ديوان / الشاعر فارس الدبيان

حبايبي
اداره واعضاء وزوار منتديات النشامى
اضع بينايديكم احدى متواضعاتي لعلها تحوز على الرضا والقبول

كن الخُبر في غيبتك قلعه اشباح + يوتيوب !!!

	ليـل الغَريـب طعُـون وآهَـات وجْـرَاح=غُربَـه وشُـوق وبُعـد غـالـي ولَهْـفَـه ماغَير انـا والحِبْـر مـع بِيْـض الالـواح=وجُـيُـوش قِيْفَـانـي تِـجَـهّـز لـزَحْـفَـه من عُقب ماني ضاحك السّن مزّاح=اليَـوم لِـي مِـن دَلّـه الغَـبْـن رَشْـفَـه حتّى الشّوارع لا انوَرَت وقت مُرْواح=اشُوفَـهَـا عَـتْـمَـه بعـيـنـي وجَـلْـفَـه واخـايـل عيُـونـك مــع الـبَــرق لالاح=واجنّـب خُشُـوف الغَوَنْـدَات وأسْفَـه كِن الخُبر في غَيبتَـك قَلْعـه اشْبَـاح=تِتْـصَـافَـق البـيـبـان دَرْفَـــه بــدَرْفَــه وكَـنْ البَحْـر مافيـه اسْـمَـاك وارْواح=ولاكِـنّـه الـكـاتِـم لـجَـرحـي ونَـزْفــه وكِن الفَرَح والحَظ لي تـوم وشْحَـاح=أسَـــدّد الـرّمـيَـه وحَـظّــي يَـحَـرْفَـه وكَنّي خَريف انسَان فيه الوَرَق طَاح=إلـيـا اعْتَـرَتْـه بهـبّـه الـرّيــح رَجْـفَــه إلين جِيت وصِرْت لِـي عِـش ومـرَاح=مِثْل البَدر لاشَع من عُقْـب خَسْفَـه لبّـى رمــوشٍ كِنّـهـا عِـلْـط الارمــاح=وعِقْـد الحَوَاجِـب كنّهـا حَـد شَلْـفَـه ذايـب كَـرَزْك الشّـامـي بـخَـد تُـفّـاح=بَــــرَاءهٍ تَـجـمَــع زعــامــه بـتُـحْـفَـه والزّول قائـد جَيْـش ومدَجّـج سـلاح=إزْنِد رمَاحَك من عَنَى القَلب إشْفَـه ولاجــان صُـوتـك ازرق الـهَـم يِـنْـزاح=وتِخْضِر فِياضٍ عُقْـب غَيْبَتـك نَشْفَـه واذْكُـر خَفَايـا غُربتـي واضْـرِب الـرّاح=ساعَه فَرَح ياااااثِقْـل دَمّـه وسُخْفَـه متى على الله يِقْبِـل الوَقْـت وارتـاح=مَلّيـت شُـوق وبُعـد غَـالـي ولَهْـفَـه

وسلامتكم ، فارس ابن دبيان الشمري