ديوان / الشاعر معدي نشمي العتيبي

أم النــواعـــس

	ياحلـو نظرتهـا ليـا نـاظـرت فــي = أسـرح مـع النظـره واعـد الليالـي أم النـواعـس مانقصـهـا ولاشــي = سبحـان خالقهـا عظـيـم الجـلالـي كـن الهـدب لاطالعـت لــي يهـلـي = ويقول لاتخشى تـراك انـت غالـي وبعيونـهـا يـانـاس شـيً فـتـنـي = ياليتهـا يــا بــوي تـرفـق بحـالـي ياليتـهـا قـفـت ولا طالـعـت لـــي = وانـا مـنـول قبلـهـا كـنـت سـالـي بنتً صغيرة تحـرق القلـب بالكـي = كـي النواعـس ياهلـي سـم حالـي لامـــر ذكـراهــا ارحـــب وهــلــي = وصـورة وليفـي ماتفـارق خيالـي دمــر حيـاتـي حـبـهـا وامتـحـنـي = واليوم اشوف الصبر يازين طالي يازيـن صـوتـك لاسمعـتـه يسـلـي = يسلـى فـؤادي بـه ويـرتـاح بـالـي وياغـرو ممكـن لـو طلبتـك تلـبـي = شـيً بسيـط ابـيـه يــاراس مـالـي

ألوم النصيب

	تقولين مايفضـح ياكـود أخـر اللحظـات = وأنا أقول نفسي يالغضي فيـك مرهونـه بليـل المـوادع شفـت بعيونـك العـبـرات = وسارعـت قبـل الدمـع يحـتـار بجفـونـه أسافر واجي واهيـم فـي عالـم السجـات = واذا سج بالـي صاحـت الـروح مفتونـه وقلبـي علـى طريـاك يبحـر مـع الونـات = في بحر الونين يعـوم بأسبـاب مزيونـه اقفي مع الارض الخلاء وأكتم الحسرات = وألوم النصيب اللـي تماريـت فـي لونـه وعينك بها سهوم المنايا تجي خطـرات = ورمشك كمـا جيشـاً ورى الكنق يحمونـه ووجنتك مثل القطن تمري بها اللمسات = ومبسمـك اذا جـابـوا عسلـهـم يصفـونـه وإذا شفت زولـك أذكـر الله عشـر مـرات = وحـالـي كما المسجون وأهله يــزورونـه ومادام النصيب أبعدك والركب عني فات = قتيــل الـهـــوا ماينفـعه من يـعـزونـه

شـــكَى وجهي من الأهـــــداااب.!

	حبيبي لاتقفِّل بين قلبين الغرام إعجاب = دخيلك لاتكبِّرها ترى الدعوى شماليه تعلم من سلالة حاتم الصدر وسعه ترحاب=رحابة صدر واحدهم من الدار الشماليه صحيح ان الكرم ورثٍ لهم ومسجلٍ بكتاب=وإذا دقت طبول الحرب ثورتهم جنونيه وانا بعطيك سرٍ في خفوقي كنه المشهاب =سعر حدب الضلوع ونار حبك بالحشا حيه عليم الله من حبك شكى وجهي من الأهداب=على شانك أهل الدمع والحسرات مخفيه وقسم بالله لوقلبي من الفولاذ يمكن ذاب=على لا ماك ذايب مارجى عطف ومحنيه يسوقه يمّك الهاجوس ثاير عقب طول غياب=رثع به شوقك الهايم على قول الحداريه لأنك من ملك عرش الخفوق ونزَّح الاحباب = وصار القلب له وحده بلا صكٍ وملكيه صبرنا والصبر شايب حزين ولابقابه ناب=عقيم ولا رزقه الله مال( ولا رفاهيه) وغرامك جمرته ذابت خلايا المخ والأعصاب = دخيلك عَوِّد لقلبٍ يحبك يابعد حيه

ياعقيم العـــرف

	يـاعـقـيـم الــعــرف يــاوجــه الـحـمـاقـه=مـاغـدالــك شــــي يــــوم آتصيـحـيـنـي عــشــرت الـمـحـقـان مـافـيـهـا رفــاقــه=يـاخــســارة مـــــن لـــفـــوك آمـسـيـريـنــي ولا أنـا مــع الشـهـب مــادق العـلاقـه=والــقــشــر مــابــيــه لـــو انـــه يـبــيــنــي والنصـيـب مصـيـب يكـويـك احـتـراقـه=مـالــك الا ماكـتـبـلـك فـــي الجـبـيـنـي راحــت سنـيـن العـمـر مـامـن شفـاقـه=والـشـقـاء يـــزداد بـالـقـلـب الـحـزيـنـي صـابـراً والـصـبـر عـلـقـم مـــن مـذاقــه=أنـشـد الـلــي ذاق لـوعــات السنـيـنـي وللحـيـاة أسـلـوب لــو بـــان اخـتـراقـه=قولـهـا لـجــل اعـــرف أنـــك ماتبـيـنـي يـاوليفــي مـارجـيـتــك مــتـــر طـــاقـــه=كـيــف أباعـاتـبـك فـالـحـب الـقـديـمـي والـغــراب غـــراب لــــو يـكـثــر نـعـاقــه=والسحاب إليا أنهمر يحي الهشيمي يايـبـه يـاعـون مــن حـــس أختـنـاقـه=يـاعـقـيـد الــقــوم يـالـضـلـع المـتـيـنـي شــوف عيـنـي نومـهـا بــان أنسـراقـه=وان طـلـبــت الــنــوم عــيــا لايـجـيـنـي مـعـتـنـز بالله وصــابــر لــجــل بــاقـــه=بــاقــة الــجـــوري ومـتــنــن مـايـلـيـنـي والحضيـظ اللـي ملـك خمسيـن نـاقـه=مـغـتــرات الــلــون بـالـغــدراء تـبـيـنــي فــي صـحـاري البـيـد مـاعـنـده لـقـاقـه=ومـــن عـلــى وللحـيـاة اسـلـوب لــو بـــان اخـتـراقـه=والحـقـيـقـة مــــات مـنـهــو يهـتـويـنـي

العشــرة الباقــين .

	يالشعر طالت غيبتي عنك مشغول=والا بحرك أسبح بعرضـه وطوووله أغوص قيعانه وادوِّر على اللول=واختار في مرجان درّه ، ولولــه ماهوب أنا..غيري .. رياجيل وزحول=اللي على جزل القصـــآيد عنوا له واليوم أجر لحون الأبيات واقووول=فكري دعا الطاروق،واسرج خيوووله ميَّة هــلا ، زايد غلا .. كثر هالجول=سرب الطيور اللي سمانا تجوووله سبحان من يلهم عباده على طول=من شفتهم أعلن خفوقي وصوله توم الفؤاد وفارشٍ صدري ازلول=مكانةٍ بين العرب ومعزوله مكانةٍ نرقا بها راس أبا الهول=واهرام مصر اللي لحاكم بنوا له والعشرة الباقين عزوة ومسلول=ألهم وريد القلب يشعب ذلوله محبةٍ تبقى ولو ضد مجهول=من دونها بشتال كل الحموله واختامها مني سلامٍ وموصول=موصول للغالي ولو غاب زوله هو ما درى بالقلب مرمي ومعزول=وعقبه تقول إن اليدين امغلوله الله حسيبه كان جاء داير الحول=وانا أتحرى منه علمٍ يقوله

عمت جميع الدويلات الخليجيه

	يالله دخيلك من الظالم وطغيانه = الذيخ بشار يتفاخر علانيه فالشام ذاب الحديد وطاح بنيانه = ودرعا وآهلها مقابرهم جماعيه أطفال ماتوا بليا ذنب وأدانه = شيب وشبابن مجازرهم بوحشيه وعرض الحراير سروبه داخل الحانه = ابشع جرايم بيمناه العدائيه شلت يمين الردي لارحم جدانه = حقود مافيه للعـَزل محنيه احزامه الفرس ويا الروس صدقانه = وحنا العرب والعرب مافيهم حميه نقول قولن قسم ماشفت برهانه = وعبر القنوات خياله ورجليه جينا الفرنسي وقال أنخوا مريكانه = عمت جميع الدويلات الخليجيه وعراقنا راح وقفى عقب شجعانه = وتونس تولوا سيادتها الحراميه لكن ابدعي عظيم الشأن سبحانه = يعز الإسلام ويذل اليهوديه

مــر الوســـــــآيد .!

	نبعـد ويبقـى بيننـا الـوصـل مـمـدود = عـشـاق تجمـعـنـا سـلــوم وعـوايــد يطـول عمـر البعـد والحـب مـوجـود = والعشـق نـاره فـي ضميـري وقـايـد حب(ن) كما اللؤلؤ على الجيد منضود = يشـوفـه الـلــي ذاق حـــر الـوعـايـد وقلبي خضر مايحتمل لوعـة السـود = ســود(ن) هـدبـهـا للمحـبـيـن قـايــد والحـب سنـه وكــل قـايـد بــه قـيـود = وأنـا علـى راس السنـه لـك معايـد وحبـي عطـا قلبـك مواثيـق وعهـود = وفي قمته عـرشاً عـن البيـض كايـد بالله طالـع فـووق حامـيـه بـوسـود = واقرب وانـا اعلمـك وش فيـك زايـد زايــد بزيـنً فـيـك مـاحــط بـحــدود = والـخـد غـيـر 00وغـيـر مـابـه نقـايـد ارجوك ظـم القلـب بـا الحيـل ملهـود = ظمـه بعـد مــا ذاق مــر الوسـايـد وعمري وهبته لـك بساتييـن وورود = والعـهـد شـعـري والـقـلـم بالـوكـايـد وألعن عذول الناس واعييـن ورقـود = قلـبـاً عـديـم وقـلـب لـغــز القـصـايـد

الاساليب الجريه

	يالله إني في ذراك اليوم يارب البريه =يا منجي عبدك المظلوم يومنه لجاله أسألك في دنيتي حالي لاتجعلها بليه =ياالعظيم اللي ماغيره (واحدن) وجهه نساله واطلبك نطق الشهاده لادنى يوم المنيه =والأمل في جنتك يارب لاتقطع وصاله والحقيقة في حياتي ماعشقت الأدميه =عايشن مرتاح قلبي والهوا ماقد طراله عايشن واخذ من الصحراء نسايمها العذيه =وتسمع لا حكوا بالوسم وانشد عن اخياله واتفكر فالغزل لكن ماف القلب شيه =وآتعجب.! يوم قالوا من عشق عزي لحاله والمصيبه حين قلبي صادفه ذيك البنيه =أخطفت قلبي وحطت أسمها والله بداله ارتميت بكل ثقلي وكل أساليبي جريه =يم من تشبه قمرنا لاتجلى بأكتماله قالت: أصبر والليالي بيننا والله مديه =والغلط مردود وأحذر يمنا تفتح مجاله واعرف أن أهلي بدو مايقبلون أدنى خطيه =لايغرك في زمانك قلب وضح لك دلاله قلت: والله عاشقك يابنت والغاية نقيه =مكتسب قلبي شهامه من عمام ومن خواله أبدوي الأصل وافي وأمتلا قلبي حميه =من قبيلة فعلها ماهوب صفحات ومقاله وجدي عبيد العتيبي ولاتبي هذي وصيه =الله أكبر كم رجلن كل ماضاقت عناله عنده البل محتميها ونار بيت العز حيه =وفوق ناره دلة الرسلان ترمز للأصاله ولظيوف يقول أهلاً قولتن والله مليه =يذبح الكبش السمين وذي تراها من خصاله قاطعتني ثم قالت ماخفى بالي خفيه =أعرفك والقلب يمك يالعتيبي هو مناله قلت أنتي من شبابه ولا قولي لي جهنيه =والصراحه هقوتي يابنت والله لمن هقاله قالت أنا من شبابه والحقيقه لك وفيه =من رجالن وافيه ولله يامعّدي كماله من بدو واعرف ترى والله ماعشت حضريه=بنت (عودن) في نهار الحرب يفدونه عياله قلت ليتك تسمعيني لين أكمل يا اجوديه =لايغرك من نصب عمره ونكس لك عقاله والغلأ يابنت والله ماتجي منه الأذيه =ومن عشق من قلب والله ماتجي منه الرذاله والهواء دربين لرواحاً خلقها الله بريه = الصحيح يمين دايم والخطاء خله شماله والنهاية كلمة أحبك تراها واقعيه = ومن عشقنا نعشقه وان راح أبلقى لي بداله

المـقـــابـــر

	قولوا لها ياناس أمانه كان فيكم ياصفون = وصف الحكيم اللي يسولف واقعه من تجربه قولوا لها من حرّ قلبي حين فارقها بهون = ويلاه ياجرح الليالي من فراقه مصعبه أغليه ويش أغليه عقلي منه جاهز للجنون = من لاعته نار الفراق أصبح بعيره يشعبه من عقب ماكنا سوا والليل نقضيه بشجون = نقضي ليالي عشقنا لو القمر هي تشبهه كانت تقول أني اخاف بيوم في بعدي تخون = واقول من حاول يخون الحب ربك ينكبه وكانت تقول اني احبك حب مهما مايكون = وكانت حياتي قربها واهديتها عمري هبه واليوم راحت مقفيه وانا محاصر بالظنون = والحزن ثوبي لابسه والدمع اهله واسكبه احيان اقول أحبيبي والله على روحي يمون = واحيان اقول أن الظليمه ياحبيبي متعبه واحيان اضيع بذكرياتن مع حبيبي ماتهون = فيها الكرامه والغرام ووردتين ومكتبه أيام عشناها سوا وايام كنا هايمون = وايام تبعدها الظروف وبعدها وش مكسبه طال القصيد وطالت الغيبه وحنا صابرون = واشتد صيف البعد في وجهي وحره يلهبه آما تجي ولا عساها سفرت اللي مايجون = راحو وحطو فالمقابر وكل قبراً بنصبه

تعــــــــالي

	تعالي ياحــلات العمــر لايطري عليك الخـوف = تعالـي وارمي اللثمه ترى شوفك يسلينا تعالي بشوفتك نفــرح وننقش حبنــا بحـروف = تعالـي ياكتاب العمـر والضحكه تبارينا تعالي نمسح المــضـي ونكتـب حبنا ونطـوف = تعالي واحظني قلبي ترى حضنك يدفينا تعالي ناظــري همن بقلبـي والحشـا ملهـوف = تعالي والعمر شمعة لجل عينك تضوينا تعالي امسحي جرح الصويب اللي طعن بسيوف = تعالي يا عذاب الحب ماغيرك يواسينا تعالي ترجمـي حبــي ومن فمـك على المكشوف = تعالي طالـت الايـام وبا لفرقـا قتلتينــا تعالي لامتى نصبــروعـذرك ياالحبـيب ظــروف = تعالي ما أبي غيرك من العالم يحاـكينا تعالي مـاهــويت إلا غــراماً بالخطــر محيــوف = تعالي والغلاء يابنت في غيابك ينادينا تعالي مـابقـى مـن حبنا غيــر الأمــل وطيــوف = تعالي الـف أرددهـا تعـالي لـو هجرتينا تعالي شوفي عيوني قبل يفقـدبصرهـا الشوف =تعالي وأبشري بالروح دام أنك هويتينا