ديوان الشاعر / مشعل عسام التريباني

بسم الله الرحمن الرحيم
((موكلين الامر لله سبحانه))
مشعل عسام التريباني الشمري في 16/1/1439هـ

موكلين الامر لله سبحانه

	موكلين الامر لله ســــــــبحانه= ماتضــــــيق الْا وربّك يفـــرّ جها كم ضعيفن ربنا بدّل احزانه=باالفرح بـيّن لنفســــــــــه مناهجها عن ضعوف الخلق ماسـد بيبانه=كلها بوجـــيه خلـــقه مبــرهــجـها عز جاهه واحدن عاليا شــانه= خالقن شمســه و بااليل ومولجها نطلبه مده وعفوه وغــفــرانه= المشــــــاكي لو عصت هو يعالجها هو ملاذ اللــي لجا له ومزبانه= خالق العالم وقاضــــــــي حوايجها خزنته دايم من الخــير مليانه= ومدته تغن الضــــماير وتبهجها كافلن فـــــي مظلم اليم حيتانه= والنطف من مي الاصلاب مخرجها طالبه باســــمه وكبره وسلطانه= وبالصفات اللـــــي عظيمن توهجها يامغيث اللــــي لجالك ومزبانه= زيل هــمن بالضــماير مخالجــها

اهـداء خاص الى مشعل عسام التريباني عميدنا وشاعرنا الكبير الاستاذ ابو عبد الرحمن فوق الوصف وفوق التعابير والمعاني
اليه تلك الابيات المتواضعة اتمنى ان تحوز على اعجابه واعجاب المتابعين

سلام ياشـيخ القصيد وعميده = مثل القمر فـــي ظلمة الليل وهّاج
العــلم غانم والهقــاوي بعـيده = وكـلً يقـول ونعم واشـهـوده افـواج
مشعل مع الشعار عالي رصـيده = مثل البحور اللي تـلاطم بالامـواج
اشهد شهادة حـق واثني وازيده = قـول وفعل ماهي سوليـف هـراج
بالنصح والحكمه تميّز قصيده = وبلسم جروح اللي شكى الهم واعلاج
قيفان لاهـل الذوق تاتي مفيده = مثل الـذهـب يطرد فـقـر كـل محتـاج
وشرواه جعل اللي خلقنا يزيـده = خير وتقـى وايمـان والصبر منهـاج

بقلمي ....اخوك محمد سوعان العنزي

مساجله بيني وبين الشاعر محمد بن سوعان العنزي

	حي البيوت اللي لفتنــي جديده= من عيلمن جمه مثل بير هــــداج ابوفهد حلو القوافـــي يجيده= يلقط درر محار من وســـط الامواج شاعرعلم وابيات شـعره فريده= له في جزيل الشعر مسرى ومعراج شره على عوب البيوب العنيده= حرن مضارب مخلبه تبهج ابهاج عريب ساســن والنوايا حميده= غيـثن بروقه باالدجا تلعـج العاج من روس قومن ماتمد الزهيده= مداتهم فيها شــفا النفس واعلاج هلا الفضيه بالليال الشـــــديده= يوم الزمان اللي به اذلال واحراج وهلا الفعول البينات المفـــيده= واهل البيوت اللي للاجواد مدهاج امجادهم مــوروث جد لحــفيده= حطو على الامجاد جدران وسـياج اليا نشب ريق الردي في وريده = مداتهم تملا الحقايب والادراج

مشعل عسام التريباني الشمري في 9/2/1439هجري

الاخ محسن بن صالح الغافل التريباني
ارسلي هذه الابيات يقول ابو ناصر

الاصحاب واجد كل واحد وراه علوم=على الفايت اللي فات ماعاد يمدينا
بعضهم نعلمه الرمايه وينصى القوم= وبعضهم نعلمه الرمايه ويرمينا

وهذا ردي عليه اقول
مشعل عسام الغافل التريباني الشمري في 14/12/1438هجري

صدقت والله يابو ناصر عساك اتدوم

	صدقت والله يابوناصر عســاك اتدوم= علومك عن علوم المســـاكين تكفينا الاصحاب فيهم صاحبن مخلبه مســموم= مضاريب مخلابه على الـــربع الادنينا كما العقرب اللي تختفي بالثرى واتقوم= علــى من يواليها عســـا الله يكا فينا وبهم حيتن تظهراليا حان وقت النوم= عســـــا الله من ســم الثعابين يحمينا وبهم صــيرميّن دوم للنايبات يهوم= مضـاريب مخلابه تعيش المســـاكينا وبعض الاوادم فيه من نبتت البرشوم= حلو بس شــــــوكه يالمسناه يوذينا ولكن علـيك بمزرعة بذرة اليشموم= نفحات ريحه عـــن هــذولاك يغنينا ولا ترغب البذره اليا صــارنصفه ثوم= ريحه اليا مالت به الريح يقـــزينا عســا الله يغنينا عن المطعم المذموم= وعسا الله عن من المخاليق يغنينا الهــي ومعبودي وياالــواحـــد القيوم= فنحـن عبــيدك وانت تعلم خوافينا

احمد الله واشكره واثني عليه

	احمد الله واشكره واثني عليه=جل شانه واحدن فذن كريم احمده حمدا كثيرا وارتجيه=كاشف الاضرار ذوالرب الرحيم والله اني ماشكيت الا اليه=ولارجيت الا من الرب العظيم الشفى من غير ربي مانبيه=مانبيه الا من الحي الحكيم من توجه للمهيمن مايتيه=واحدن يحي العظام وهي رميم ملتجاي وباب رزقي في يديه=جل شانه شافي الجسم السقيم الله اللي مايخيب طالبيه=نعمته مايجحده عقلن سليم نعمته مايجحده كود السفيه=عز جاهه كافلن رزق البهيم احمده واستغفره وارجع اليه=وارفع اكفوفي لربي واستقيم احمده واسجد شكر واثني عليه=الجليل القادر الرب الحليم

مشعل عسام التريباني الشمري في23/2/1439هجري

بسم الله الرحمن الرحيم
((عسا الله مايهينك ياسندنا حزت الضيقات))
اخوك/مشعل عسام التريباني في 5/1/1439هـــ

((عسا الله مايهينك ياسندنا حزت الضيقات))

	عســــا الله مايهينك ياسندنا حزت الضيقات= معا ريـفك علينا يابـوثامـــر ما نســـــــــيـناها بذلت الجهد معنا يوم حلت حزة الفزعات= سعيت بخير والفزعات من شـــــرواك حزناها فزعت وعادتك ياطير شلوى راعــي الفزعات= مع الصـــدقان دايم همّتك تاتــي من اقصاها وفيت ولاهفيت وعادتك ياراعــــي العادات= تســـــوق النفس للصـدقان ماتطلب عطاياها عســــاما نفقدك يامسندي ياصادق الوقفات=تجلت فزعتك ياتاج راســـــــي لين شــفناها تجلت فزعتك عســاك ماتشـــكي من الافات= لطمت المعظـــلات بكفك اللــــــي لاعدمناها تحديت المصاعب لين هــانت عــندك الصــعبات=وضعت البصمت اللي يســـعد الصدقان طرياها ياحلو الطيب ياصارالـرجل قادرعلــى الطـولات= مكاســـب في بنوكن يتعب الحسـّـــاب ماحصاها عســـا يفداك هلباجن هروجه بس ود وهات= يصف الهرج ياشـــاف الصحـون تحط بملاها اليامنه قلط فوق المفطح يرفع الاصــــوات= واليا من اللــوازم ســـــــــــنّدت له ماتبناها

ابيات فوكاهيه لمحبي الفوكاهه

كلمات الشاعر\مشعل عسام التريباني الشمري في 20\2\1438هـ

ابيات فوكاهيه لمحبي الفوكاهه

	‏‎ناقص ثلاث سنون واربع طعش ضرس=وكرتون صبغن فيه نصبغ لحانا ‏‎نبي نشـــــيل الشـــــــيب وانلقنه درس= حتـــى يطا وعنا علــى مبتغانا بعده نصـــــير عيال ونـدوّر العـــرس=ياالله علــــى الصيد الجزيل تهدانا لكــن الكان العـــرس يحــتاج للفــرس=نبــي نرد ســــــيوفنا في خبانا امن اولن طيري على الشارده شـــــرس= واليوم يرتع مع دجاج قصرانا مع الــدواجـن داخلن دورة الكــرس= يلـــعب علـــيه الديك والبـبغانا حب الدجاج بخافــقه منغرس غـــرس= يرجن على بيض الدجاج رجنانا

((ترامب دلا علينا يفتل اشنابه))في 19\3\1439هـ
الشاعر\مشعل عسام التريباني الشمري

((ترامب دلا علينا يفتل اشنابه))في 19\3\1439هـ

	اترامب دلا علينا يفتل اشــــــــــنابه= يالله تدحــر خبيث الطبع واتذله دلا على المســــــــلمين يحدد انيابه= والقدس وقـع عليها خايب المله اظفا على دولة اســــــرائيل جلبابه= في وسط جمع العروبه وثق اسجله داخل حدود العــروبه جمع اذنابه= وجـاب البلاوي قليل الخاتمـه كله دنس حدود الديار براس مشـــــــعابه= وجانا بســـيف الغدر والكره مســتله في دار مسرى الرسول يوثق اطنابه= ركّــز مراســيم خبثه وايقض العله دولة اســـرائيل شين الخاتمه جابه= فـــي مســتقر العرب وثّق رســومله يبي يصير الاسد حامي حمى الغابه= ويصــــــــير الناس خدام وعبيدله فـي كبد دار العروبه دق منســــــابه=والناس تنظــر بعين الخوف والذله يالله تلعن ترامب وتهـزم احزابه= وترفع لوى كلمة التوحيد واتجله يا الله بنصـرن يرد اترامب لترابه= ويزيل جمع اليهود ويمســــح الشله

بسم الله الرحمن الرحيم
((للعز يامجلس نزيه الاشانيب))
مشعل عسام التريباني الشمري في13/2/1439هجري

((للعز يامجلس نزيه الاشانيب))

	للعز يامجلــــــس نزيه الاشـــــــــــانيب=راع الدلال اللـــي ســــــوات الغرانيق ياســــــاقو الرعيان حــــرش العراقيب=جماعـة الدرهم لصـوص المخاليق داحس كنزفي مصـــــرفه ذروة الطيب= فــي مجلسـه نســـلا عن الهم والضيق يفــز بالاْدنـين هــــم والاْجــــانــيـب=وبشوش وجهن فــي وجيه المـطالـيق والله ونعمن فــــي حفــيد الشـــــــلاهيب= مــوثقــين المجـد با الفعل تـوثـيق اســـــــــــــــود غابن داميات المخاليب= صـــيداتهم تتعـب ســـــــــهام التفافيق صــــــــيداتهم بذل وتـواضـع وترحيب= هلا اللحيســــــه للجـزايل مشــافــيق وهل الحمـيّه محتوين الاصـــــــــاحيب= وهلا الجـوار انكان بالـوقـت تضـيـيق نعمن بالاســـــلم مكملين المـــــواجــيب= هل الشـــــعب يوم الليالــي تصافيق نفخــــــر بهم ونرتب الشـــــــعر ترتيب= والمدح فيهم يرفـع الــراس وايلـيق

‏

بسم الله الرحمن الرحيم
((يالله بمزنن مدلهمّن مجلجل))
الشاعر/مشعل عسام التريباني الشمري في 10/4/1439هجري

((يالله بمزنن مدلهمّن مجلجل))

	يا الله بمــز نن مدلـهــمّــن وجلجل= تضحك مقاديمه وترزم رعوده سحن غدق يروي ضما الارض ويبل= كبد الثرى اللي يبس الوقت عوده ينــثر هماليله علـــى القاع ويعل= تعطف مباكيره وتصدق وعوده ‏يضحك بثغــره والمـــدامــع تهــامل= يضحك ويبكــي والهبايب تقوده يرخي دمو عن تبهج الصدر وتظل= قاعن من الحفه تجافت خدوده ارضن ســــلبها الوقت لين انه احتل= زينة جماله واكتســـــاها جموده يما تصير ســـــــــــهالها كنها الزل= وتروى محا جرها ويخضر عوده يعلها وداج وبل الســـــــــــــما عل= لين يتســـــاوى ظلعها مع نفوده تســــلابها الانفس وترتع بها البل= والعشب في جيده تخالف وروده ينزل به اللـي من ضجيج البلدمل= ويشم في خشـــــمه ذعاذيع نوده ياحلو به بيت الشـــــعر كنه التل= مر فعينه والطر اقــــــي تروده مـــرفعن للظــيف مئاوى ومــدهل= يشــــــــــبه لجالن بينات حدوده يشبه لظلع طويق باالشــــــكل والظل= راعيه جاد و من عطا الله جوده طلــقن حــجاجه مــاتهاون ولامل=قرمن ورث حلـو النبا من جوده حلـــون كلامه ماغلط به ولازل= هرجه كما لون الذهب فــي نقوده

‏

بسم الله الرحمن الرحيم
((التواضع وحسن الخلق))في 15\3\1439هــ
الشاعر\مشعل عسام التريباني الشمري

التواضع وحسن الخلق

	التواضع وحسن الخلق والابتســامه= من صفات الرجال اللي تســـما رجال والكبروالتعالـــي من صفات الرخامه= كســـــوت الخايبين الضايعين الحثال من لبس ثوب غيره ينتهي بالندامه= ملبس الغــير مايرفـع مقام الهزال ماتجمل بريش الحــــرفرخ الحمامه= لولفح فــــــي جناحه ماطمح للكمال عزنفســـــك تجـدها لاتنزل مقامه= واعلم ان التكـبّركشـــف لبس الجمال كان تبــي الجمال ولبس تاج الفخامه= عن منازل ضعيف النفس شدالرحال اصل عز الرجال وتاج راس الكرامه= صحـــبة الطيبين اهل العلوم الجزال وصك باب الهوان وطرق باب الشهامه= واحتفاظك بســــيرة طيبين الخصال ومـن يقدّر مقامك منك حل احترامه= وشــــيل عنه الثقايل لاتهاب الثقال خذمن المصطفى توجيه واحمل وسامه= خـــير توجيه توحيهه ولابه جدال