معاناة واحد ساكن بجنب مدرسة بنات !

واحد يقول : بعد معاناة 3 سنوات !!!
وتدور أحداث القصه قبل بضع سنوات وبضع ايام وبضع ليالي يوم اني اضطريت اني ادور سكن وبعد كر وفر .. لقيت والحمدلله
و دخلت الشقه 🏠 وانا مزهو بنشوة الأقحوان والعنادل ترقص 👯 في فضاء الشفق وهي تغني سكري يا ورده فتحي يا ورده ،،
و انا مبسوط قاعد اغني ،،،
لين ما اشرق الفجر وبعد سبع دقايق من وضع راسي على المخده ، كنت على موعد مع الكارثه المأساويه !!
قمت مفزوع ، وشذا يا عيال زلزال ركزت شوي و اذا والله الدعوه طلعت النشيد الوطني بصوت بزران
ابتدائية البنات اللي جنبي
لا حوووووول ، اثري الشقه بجنب مدرسة بنات ابتدائي قلت يا ولد خلك انت الكبير و اصبر لين يقضي الطابور وكل بزر يذلف على فصله
لكن هذا كله تسخين هههههههههههههه لان الوناسه بدت يوم دخلوا البزران الفصل المقابل لغرفتي
يا ربي
وش سويت بدنياي
تصدقون
انا لي عشرين سنه وانا ادرس ما حفظت سارعي إلاّ يوم سكنت بالشقه
و ياليتها جت على سارعي ، حفظت كرتي كرتي ما أحلاها ، وهري يلعب فوق السطحي
بس ما انجن وتفلت أعصابي إلاّ اذا دخلت أبله منيره فصل ثاني جيم
( اللي هو الفصل وبجنب غرفتي والشقه لاصقه على المدرسه )
لأن ابله منيره تعشق الزعاق عشق جنوني و هذا يعطي البنات دفعه معنويه فيصيرون يزاعقون
اشنع من أي وقت مضى هذا بالأضافه لأن ابله منيره تخلي البنت تعيد النشيد من أول إذا اخطت
او ماحفظت ؟ بعد السنه الأولى تأزم الوضع
لأن اول كانت ابله منيره تجي الفصل وله في اليوم حصه ولا حصتين .
الحين الأبله صارت المشرفه على الفصل و مبلطة كل الوقت وداقة لها خيمة بوسط الفصل
في السنه الثانيه صار عندي تبلد حسي خصوصاً بعد ما بديت استخدم سدادات الأذن
وصار عندي شعور غبي هو اني حسيت اني ساقط وعايد ثاني ابتدائي معهم .
( طيب على الأقل غيروا و حطو جنبي ثالث)
لكن في السنه الثالثه
بديت اخش جو صراحه
( الشكوى لله )
وصار عادي انك تشوفني ماشي في الشارع وانا اغني
في مدرستي دار الحب ..... العب اجري انا وصحبي
لا وتدرون متى أكيف وانبسط الى منه دخلت ابله منيره الفصل وقالت :
السلام عليكم ....
عاد ارد انا مع البنات 💆💆ونقول وعليكم السلام ورحمة الله وبركاته بصوت عالي متحمسين
كيف حالكم يابنات
بخير مادمنا شفنا هالخشه
الين جاء ذاك اليوم الأغبر
( مثل باقي الأيام اللي راحت )
وكنت ابحتفل بمناسبه حلوه وراجع الشقه بدري و انا مبسوط
دخلت الشقه واناظر الساعه ⌚️ وتطلع عشر قلت كويس البنات الحين عندهم تربيه فنيه ونازلين تحت ( حافظ جدولهم )
و الله واشغل [ المسجــل 📻 ] وافتح الدريشه لأن الجو كان حلو، ودخلت اتروش 🛀 واتزبط
المهم بعد فتره
سمعت جرس الباب 🔔 استغربت منهو ! اللي جاي هالحزه ، فتحت الباب وانا لابس الفوطه واخرخر مويه ⛄️
و اذا والله فراش المدرسه و معه ورقه ومدها لي
اناظر الورقه وإذا محتواها : أخي الفاضل الرجاء التكرم بخفض الصوت مراعاة للطالبات في المدرسه اللي جنبك وشكرا

التوقيع
الأستاذه الفاضله 👩 منيره ..
هههههه هذه آخرته طلعت انا المزعج لاعادة .

والسلااام عليكم ورحمة الله وبركااااته .

( منقول بس والله مدري هي بالمنتدى )