[قصيدة] الرحم والحميا لشاعر نمر بن عايد بن جلغان

السلام عليكم

مصافحه اولى اتمنى ان تنال اعجابكم

الرحم والحميا

مبدا كلامـــي بالسلام وتحيه=للي يرحب دايماً في ضيوفه
أهــدي لطلاب المعالي هديه=للي تولع بالمراجل شفوفه
للي يبون المدح عندي وصيه=تروا المراجل بالصعاب محفوفه
مايدركه اللي عزومــــه رديه=عسرا مثاله كايدات ظروفه
المـــدح مايقــواه عفن دهيه=عن الطيب والولات تقصر كفوفه
تبي شجاع الليث باسه قويه=يصبر على الشدات لو به كلوفه
مثل المبلع يوم يلحق خــويه=رجلي وحافي والزماله كتوفه
ينقل خــــويه في ديار خليه=سبعة ليالي والضواري تحوفه
من العطش ماطاح من معنويه=يمشي اسبوع الزاد ماطب جوفه
من رملة الزلفي لشرق الدويه=وسبت المواطي طايح من خفوفه
به الشجاعـه والرحم والحميه=فدى بعمره دون ذكر معروفه
والاش لو انه حـــــدى والديه=مايلتفت له جعل بقعاء تلوفه
أفعال أبو ملوح ماهي خفيه=مع القبيله شايعه ومعروفه
مجزع رفع هامات من له دنيه=تنشر له البيضاء وكل يشوفه
صلوا على المختار محمد نبيه= خمس الفرائض بالمساجد صفوفه

الشاعر نمر بن عايد بن جلغان الشمري

القدير اللملتاع الشمالي
عوداَ حميد لأخوانك وأخواتك وبيتك الثاني شبكة نشامى شمر
نتمنى أن لايطول غيابك أخي الكريم
قصة مجزع المبلع معروفه وترفع الرأس والشاعر نمر بن عايد الجلغان المفضلي معروف وشاعر من الشعراء الحافظفين
رحمهم الله وجميع أمواتنا وأموات المسلمين أمين
.. .. . .
خالص التحايا لسمو شخصك النبيل
??¯?ـ?ابو غازي?ـ?¯??

استاذي اللملتاع الشمالي
احسنت الإختيار والنقل
تسلم اياديك
تقديري لحضرة جنابك

اللملتاع الشمالي
تسلم على نقلها لنا يالنشمي
تقديري لك ثم لك

رحمهم الله وجميع امواتنا واموات المسلمين
شكري وتقديري لك