##خـــــــــــــــــــــــــــــــاص بـــحــــــــــــــــــــــــــائل##

اخواني وخواتي اعضا نشامى شمر

هذا خاص عن حائل

ولذلك اللي يذكر بيت شعر عن حايل يجيبه هنا

--------------------------------------------------------------------------------

هذه قصيد مهداه للاخ العزيز والغالي العضو/ حموووودي 00مع التحيه

بس مادري من قائل القصيده

روحـي بحـايل ما تفـــارق جبلهـا=وحبي لهــا عـيّا عـلى كـل الاوصـاف
أفـرش حصــاها واتوســـد سهـلها=وأرقـد بحضـن جبال سـلمى ولا اخاف
اسمــح واراضــيها واداري زعلهـا=واشتاق له شوق الطـنايا للاضـياف
او شـوق سمـر جـبال حـايل لاهلهـا=وجـاوزت مـن حـبي لهـا حـد الاسراف
وعـيني بأجـا ما تسـمع اللي عذلها=وخشـوم سلمى مـثل شـذرات الاسياف
قصــة غـرام تـراب حـايل نقلهـا=تحـكي على التالين من ما ضي الاسلاف
أجـــا تهضــم عــبرته واحتمــلها=ولا هـي بعـادة عـبرة الحـر تنشـاف
وحـوّل عـلى سمــر الجـبال ونزلهــا=عن دار ذل عقـب ما شـاف ما عـاف
وسـلمى تغــني لـه قصــايد غـزلها=على الوفا والـود وسـلوم الاشراف
وحـاتم زرع عــود الصخـا في جبلها=وأوقـد بشـامخ ضلعها نار الاضياف
وعـنتر عـلى سـلمى ركـابه عقـلها=وشحـوا عليه عيال سـلمى بالانكاف
دار بهــا الشـلقان صـاغوا مثلها=خـويّهم شـالوه مـن فـوق الأكـتاف
وقصـة معـشي الـذيب محــدِ جهـلها=يا من يعـد الذيب من عرض الاضياف
وراع اللـبون اللي عـلينا نزلهـا=ترعـى لـبونة بالقـريّة والاكـناف
مالـوم مــن روحــه لحـايل بذلهـا=وأرخـص لهـا قـلب مـن الـود ينلاف

حاتم الطائي

الى الشعب من اعلى مشار فثرمد = يسقف الى وادي عمودان بالقمر
بكيت ومايبكيك من دمــــــن قفر =الى بلدة مبنى سنبس لابنه الـعمر

زهير بن ابي سلمى

وقد اراها حديث غير مقــــــويه =السر منه فوادي الــجفر فالهدم
فلا مكان الى وادي الغثمار فلا =شرقي سلمى فلا فيد فلا رهم

عنتر بن شداد

ياعبلى سلي الجبلين عنا =وما لاقت بنو الاعجام منا
ابدنا جمعهم يوم أتونــــا =تمــــــوج بنا انسا وجنا

عبيد بن علي الرشيد

انا بجا ما سلت عن باقي الناس =لـــولا المعزه ماسكنا بحايل

نصيب

لعمري على فوت لاية نظرة =ونحن باعلى حائل في الجراثم

الاعشى

ياهل ترى برق الجبلين =يعجبني انجــــيابه
من ساقط الاكناف ذي =زجل ارب به سعابه
هل الــنعام معــــــــلقا =لما زقا ودنا ربابه

انيف بن زيان النبهاني

فلم اتينا السفح من بطن حائل =يحيث تلاقي طلحها وسيالها
دعوالـــــــــنزار وائتمينا لطئ =كأسد الشرى إقدامها ونزالها

خالد بن الواليد

جزا الله عنا طيئا في ديارهم =بمعترك الابطال خير الجزاء
هم اهل رايات السماحه والندى =اذا مالصبا الوت بكل خباء

---

حايل سقاك السيـل غيـث همالـى=يهمل على السمراء وعيرف وصديان
برقه تلالا مـن جنـوب وشمالـى=ياعل ماطـر ديمتـه فـوق بـرزان
فى وسط سوقك ياعروس الشمالـى=يقيض على واديك بستـان بستـان
واد الاديـرع لارتـوت بـه فعالـى=والعش والمسمى الى شعب عفنـان
غى فيـه شـرق الاحيمـر عيالـى=ترقد على سفحه سواليـف فرسـان
هـذى مغيضـه والزبـارة تلالـى=وهذيك عقدة والوسيطا لهـا شـان
وهذا مشـار المنتـزة بـه مثالـى=وهذى الرعيله صيتها بالذكـر كـان
يازين مخـلاف علـى شـف بالـى=يم النهايـد لامتلـت فيـه غـدران
يازينهـا مابيـن قـاعـد جبـالـى=عكاش ياطب مـع مليحـه وركـان
قارح معه جانيـن بالحيـل غالـى=اذا ارهر الحوذان فـوق ام غبـران
ياعزوتـى ياباهـيـه بالجمـالـى=يادرة الاوطـان تباهـى بالاوطـان
ياديـرة منزالهـا طــى عـالـى=انا اشهد انـك للكـرم دوم عنـوان
عبدالعزيـز اللـى كساهـا دلالـى=يوم ادلقت له سورها طـف بيبـان
يستاهلـك مقـول بـالاول والتالـى=من نسل ابو تركى ثرى ذرب الايمان
ياعزوتـى ياطربـتـى ياحـلالـى=ياحايـل التحنـان قلبـى معـك لان
يالايمـى فـى حـب حايـل ترالـى=فى شوق حايل عزوة شوقهـم بـان
اسرح مع الهاجوس وارسم خيالـى=واكتب لها فى دفتر الشوق عنـوان

ولي عوده للموضوع

الله يعطيك العافيه

يابو مضاوي

مــع اني ما اعـــرف حــايــل !!!

بس ماشاء الله


قصايــد جميله جـــدآ ..


::

دلـــــوووووعــه

لا اعلم لمن

اجا وسلمى جيتها = وحايل بها هنيتها
دار بها حاتم ربى = دار الكرم دار الكرم سميتها

اما هذه فهي من قصيدة لي

في مشار وجوها اللي يالطيف = جو حايل صدق لو فيه اهتفوا
جامع بين الشتاء وصيف وخريف = الفصول الاربعة فيها وقفوا

شاكرين لصاحب الموضوع هذه الفكرة الجميلة

وان كنت اظن ان مكانه الشعر المنقول لكن لي نكسة انشاء الله

اقتباس المشاركة الأصلية كتبت بواسطة دلع السعوديه مــع اني ما اعـــرف حــايــل !!! بس ماشاء الله قصايــد جميله جـــدآ .. :: دلـــــوووووعــه

دلع السعوديه قولي قسم

عاد ماتعرفين حايل

طيب رددي وراي بصوة مرتفع

حايل على قولي اجمل منطقه في الشمال=لا جاهم الضيف كلا قام في واجبه

صحت السنت الشعار وفكرة راااائعه

جوٍ على حايل حلا ماتمنيت=والله ولا لندن بقول العيالي

خالد الصالح

تصفحّت الشمال وكل حبٍ في ضلوعـي سـال=وانا مشتاق لكتاب الشمال .. وريحة سطـوره
قريته من جنوب(جبـال حايل)(لزعبل)(لقيـال)=واحس بداخلي مع كل صفحه تنولـد صـوره
تهجّيت الشوارع :كلها زحمه وطيـش أطفـال=تهجيت البيوت: وكل بيـتٍ يحضنـه سـوره
لمحت الشمري صفحة وفا بين الورق تختـال=قريت الطيب وحروفه من اول سطر محفـوره
لقيته بالرضا مثل النسيم..وبالغضـب زلـزال=لقيتـه بالرخـا غايب..وبالشـده بـرز دوره
اذا صوته تكلم أستحى صـوت الحسـود وزال=أفا..كيف يحكي حساده وصوت المره عـوره؟!
ترجّاه (النفود) ليا مشى يمشي بـدون نعـال=تبي تحفظ بقايا خطوته..وتعيـش مغـروره!!
هنيك يوم (شمّر) يالشمـال اختارتـك منـزال=عرفت الحين وش خلا الصباح تغرّد طيـوره؟!
هنيك(بالطنايا) كل يـوم يـدوس بـك خيّـال=أجل كل يوم وارضك من سحاب العز ممطوره!!

الشاعر علي الضوي



لاهنتوا على الفكرة روووووعه

حـــائــل
عروس الشمال
مدينه الحلم رمز التاريخ
رمز التلاحم رمز التلائم
رمز التواد رمز الشرف
رمز الرجال الشرفاء
رمز الجمال كله ..
رمز الجود والكرم
مدينة حاتم الطائي
ماذا قال عنها الشعراء

عبدالعزيز طلال الصقيري

ابو مضاوي

حضور رائع

وحائل تظل حائل ياخوي

يعطيك الف عافيهـ

وسلمت يمناك

ولاهنت

شكرا على هالحضور

تحياتي لك

بنت الاحرار

خالد العنيزان،متفائل, بنت الاحرار, دلع السعوديه, ريال الفسحه ،بنت ابوها

اشكركم على المرور والمشاركه ويعطيكم العافيه

تحياتي للجميع

ابو مضاوي الله يبيض وجهك ع هالقصيده . . . وأهديك . ..

حايل كما لبنان بالطقس والريف
منعش هواها مبري للعلالي

. . . تحياتي . . .