الى الصديق الدكتور مشعل بن ممدوح العلى (عضو مجلس الشورى)

لاضامتك دنياك رح لبو سلطان =خذها نصيحه لا توجه لغيره
هذا شبل ممدوح مشعل بليهان=نسل العلي مشكاي صاف السريره
عزالله انه لافزع مهو بلشان=وشلون يبلش والكرم هو اميره
دكتور راقي مرهف الحس انسان=وله سيرتن ماهي تقارن بسيره
ما قلت فيه المدح من دون برهان=جربت وقفاته ولاهي كثيره
على شيوخ للجبل شآنهم شآن=تفخر بهم حايل وشعب الجزيره
من يجهل الفريس مايسرج حصان=مادام عميان البصر والبصيره
ومن يهدي الجاهل حدب عاش ندمان=ماهوبعارف يطلعه من جفيره
اقولها واثق ولاني بغلطان=مشعل ظلال لمن شكى من هجيره
مثل المطرلاجا من الغيم هتان=تفرح به العربان في كل ديره
محد يوازي با المواقف كحيلان=ولاحدن يلوم اللي مدح قنص طيره
عسى الله يهنيه في كل الازمان=وعساه طول الوقت عينه قريره

0
صح قلبك استاذي

ويستاهل الممدوح المدح

والنعم بالجميع

==

صح لسانك اخوي احمد الجريفاني ونعم والله ببن علي ونعم بك انت ماقصرت الله يطول عمرك

تسلم وصح لسانك ملايين يالغالي وبيض الله وجهك
وألف نعم بالمادح والممدوح مبدع وبقووووووووووة.
تقبل فائق أطيب التحايا والتقدير،،،

وافي يابوفراس بيض الله وجهك

استاذنا الكبير قدرا صح الله بوحك وطابت روحك ونعم فيك وبمن مدحت ولو ما استحق المدح اكيد انك ما مدحته
ويستاهل كل صاحب موقف مشرف ماقيل فيه

احمد الجريفاني

ونعم بالطيب اللي مثله وشرواه وشرواك اخوي احمد

وانت وافي

كفيت ووفيت

لاهنت
تقبل اعجابي

شاعرنا الكبير مقاماً القدير احمد الجريفاني
ابو الفراس
بيض الله وجهك والف نعم بالمادح والممدوح
استاذي سلم بنانك وصح السانك حتى ترضى
خالص التحايا لسمو شخصك النبيل .

ابو فراس

قلت وابدعت بمن يستحق المدح والشعر

انت شاعر ورجل شهم والوفاء طبع الطيبين

بلا شك الممدوح كفو ويستحق الشعر واكثر

تقبل تحياتي

صح لسانك ابو فراس

قصيدة جزله يدفعها الوفاء


سلمت وطاب فالك