يلعن ابو رجلٍ يذلـه هوى بنت

ياللـي بأساليـب الخيانـه تفننـت = = = وش رجعك عقب الجفا والقطاعـه؟؟

فارق عيوني وابعد ارجـوك لاهنـت = = = دامك تصنعـت المشاعـر صناعـه

لعبـت لعباتـك بتمثيـل واتقـنـت = = = وألفـت كذباتـك بفـن وبـراعـه

وخليتنـي بالنـار يومـك تمكنـت = = = وقعدت ادوّر فـي هـواك الشفاعـه

لآن الحجر من حالتي وانت مالنـت = = = لأني اعطيتـك غـلا عـن قناعـه

ساويتك بروحي ومن قلبي احسنـت = = = وزرعت حبك في ضميـري زراعـه

غدرت بي واخلفت ضني بك وخنـت = = = وخذيت حبـي لـك مجـرد اشاعـه

لاتقول ابرجع بالهوى مثـل ماكنـت = = = ضاع الهوى وانت السبب في ضياعه

يوم اني اسهر بالغرابيل وين انت؟؟ = = = يـوم اتحـرى جيتـك كـل ساعـه

ياللي مـع الأيـام ضـدي تلونـت = = = يامن تفنـن فـي وسايـل خداعـه

بك من تواصيف الغـدر لاتمسكنـت = = = كنه اخوك من الصـدر والرضاعـه

يالمعدن اللي حكـك الوقـت بيّنـت = = = بيّن صداك اللـي خذيتـه بضاعـه

ربتني الدنيا علـى يديـك وايقنـت = = = ان ماكل من يطمح طموح استطاعه

اليوم عقب اللـي جرالـي تمعنّـت = = = والحـر بعيونـه يبيـن انطبـاعـه

كانك مع العـاذل وهمـي تعاونـت = = = عندي شهاده بالصبـر والشجاعـه

وان كانك اسلوب التحدي لي اعلنت = = = ابشـر برجـالٍ يشـمٌـر ذراعــه

انا كـذا طبعـي وبأطباعـي امنـت = = = من عافنـا يحـرم علينـا اتباعـه

واللي معي صادق بعيني له اسكنـت = = = عندي عن اسلوب الخيانـه مناعـه

تدري؟؟ مدامك للهوى اليوم ماصنت = = = اقولهـا بوجهـك وكلّـي قنـاعـه

يلعن ابو رجـلٍ يذلـه هـوى بنـت = = = إذا تخلـى لأجلهـا عـن طبـاعـه



ممـا اعجبنـي فنقلتـه لكــم

وما اعجبك نال ذااائقيتنا

دمت بخير ...

لاهنت اخونا زمل الشمري


نقل موفق ورائع تسلم يمينك والله


تقبل خالص التحايا

نقل اكثـر من راائـع اخي الكريم
سلمت يمينك
ودمت بخير..

لاهنت زمـــل الشمري ,,,,

يمال العاافيه ,,,

تسلم يمينك

اخونا الفاضل زمل الشمري

على النقل الطيب

تحياتي لك

اخوي زمل اول شي حياك الله


منور المنتدى وعساك على القوه


تشرفنا بحضورك بيننا وتسلم على نقلك


الراقي لا نخلى ولا نعدم


تقديري

تدري؟؟ مدامك للهوى اليوم ماصنت = = = اقولهـا بوجهـك وكلّـي قنـاعـه

يلعن ابو رجـلٍ يذلـه هـوى بنـت = = = إذا تخلـى لأجلهـا عـن طبـاعـه

الله يجزيك خير اخوي على القصيده الرائعه