محاورة مع الشاعر القدير عقيل سعود المنيس

السلام عليكم ورحمة الله وبركاته
اخواني واخواتي اعضاء وزوآر شبكه نشامى شمر

آهدي لكم هذه المحاوره وارجو ان تحوز على اعجابكم

[نداء المفضلي]

نبي نـــــمر الديار اللـي تســر النظر = وياللاسف خالـــيه يومن مريتها
مدري ظروف البشر والاظروف الدهر= والا توتر يالنشامى مطفين ليتها

[آبو جمآل]

ارفق على هون والعالم بسكة سفر = والعنكبوته تبي تبني طرف بيتها
مير البلا من نفر زعل ثلاثة نفر = والددسن اللي توصلهم نشف زيتها

[نداء المفضلي]

يابو جمال انت شاعر فالبلد مـعتبر = ياقاضي القــــوم ليه القوم خليتها
عندك خبر والعرب تبي تعرف الخبر = يومن حي العرب يخطي على ميتها

[آبو جمآل]

صليت معكم صـلاة العصـر جمـع وقصـر=الله يـقــبــل صــلاتـــي يـــــوم صـلـيـتـهــا
سافرت ابي خمسة اشهر وانتهيت بشهر=غـثـنـي اهـــل النـمـايـم وانـــت غثـيـتـهـا

[نداء المفضلي]

طلبت مهر الهنوف ولك دفعت المهر = وغيرت نيتك والســـكين حديتها
وحنا المـواليف طال العلم والا قصر = ويمناك تبقى طويله يوم مديتها

[آبو جمآل]

دفعت عشرين حاشي لكن اسمر عبر=راحـت مـع الجـال لاجتنـي ولا جيتهـا
نبقـى مواليـف يـا مجطـل بليطـح امـر=مـاوده أظهـر علـوم ن عنـك خفيتـهـا

[نداء المفضلي]

حنا نزلنا الخطر ولا نزلنا الـــــوعر = وحدودك اللي رسمته ماتعديتها
كل السبب من هنوف(ن)ماتفل الشعر= نادتني البنت وحبتني وحبيتها

[آبو جمآل]

انزل من الخطه الخضرا لشرق الحفر=وان جـيـت مـكـة تقـيـد فــي مواقيتـهـا
والبنت قامت تصلفق مثل لمح البصـر=وانــا تعنـيـت والـلـي شاقـنـي صيـتـهـا

[نداء المفضلي]

اما رغا الهرش والا مــــــع طريقي هدر= تسلم لي الرؤس ليامني تحديتها
انا على الخصم دايم عــلعت(ن) فالنحر = وسيوفك البيض ليه اليوم رديتها

[آبو جمآل]

موضوعنا ضاع ياحاشي ذبحك السهر=والـــلام زايـــد يالـيـتـك قـبــل غنيـتـهـا
خابـرك علـة ولكـن جـاك مـوتٍ حـمـر=ياويـلـك ان كــان عيـنـي فـيـك لديتـهـا

[نداء المفضلي]

انا ادري انك كفو والراس يقدح سـطر = ماهي غريبه عليكم يوم مشي تها
انته على الشعر والشاعر سوات المطر= ياطيبها يابن عمي يوم ســـــريتها

[آبو جمآل]

حرب الشوارع تسبب يابن عمر= قهرومــع اقـربـا الــدم والله مــا تمنيتـهـا
العب على ما تبـي حتـى يبيـن الفجـر=مجطـل مـا علمـك بالعـمـه وحلتيتـهـا

[نداء المفضلي]

لا والله الا تدق اليوم راس الوتر = لو الهــــزيمه لمثلك ماتمـــــــــني تها
رزق البشر كافله ياذيب رب البشر= واكبر شرف يوم معك الرجل سجيتها

[آبو جمآل]

لو تنشد الناس قالوا شايبك منتصر=حاولت ترسل علي كـوره وصديتهـا
لو تدعي بالغنـاه اعيـاك كثـر الفقـر=طــف الـزقـاره ورجعـهـا لباكيـتـهـا

[نداء المفضلي]

لله درك على بيوتن سوات الدرر = مافيك حيله علي النار شــــــبيتها
الارض ضاقه ولافيها مطير ومفر= نار الحرائب معاكم غصب طفيتها

[آبو جمآل]

نتيـجـتـي مـعــك بـالـمـيـدان واحــــد صــفــر=ومـيـعـادنـا فــــي ديـــــارٍ مـــــا تنـاسـيـتـهـا
واشكرك من قلب صافي واشكر اللي حضر=بـديـتـهــا بــالــكــلام الـــجـــزل وانـهـيـتـهــا