسم الله الرحمن الرحيم
الشاعر\مشعل عسام التريباني الشمري
((انا شاعرالدهمان مامستواي قروب))في 25\12\1436هـ

انا شاعر الدهمان مامستواي قروب

	انا شاعر الدهمان مامستواي قروب=ليتك رفعت الشوت يالاعب الكـوره وانته زعيم القوم والمركــزالمحبوب=ارفع صقيل الســــيف ياقايد الــثوره عـــلامك علينا با النهايه قلبت الثوب=بعد ماكسبت الفوزوابدعت بالــدوره انا مابغيت اســــجل الهرج بالمقلوب=لكن كــلامك حــث والـدم له فــوره اشوف القعوداقبل علينا وهومـركوب=صارت مثل ماقيل دعواك مجروره سمعنا الشــريط اللي لناجابه المندوب=والقاطــره جتنا بالاخـبارمقطــــوره تجينا ذلولك بالجـــزيلات نوب ونوب=تعوج رقـبتها كنها وصـف باكــوره ودي بصبرن زايدن مثل صـــبرايوب=لكن نفذصــبري وعدوه عن طـوره اصبرواقول الصبرعند البشر مرغوب=والناس في ثقل الســواليف مـاموره ترغلطة الصاحب كما طعنةالمــذروب=ثورة لغم شـــال العلاقات بجذوره خلصنا خلصنا خل عوج العلوم تذوب=اذني لسمع العوج ماهــي بمجبوره

بسم الله الرحمن الرحيم
الشاعر\مشعل عسام التريباني الشمري
((اطلب اللي في يده رزق العباد))في12\1\1437هـ

اطلب اللي في يده رزق العباد

	اطلب اللي فـي يده رزق العباد=ماطلبت الرزق من حين ســواه رافع الســــبع الطباق بلا عماد=سامعٍ مشـــي النمل فوق الصفاه منجيٍ موسى وهو وسط المهاد=وســــط تابوتٍ والامـواج تحداه هازم الاحزاب مهلك قــوم عاد=ناصرن جنده ومهلك من عصاه القــدير اللـــي علــيه الاعــتماد=البصيراللي ينجّي مــــــن نصاه عازلٍ ضي النهارعــن الســواد=جـــل شــــــــــانه لا اله الاّ ايّاه مخــرجٍ ذالنون مــن بعد السهاد=مـــن ثلاثٍ با الظــلام ومحتواه ظلـمتٍ فــي بطن حوته والرقاد=وظلمتٍ باللـيل والمـــوج وبلاه فارجٍ للعبد عســـــراتٍ شـــــداد=مايخيّب واحـــدٍ يرجــي عطاه اهدني يارب للدرب الرشــــــاد=يا الــهٍ مايخــيّب مــن رجــاه

بسم الله الرحمن الرحيم
الشاعر \مشعل عسام التريباني الشمري
بمناسبة الانتخابات البلديه في مدينة حائل
((وينكم ياتاج راسي))في 16\10\1436هـ

وينكم ياتاج راسي ياسلالة جدي

	وينكم ياتاج راسي ياسـلالة جـــدي=ياعيال الشايب اهل الفزعة المخـــبوره افزعوا زيدان ينخا ياكعام الضـــدي=صوتوا له وانتم اهل الفزعة المشهـــوره صوتوا لمرشـــح الدهمان ضـدالندي=يوم مثلكم مع اهل المملكة بحظـــــوره افزعوا له يوم خاض الانتخاب بجدي=ارتكــــوا للكايــدات اليا لمع ديجــــوره انتم اللي فعلكم يعلو علـــى المتحدي=وانتم اللي تلحقون المعــتدين خطــوره وانتم اللي ماخبر فــي جمعكم متردي=وانتم اللـي كل جزله تقطفون زهــوره وانتم اللي فيكم افخر لنكم مــــن بدي=وانتم اللي فيكم ارقا عالي المقصــوره فيكم الفــــزعات خلقه والفعول تعدي=فيكم الفزعة جبلّه فطــــرةٍ مفطـــوره بذرة الريحان تثمرفـــي روايح ندي=عمبره والعمبره فاحت بريح عطــــوره لابتي وانا بذكر امجادكم مــــن قدي=افتخر بافعالكم واهل الحســــد مدحوره لابتــــي يالابتــــي يافزعة المنحدي=فزعة اللــي لاحقه ظيم الزمان وجوره ادري انه مــــاعليكم بالفعول تعـــدي=مـــار للذكـــرى كتبت ابياتي الماثوره واسمحولي في حروفي كان انامتعدي=النفوس بنخوة اهل المرجله ماموره

بسم الله الرحمن الرحيم
الشاعر\مشعل عسام التريباني الشمري
((كل القبايل يكسبون النفايل))في6\3\1437هـ

كل القبايل يكسبون النفا يل

	كل القبايل يكســــــــــبون النفايل=لهــم نجـــومٍ بالجــــزايل مطـــلات وشــــــــمر نجومٍ بارزه بالقوايل=كواكبٍ ضيّه شــــــــعق للمــدارات اهل الصخا يوم السـنين السحايل=سجل لهم فعلٍ بوســـــط الســجلات الذيب قال الشـــــمري له فضايل(=يوم انهم عشـــوه فــي ذيك الاوقات وفوق المهار المكرمات الاصايل=حازو علــى الامجاد فـي فايتٍ فات يوم انها فــي وقت صايل وجايل=حازو على انواط الفخر والبطـولات حتى الشـــريف اثبت لشمرفعايل=يومه علـــى شــــــمر يجر الغزوات نوخ لشـــــمرغرب ظلعان حايل=تســـعين ليله يســــــــهر الليل مابات وحدوه شــــــــمربالدخن والفتايل=ومشــنشـــــــلاتن صاطياتٍ رهيفات واقســــم برب البيت منش المخايل=ماعودحـــرب الشمري خص بالذات ماعود حــرب معربين الســـلايل=لين نتلاقا عـــندرب الســـــــــموات هــذا الكلام اللــــي علـــيه الدلايل=شـــــيّن عليه شـهود وعــدود واثبات من غير نقصٍ فــي جميع الحمايل=كل القبايل يدركــــون الجــــــــزيلات هرج الرخا ينفاه هــرج الصمايل=والكـــــــذب نار وكلمة الحق منجات

بسم الله الرحمن الرحيم
الشاعر/ مشعل عسام التريباني الشمري
((رد على الشاعر/ محمد سوعان )) 12/3/1437 هـ
ملاحظه انا غيرت صدر البيت لكي تفرق بين القصيدتين

رد على الشاعر\محمد سوعان

	هات القلم والبوك والطرس يافـــلان=واكتب على صفحات الاوراق قيلي للشـــــــاعر اللي يمنا ساق الالحـــان=مثل المحيط يســـوي المستحيلــــي وصل كلام الشمري لبن ســــوعــان=محمـد اللــــي للمحامــــل يشيلــــي قله وصلنــــــي خطكم ياكحـــــيـلان=يحمـــل من الهرج المنقـــا الجزيلي تذكرميول الوقت ياعالـــــــي الشـان=وقتٍ علـــــى الاجواد دلا يميلـــــي هذه هـــــي الدنيا بها افراح واحـزان=تذبح محبيـنـه بحـــــــد الصقيلـــــي تفقع عيون انســـــــان وتكحّل انسـان=وتلبس ثيــــاب المكر عند النزيلــي وتجندل اللي بالميادين فرســـــــــــان=وتقـــدّم الخبـــــل السفيـــه الرذيلـي وتطعن قوي الباس في شـــذرة الزان=وتسقي هلا الطوله من الحنضليلـي مــــادامــــت الدنيا لطلــــقين الايمان=زمل التخوت اللي تشيل الثقيلــــي دنيا كفا الله شـــــــــــــرها مالها امان=غدّارتٍ تحمــــل جنـــــازت قتيلي مكارتٍ تمشــــــــي على روس يتمان=شره على الخلان مالــــه خليلـــي تكظم على عضود اليتاما بالاســـــنان=وتطبخ لحم ميته وتطعــــم عليلـي وتســـــــلط الجايع على بيت عريـــان=وتربط فم العطشان ربط الصميلي تحمل علــــــــــى الطيب مذله وخذلان=واللاش بالكفين دلا يشـــــــــــيلي وين الرجال اللــــي يفكون الاضعان=راحت بهم سود الليالــــي رحيلــــي اسود جناح يبيض في عش شــــيهان=راح الكثيـــر ولابقــــا الا القليلــــي يعني مثل ماقيل حــان القضا حـــان=مايستــــــوي راع الفرس والرجيلـي من مايعينه خالق الكـــــــون مايعان=الناس ماتعطيــــه حتـــــى القليلـــــي لكن لنا بالصـــــــــــبرعزه وغفران=والصبرفي كــــل المواقف جميلــــي

بسم الله الرحمن الرحيم
الشاعر\مشعل عسّام التريباني الشمري
((علمو عباد الاصنام))في 24\3\1437هـ

علمو عباد الاصنام

	علموعبّادالاصـــنام واذناب اليهـود=ان سلمان العروبه شــهرســــيف الكفاح دون سنة سـيد الخلق بالانفس نجود=كان صــــوّت داعــي الحق حيا للفــلاح ماتخوّفنا دهابـيج لطــّام الخـــــــدود=الجبل راســــــي ولاهزته هـــوج الرياح نستمد الحكم من شرع علام السدود=ونهج سنة سـيد الخلق والكتب الصحاح البلد دونه رجالٍ على حده حشــــود=محــتمــينه يوم عهــد الفتايل والـــرماح دونها سلمان بطل العرب نسل الاسود=خادم البيتين يســــــق العدى سـمٍ دحاح خادم البيتين ياحك عــودٍ راس عـود=حازمٍ لبس الشجاعه مثل لبس والوشاح وساعدينه نايبينه عياله له عضـــــود=هم عضود ابو فهـد (هم )منارات الصباح يالله انك تنصر الدين وتعز الســـعود=شجرتٍ من لاذ فيها من الهم اســــــــتراح دام عزك ياوطنا رغم خشم الحسود=دام عزك في مسره وبهجه وانشــــــــراح

بسم الله الرحمن الرحيم
هذه الابيات كتبتها بمناسبة تكريم اشبال الدهمان الامنا اللي لقو الصرافه مفتوحه في حائل وحرسوها يما جت الشرطه واستلموها وكرمتهم امارت حائل ثم كرموهم الجماعه بضيافة بن العم غافل بن فهيد التريباني وحينها كانة رجلي منكسره ولااستطعت الحضورللحفل
الشاعر\مشعل عسام التريباني الشمري
((ياليت رجلي سليمه))في 23\12\1436هـ

ياليت رجلي سليمه واقدراجيكم

	ياليت رجلي سليمه واقدراجيكم=والله لاجيكم وازور الحفل وافخــــربه الله ياغــافل بن فهـــيد يغـــنيكم=ياتاج راس الصـــديق بحــزت الكربه كرّمت الاشبال جعل الله يقويكم=عــــوايدك ذروة الامجـــاد تظفـــــربه وانتم يالاشبال يامطيب مساعيكم=ماكرحرارن يطير الريش من ضـربه ياعل ربي من الاشـــرار يذريكم=ياسيوف ربعي وراس الرمح والحربه نفخــربكم كل ماجا ذكـر طاريكم=ماكرحرارن تنومـــس يوم يصقـــربه طبتو وصبتو ولاخاب الامل فيكم=نومســــتو اســـلافكم واعلومكم ذربه يحق لعيال الادهم حــفظ ماضيكم=ياجــــب علـــينا فعايلكم نجاهــــــربه افـــرحتو الاهل وافرحتو بنيخيكم=اشبال اســـودن تنومــس من تفاخربه الورد بذره بريح الطيب يعطيكم=يعرف خـــبير الزراعه خصبة التربه والخـــاتمه تهــنيئه ترفع لها ليكم=حـــــــي القرابه ويامحلاه من قــربه

بسم الله الرحمن الرحيم
الشاعر\مشعل عسام التريباني الشمري
((لاتقرب الاحمق ولاتصاحب الردي))في 2\4\1437هـ

لاتقرب الاحمق ولاتصاحب الردي

	لاتقرب الاحمق ولاتصاحب الردي=وعن السوالف كل الاسماع سـدها وقلل بهرجك لاتخليه ســـــــــرمدي=والكلمة اللــــي ترفع الـراس بدّها ولاتظهراسرارك على غير مسندي=ويمــناك للـــرديـان بالك تــمـــدها ولا تبقـّـــي مطـــعم الـــيوم للـــغدي=وحبال رزقك فــي يد الله شــــدها وعلـــــى حقوق الغيرحذراك تعتدي=نفســك عن حقوق المخالـيق ردها ولاتهـــدي الذمّــه وباْلغــــيرتقـــتدي=الناس مــاتعــرف هزيله وجـــدها والكلمة اللــي جتك من غير مقصدي=ضعها وحط حذاك من فوق خدها واحرص على الجمعا ولو تدفع الفدي=خــلك مــثل مــاقالــو الناس قدها وان جاك خــبلٍ بالهـــزيلات يحــتدي=هجمات راع الشر بالخير صـــدها وباْلجانب اللــين وفــــي كفك الـــندي=تكسب محبة خلق ربــي وودها

بسم الله الرحمن الرحيم
الشاعر\مشعل عسام التريباني الشمري
بمناسبة استفتاح مضيف التريبان في دولة قطر
((مني على ربعي هل الدوحه سلام))في 24\1\1437هـ

مني على ربعي هلا الدوحه سلام

	مني على ربعي هلا الدوحه سلام=عزالصديق ودرع جنبه وفخـــــره اللابة اللي شـــــــيّدو بيض الخيام=على الشرف والطيب عادتهم جره للعزياجمع الكــــرام ابنا الكـــــرام=للعز ياشابوش راســي وسطــــره للعـــز ياســـــــلالة بعيدين العــلام=بالطيب ممشــــــاكم به العالم دره للعز ياســــــلالة مروين الحســــام=للعز ياصقورن بالامجاد شهــــره شـــفت المضيف اللي تبنوه الحشام=وثارة براكين القوافي وحضــــره ربعــــــي عيال العود دهمان الهمام=ماعمر اياديهم عن الطيب قصره الـــى الامام الــى الامام الــى الامام=دايم لهم كل الجزال مصخّــــــره اهل اليدين اللـــي يمدن الجســــــــام=واهل دلالٍ للرجال مســــطّـــــره لـــــــي الفخر في جمع عالين المقام=نوادرن من ماكر العز ظهــــره